اللي جربت كريم اكرتين 0.5% تدخل

[Um Tuki]

بنات انا رحت الصيدلية وقلت له ابي شي حق الحبوب اللي بويهي
عطاني كريم اكرتين 0.5

و قالي حطيه بالليل

اليوم لي خامس يوم
اغسل ويهي بماي بس و انشفه زين واحط على الحبوب
الصبح لما اقوم اغسل بماي بارد واحط كريم مرطب مع سن بلوك
استخدم كريم كلين اند كلير لتفتيح وترطيب البشرة مع سن بلوك
لان الصبح اروح الدوام


/

النتيجة لحد الحين :eh_s(10):

ويهي كله يتقشر و يحرقني على خفيف و احس طلعت لي حبوب اكثر


ياريت اللي جربوه يقولون لي طريقتهم ومتى بحس بالنتيجة :eh_s(2):

 

[مياوي ديسمبر]

يمكن وجهج ناشف اذا ناشف لا تستعملين منتجات كلين اند كلير لانها تنشف الوجه

غيري كريمج و اخذي كريم من الصيدليه يكون مرطب فقط او الاحسن تروحين لطبيبة جلدية بس اكرتين رفيجتي مجربته كانت تحطه كل يوم و خلال اسبوع راحت الحبوب

 

[Um Tuki]

انا بعد احطه كل يوم و احس الحبوب زادت خصوصا منطقة الحنج

 

[زهرا_*]

انا جربته المرة الاولى نفع لحب الشباب اللي عندي و راحوا
بعد فترة طلعت لي حبوب و رجعت استخدمه سبب لي حساسية

و رحت عند الدكتورة قالت اذا كثرتي منه
هذا الكريم يدوب تحطين نتفه علشان لا يحرق و لا تستخدمين كلين اند كلير ولا نيتروجينا ولا جارنيه

استخدمي بوندس اللي يقتل البكتريا او بيودرما
والصباح لمن تغسلين ويهج وبعد ما تنشفينه كريم بيبانثين من الصيدلية

 

[قاهره عذالي]

بالننهار حطي فيوسيدين
وبالليل حطي اكرتين
ولازم يكون غسولج سيتافيل
لان البشره راح تقشر وتنشال الحبوب مع اثرها وهالغسول ماينفع مع البشره المقشره
الكريم المرطب الي تحطينه هو الي مهيج بشرتج وحارقها ومكثر الحبوب
اذا بتحطين مرطب حطي مرطب سيتافيل للبشره الحساسه لان البشره تكون تقشر من الاكرتين فتتهيج وهو يهديها

+

السن بلوك لازم من الصيدليه وكريم بروحه يكون مثلا ماركة روك او بيوديرما

اما كريم كلين اند كلير هو اللي مخرب حالتج ماراح تستفيدين من االاكرتين ان ظليتي باستعمال

 

[قاهره عذالي]

بالننهار حطي فيوسيدين
وبالليل حطي اكرتين
ولازم يكون غسولج سيتافيل
لان البشره راح تقشر وتنشال الحبوب مع اثرها وهالغسول ماينفع مع البشره المقشره
الكريم المرطب الي تحطينه هو الي مهيج بشرتج وحارقها ومكثر الحبوب
اذا بتحطين مرطب حطي مرطب سيتافيل للبشره الحساسه لان البشره تكون تقشر من الاكرتين فتتهيج وهو يهديها

+

السن بلوك لازم من الصيدليه وكريم بروحه يكون مثلا ماركة روك او بيوديرما

اما كريم كلين اند كلير هو اللي مخرب حالتج ماراح تستفيدين من االاكرتين ان ظليتي باستعماله

 

[Um Tuki]

حبايبي ماقصرتوا

بقطع ال كلين اند كلير

و باخذ بيودرما ..

و كريم مرطب واحد من اللي قلتوه ..

ماقصرتوا حبايبي

 

[ظبية بوظبي]

مثل ما قالوا البنات
وبذات كلام قاهره عذالي تراها خبره فالبشره والحبوب

بس حبيت اقول لش عشان لا تضيعين ان لازم في فتره علاج البشره ...اين كان العلاج ..لازم تستخدم الوحده مرطب وغسول طبي
عشان لا تتهيج البشره بالمواد القويه الي تكون فالغسولات العاديه ...وخاصه ان اغلبها يكون فيها عطور

وعاد اشهر غسول للبشره وقت اي علاج هو سيتافل
متوفر في جميع الصيدليات.. وهو مشهور عالميا
و من ناحيه المرطبات ينفع سيتافل في لوشن وفي كريم ..وفي انواع فيها نسبه حمايه من اشعه الشمس

وبعد في نوع كريم طبي يرطب من القلب اسمه ليبوبيز لو حابه خيار ثاني

واخر شي بعد حبيت اقول ان لااازم وقت علاج البشره تستخدم الوحده واقي من اشعه الشمس ويكون طبي
والي تستخدمينه تجاري ونسبه الحمايه فيه جدا ضعيفه .. 15

اصلا اقل نسبه حمايه لازم تكون 30
اقل من 30 ما تحمي

و لا بعد وقت العلاج يفضل الوحده تستخدم اكثر من 30
خذي 50 spf

خذي نوع طبي


واكرتين الحين صار مسيطر فالساحه
ولا قبل كان رتن اية
ورتن ايه بما انه قوي ..يستخدم معاه كريم ضد التحسس

بس ما ادري اذا اكرتين لازم معاه كريم ضد التحسس ولا ما يحتاج لانه مب قوي
اسالي الصيدلاني


واذا حسيتي بشرتش تحرقش كثيررر وقفي كم يوم العلاج وعقب ردي له

 

[Um Tuki]

امس وقفت ..

لآن حنجي احترق و زاد الحبوب ..

باخذ الغسول و اللوشن والسن بلوك عقب بكمل ..