اللي جربت مكياج كارولاين والخبيرات بالمكياج..ابغي مساعدة خواتي

[الريحونة]

السلام عليكم

عضوة يديده في هالمنتدى الطيب
حابه اخذلي كذا غرض من ماركة كريولاين عن طريق النت لان الاسعار في الاسواق غالية وايد

فحابة تساعدوني في شي
انا قمحيه البشره ومب عارفة شو اختار من درجات الفاونديشن السايل+الستيك+الدول+السوبرا كلر
وبعد شو اسم اللوز الباودر الشفاف او اللي تستخدمه خبيرة التجميل ايمان السيد للويه بعد البودرة المضغوطة؟ لاني مب عارفة شو اسمه بالانكليزي في الموقع

طيب بحطيلكن الوان الدرجات وشوفوا شو المناسب لي وياريت الخبيرات بالمكياج..مع العلم اني بحطيهن للويه ورا بعض يعني نفس ايمان السيد ومرات بروحهن:

1-TV Paint Stick

الدرجات:
http://www.show-bizcentre.com/promakeup/products/samples/705047-1.html


2-Ultra Fluid Foundation

الدرجات:
http://www.show-bizcentre.com/promakeup/products/samples/709130-1.html


3-Supracolor Greasepaint - 30 ml

الدرجات:
http://www.show-bizcentre.com/promakeup/products/samples/supracream1.html


4-Dual Finish

الدرجات:
http://www.show-bizcentre.com/promakeup/products/samples/709120.html


5-اللوز باودر شو اسمه.......؟

 

[krkooora]

اول ثلاثه هذيله فاونديشن

شلون بتحطينهم كلهم معه بعض فوق بعض !!!!!

لا حبوبه كل واحد ينحط بروحه

كفايه اول و ثالث واحد تغطيتهم مو طبيعيه يعطيج لون واحد بتخلطينهم شتصيرين !!!

والباودر رووعه

اذا انتي بيضه و تبين افتح منج خلج على w1
اذا مثل لونج بالضبط w2

الباودر المضغوطه اخذي ob1

ولا تخافين من درجات الالوان بالصورة ترا بالطبيعه غييير ..
مع انه والله افضل تجربينهم قبل لا تشترينهم ...

و اللوز باودر ماكو غيرها قوليلهم ابي لوز باودر مثل لوني يعني ملونه تكون و عندهم درجه تناسب
جميع الوان البشرة تكون بيج فاتح رووووعه اللوس تبع كايرولاين