اللي حجزو مسرحية ليلة رعب لعبدالعزيز المسلم ... تعالو عندي استفسار

[الإسراء]

السلام عليكم ورحمة الله وبركاته ..
تقبل الله صيامنا وصيامكم .. وطاعتنا وطاعتكم ..
لا تنسوون تستغلون هاذي الليالي الفضيلة بالدعاء والتوبة والاستغفار ..

المهم ..


بنات حجزتو مسرحية ليلة رعب ..:yaaaaaarb:
جم الأسعار التذاكر .. ؟؟!!
واشلون أقدر أحجز أتصل عليهم .. ولا أروح مسرح السلام ؟؟!!
تنصحوني فيها .. ولا بمسرحية طارق العلي ؟؟!!

وبس ..

 

[عاشقة ليلى مراد]

هلا حبيبتي منا ومنج صالح الاعمال

وبالنسبه لمسرحية ليلة رعب هذي اسعار التذاكر

اول سطرتين = 15 دينار

من السطره الثالثه الى ال16 = 12 دينار

والبلكونه في بو 10 دنانير و 8 و 7

واذا تبين تحجزين مكان المسرحيه بمسرح سينما غرناطه بخيطان تروحين هناك وتحجزين وهذا رقمهم : 24711122

وانصحج فيها بصراحه اموووت انا عالرعب وخاصة مسرحيات المسلم دايما تكون هادفه وفيها عظه وعبره للمشاهد ويناقش الكثير من القضايا

وخاصه هالسنه معاه باسمه حماده و العقل

وبالنسبه لطارق العلي لا تروحين له وتفشلين عمرج جدام اهلج مسرحياته كلها ايحاءات جنسيه وقلة ادب

 

[عاشقة ليلى مراد]

وفي معلومه بعد حبيت اضيفها
مكتوب على تذكرتي يمنع منعا باتا دخول الاطفال لمن هم دون سن ال10 سنوات
وعلى فكره كان ممنوع دخول من هم دون ال13 سنه لكن الظاهر ان المسلم ما يبي يخسر خخخخخخخخخخخخخ
فلا تودين معاج اليهال الي اقل من 10 مثل ولد خالتي مسكين عمره 8 سنين وما راح يروح وبيموت من البجي واحنه نضحك عليه ونحره هههههههههههه

وبس

 

[đeɱɛɼɑ™]

ما قصرت عاشقة ليلى مراد
انا لو بالكويت جان رحت

عبدالعزيز المسلم يبدع في مسرحيآته ويتعب عليهم
مو من ناحية التمثيل .. قصدي من ناحية الديكورآت والابهآر المسرحي

اما طاارق صج يضحك
بسس ما يعجبني لانه دايما ً يهزء الجمهوور:/ ومايبقى ممثل معاه ما يكفخه ويطقه !

 

[الإسراء]

عاشقة ليلى مراد >>> يعطيج ألف عافية كفيتي ووفيتي ..

 

[a7ebny]

ما قصرت عاشقة ليلى مراد
انا لو بالكويت جان رحت

عبدالعزيز المسلم يبدع في مسرحيآته ويتعب عليهم
مو من ناحية التمثيل .. قصدي من ناحية الديكورآت والابهآر المسرحي

اما طاارق صج يضحك
بسس ما يعجبني لانه دايما ً يهزء الجمهوور:/ ومايبقى ممثل معاه ما يكفخه ويطقه !

انا معاااج بكل كلمة :d

 

[Tom ♥ Jerry]

.


عبدالعزيز المسلم له جوه
و طروق العلي له جووو خآص .. =)
انا اقول لا تخيرين عمرج بين مسرحيتين ..
اذا بتستانسين صج روحي الآثنين =)
انتي دقي على الرقم و سئلي .. و جنه يمكن تروحين تحجزين

=)

 

[الإسراء]

توم آند جيري >> والله جني بحجز عبد العزيز المسلم .. لأن صج بروح المسرحية مع أبوي .. والصراحة طارق العلي قلت أدب .. ويفشلون ..

 

[Miss McDonald]

,

وعليكم السسسلآم ..،

,

دآم بتروحين مع الوؤآلد آحسسن لج روحي لمسرحية عبدالعزيز المسسسلم عششان لآ تنحرجين

،

والحجز روحي لمسسرح غرنآطه

..

 

[miss_q8tya]

رد : رد: اللي حجزو مسرحية ليلة رعب لعبدالعزيز المسلم ... تعالو عندي استفسار

انا ودي ارووح مسرحيه طارق العلي بس ابووي مايرض يقوول مصخرره
وعشان جذي قررت اروح مسرحيه المسلم مع ان مايضحكني وايد وطوول المسرحيه بس نصايح وعبرر جنه قاعدين بمسرحيه يهال بس برووح لاني انا احب الررعب

 

[خباري مطر]

رد : رد: اللي حجزو مسرحية ليلة رعب لعبدالعزيز المسلم ... تعالو عندي استفسار

انا حجزت ليله رعب مع عيال اختى
بالنسبه منو احسن
مالعن من المربوط الا المفتلت
طارق العلى مسخرة وقله ادب ويقولون انه لما عرض مسرحيته الاخيرة بالسعوديه الجمهور طلع باول عشر دقايق محتج على قله الادب اللى بالمسرحيه
اما المسلم بس نصايح و ابهار ورعب حق الجهال يونس

 

[3so0ola_94]

رد: رد : رد: اللي حجزو مسرحية ليلة رعب لعبدالعزيز المسلم ... تعالو عندي استفسار

المسلم محترم شوي
اما طااارق حق المسخرة وتهزء وشباب ديرتنا يموتون على هالسوالف هههه

 

[Un-6be3iya]

رد: رد : رد: اللي حجزو مسرحية ليلة رعب لعبدالعزيز المسلم ... تعالو عندي استفسار

طآرق حق الضحك و المسلم حق التخرع

انا بصراحة بروح الثنتين

 

[الإسراء]

يعطيكم العافية بنات

 

[Čut!e Quèéи]

لوووووووووووووووول

والله ضحكتوني تقولون المسلم مو طارق

اصلا طارق العلي ماكو حجوزااااااااااااات

العروض محجوزه من قبل 4 ايام لي تاريخ 16

هذا طارق العلي مو اي احد

المسلم صار حق يهال وحيل يكرر شغله

بس جمهوره بالمسرح كله يهال من 7 سنين لي 15 سنه

والله اني طلب من الناس قلت لهم الي يبيع علي تذكرته اعطيك فوق سعرها الاصلي 4 دنانير

وانا ابي تذكرتين مو محصله قالي تعالي تاريخ 16 / 9 تلقين حجم ساعتها دوامات وين اروح انا

 

[الإسراء]

يعطيج العافية حبوبة .. بس لا شكلي قررت بروح المسلم .. لان طارق العلي مسرحيات وااايد صريحة وبدون حدود وقلة أدب .. نعايب على الأجانب وعلى الأفلام و نحرم عيالنا يشوفون هالأفلام .. وما نحرمهم يشوفون هالمسرحيات ..

 

[Souly]

اليوم دقيت على المسرحيتين طارق العلي في حجز بس لبعد العيد باسبوعين !
اما ليله رعب في حجز حتى اول يوم تحصلين واول سطره متوفر كراسي

 

[الإسراء]

مشكووورة حبوبة

 

[كويتيه ملكيه]

والله مادري لماا اللحين اخواني اللي يحجزون ..

بس شكلهم راح يحجزون طارق العلي ..

واذا ما فيه عبد العزيز مسلم ..

 

[الإسراء]

شاكرة مرورج حبوبة ..