اللي جربت تبيض الأسنان بعياده الميدان تدخل

[مملكه الرشاقه]

السلام عليكم

شلونكم ياحلوات

بغيت اسئل منو جربت تبيض الاسنان بعياده الميدان الجهراء لأني حجزت موعد حق يوم الثلاثاء
ياريت اللي جربت تقول تجربتها

 

[زين الوصايا]

رد : اللي جربت تبيض الأسنان بعياده الميدان تدخل

انشالله يفيدونج حبوبه
ويمدحوونها ترى عيادة الميدن {ياحميدان } ترى معروفه ودكاترتها خوش دكاتره واايد يمدحونها

 

[بنت النوخذا]

نفس موضوعي و نفس سؤالي


شنو افضل طريقه لتبيض الاســـــــــــــــنان

 

[أحب أمي]

وخري عنهم والله من النصب

اختي سوت عنهم تنظيف ب 20
والتبييض ب 100

واسنانها صفر واخذت جم يوم ماتاكل اللثه احترقت وتعبت حيل

والحين تستخدم معجون كريست 3d المبيض + معجون مبيض ثاني مو ذاكره اسمه لونه من داخل عنابي على بنفسجي جنه حلاو وشحلات اسنانها الحين تبارك الرحمن

 

[قمر قمر]

رد : اللي جربت تبيض الأسنان بعياده الميدان تدخل

انا سويت عندهم قبل سنة ونص للاسف اللون مو موحد جنه خطوط ابيض حيل وابيض عادي وصفار
واسناني تحسست حيل مانصحج بالتبييض نهائياا

 

[بنت النوخذا]

بنات شــــــــــــــــــنو تنصحون

باي طريقه الواحد ايبيض اسنانه

بالليزر و ااااااااي عياده

بليز بناتتتتتتت هلب عفيه

 

[كويتية وكيفي]

انا جربت تبيض ف البيت من عياده لمده 10 ايام كان ف تحسن ملحوظ وماعجبني .... وسويت ليزر بس ماكان بالنتيجه المطلوبه .. تحسفت ... ليتيني مكمله ع القوالب أحسن

 

[عذبة السجآيآ]

يمدحون عيادة ابها شفت صور اخو رفيجتي مشاءالله بيييييض

 

[مملكه الرشاقه]

مشكورين حبيباتي عالردود
بصراحه خرعتوني منهم احترت اسويهم ولا لا

بنات عمي مسوينهم بعياده المباركيه واسنانهم بيض ومافيهم حساسيه

 

[زبــــــــدة]

بناااات ترى التبييض مرخص من امريكا بس القوااالب اللي يعطونج ياها العياده وتسوينهم بالبيت

دكاتره عيادة اسنان قالووو

ان التبيض بالليزر مضررررررر

 

[غلاي عزوزي]

جربت الي بشرق قبل 7 سنين قبل عرسي
الي اسنانها اساسا لونهم لبني بيرد لونها عقب شهر شهرين


يرد لونهم من الشاي والقهوه
خلو اسناني حساسه والحين متنأذيه منهم

هالحجي قبل 7 سنين امكن الحين جهازهم تغيير انا بالليزر وكان اول مانزل غالي ب400 او 300 دينار الحين كل شي رخص

 

[شيخه***البنات]

انا جربت عندهم قبل سنه تقريباً تبيض الاسنان بالزوم كان التبيض زين يعني مو قوي ..

بس بعدين مع الفتره قام يقل .. الحين بجرب لصقات كريست اليديده 3d ..

وكانوو مسوين عرض تبييض الاسنان بـ 50 دينار بدال 100 وتنظيف الاسنان بـ 20

بس صراحه تنظيف الاسناااااااان كان رووووووعه ماشاءالله ..

 

[يرخصلك كل غالي]

ماا عجبني كلشششششش

صارو اسناني حساسبن وردو مثل قبل

 

[رحــــيــــل]

سويت عندهم من 6 شهور وياريتني ماسويت تهاوشت وياهم وطلعت
أسناني الي فوق صاروا بيض بدرجة بسيطة جدا ومبقعة والي تحت تموا صفر على حالهم
ونفسياتهم السسترات كلش موحلوة هذا الي بـ حولي

 

[مملكه الرشاقه]

انا اليوم سويت التبيض واللي سوته لي فنيه مو دكتور وقالت لي تعالي اسويه لج مره ثانيه عشان يصيرون بيض اكثر

ونفسيتها حلو وكله تضحك

بس الانياب صار فيهم خطوط بيض وقالت لي يروحون بعد 3 ايام

 

[KOKO_284I]

رد : اللي جربت تبيض الأسنان بعياده الميدان تدخل

تبين نصيحتي لا اتسوين لان يضعف الاسنان اكثر من عياده عباس الرامزي ما يسون يقولي انا استحرمها غاليه وتضعف الاسنان

تبين مبيض طبيعي

ييبي عسل اصلي

وخبزه لبنانيه حرقيها لين اتصير سوده وبعدين طحنيها نفس البهار

حطي منها قفشه بالعسل وكل يوم خلي فرشه خاصه لها الشي فرشي فيه استخدميه نفس المعجون وشوفي النتايج

 

[Dr.Nouf]

انا مسوية اب اسنان كلينك

تبييض منزلي .. قوالب اهما يفصلون لج قالب

اسناني ابيض من الصورة اب درجتين عالأقل





الرقم موجود تحت






.

 

[مملكه الرشاقه]

مشكورين ياقلبي عالرد


انا سويت التبيض

 

[[[ عيون جابر ]]]

انا استعملت لزقات التبيض وشفت نتيجه وايد حلوه

 

[مملكه الرشاقه]

ان شاءالله عقب فتره راح استعمل اللزقات اللي تقولون عنها


يعطيكم العافيه