اللي حملت بوحدة اطفال الانابيب مستشفى الصباح

[3thari-87]

السلام عليكم خواتي

انا بلشت مراجعه بمستشفى الصباح وحدة الانابيب
بس حبيت استفسر من تجاربكم اللي عالجت هناك
شنو خطوات العلاج اللي عطوجياها
واللي سوت اطفال انابيب عندهم
بالسحب والارجاع تنومتي عندهم والا قعدتي جم ساعه وطلعتي

انا قالولي اول شي نسويلج تلقيح صناعي محاولتين
بعدين اطفال انابيب

انا بما انه كنت اعالج بالعرف لمى سويت اطفال انابيب
تنومت يوم بالسحب مع بنج العمليه وعطوني مسكن
وبالارجاع هم تنومت يوم

بس هل الحكومي نفس الخاص

واللي نجحت عملياتهم بالصباح تنصحوني اي دكتور اختار
من بعد الله سبحانه

وشكرا خواتي​

 

[mona777]

وحده الانبوب بمشفى الصباح ناس منقينهم نقوه جدا ممتازين
انا سويتها بس ما الله كتب لى الحمل لكن هذا ما يمنع انهم ممتازين
هى بلنهايه كتبت الله
كل انواع التحاليل يسونها لج ولزوجج
وكل وحده تتعالج حسب حالتها سواء برنامج طويل او قصير
تالى مو دكتور واحد يمسك حالتج
كل مره بلسونار لمتابعه التبويض دكتور شكل
ودكتور السحب مو شرط نفسه دكتور الارجاع
انا صادفنى كله دكتورات حريم بس ممتازين
ويراوونج بلشاشه الكبيره الاجنه بانقسام خلاياها
وفيه رقم للمرضات ان بتسئلين عن شي وهم يدقون يتصلون يبلغونج بموعد الارجاع
حتي بعد فشل عمليتى قلت لهم تغيرت ريحه البول سوو لى تحاليل واتصلو على لمن طلعت النتيجه انه فينى التهاب عشان اجى اخذ علاجي
ويوم السحب اما اتنوم من ليلتها او اجي ثاني يوم قبل ال6
وجيت قبل ال6 الصبح والدنيا ظلمه
ويودونى الجناح للحريم رقم عشره قبال وحده الانبوب وحزتها زوجى ممنوع يدخل
تالى يودونى لوحده الانبوب وفيه مجال انى اجتمع بزوجى حزه السحب
وتالى يدخلونى العمليات
كون غرفه السحب قبال غرفه العمليات
وطلعت نفس اليوم
ووحده اعرفها تنومت
كل وحده حسب حالتها​

 

[أغصان]

على حسب حبيبتي اذا تبين تتنومين او لا
انا تنومت بالسحب بس
والدكاتره على حسب موعدج اي دكتوره تكون موجوده بتتابع حالتج
وكلهم ممتازين وانا الحمدالله ربي رزقني توام ماشاءالله بعد ماسويت العمليه عندهم
وزوجة حماي نفس الشيء ربي رزقها بنت وبنت عمي ربي رزقها بتوام ماشاءالله توهم مولودين الله يخليهم لها يارب
اهم شيء خليج متفائله وخلي عندج يقين ان ربي بيرزقج واكثري من الاستغفار والدعاء مع كل صلاه
على فكره كلنا جربنا الخاص وسوينا اكثر من عمليه عندهم وكلها فاشله بس عند الصباح الحمدالله من اول مره نجحت
والله يرزق كل محرومه يارب ولا يحرمها من كلمة ماما

 

[نف نف22]

3thari شلون قدمتي طلب مستشفي الصبااح وليش ماحولوج خاص وشنو شروطهم بالتحويل الخاص انا صارلي 7 سنين ومابي اعالج عندهم بس تحويل الخاص يصير ؟ويطولون علي مايفحصونج ؟ مابي حكومه اخاف اطول الاجراءات والفحص ويدوخوني

 

[3thari-87]

حبيبتي نف نف 22
انا ماكنت ناويه اعالج بالصباح اصلا
بعد مافشلت عمليتي بالعرف وراحت فلوسنا كلها على هالعمليه تقريبا ٢٠٠٠ دينار
وجيكي قال لي منصور العرف لازم نكرر لبعمليه عشان جذيه طفرت وعلموني ناس ان اللي ازواجهم يشتغلون بالداخليه والدفاع والصحه
يصير يقدمون تقرير طبي عن حالتهم عند الصحه ويسوولهم علاج داخل الكويت بأي مستشفى خاص على حساب الحكومه
وفعلا
رحت لدكتوري منصور العرف وطلبت تقرير ان انا صارلي ٤ سنين ما انجبت وسويت مرتين تلقيح صناعي ومره اطفال انابيب وفشلو
ولمى طلعنا التقرير رحنا للصحه وقدمو اوراقنا على الصباح يقولون خل نجرب فيكم بالحكومي اذا ما نفع نحولكم على اي مستشفى خاص على حساب الدوله
وبس
عطوني موعد اروح لوحدة الانابيب وهناك قالولي عطينا التقرير نعرضه عاللجنه وبعد اسبوعين ندق عليكم اذا وافقت اللجنه
بعد الموافقه سوولنا تحاليل وطرشوها برا وبعد شهر طلعت النتيجه
وهذا انا بلشت عندهم

 

[3thari-87]

اب
اب
اب

 

[دلوعة صلوح]

الله يكتبلج لى فى الخير ويفرح قلبج يارب العالمين.

 

[أغصان]

على الاقل اشكرينا انا والاخت اللي فوقي الله يجزاها خير !!

 

[3thari-87]

واي فديتكم
اغصان
و منى
مشكورين جزيل الشكر

اعذروني حبايبي

 

[3thari-87]

اب
حق اللي ماشاركوني

 

[فاطمه اشكناني]

انا الاسبوع اللي طاف فتحت ملف وسويت كل التحاليل وصارلي سنتين ما احمل من ريلي عنده ضعف بالحركه وعطوني موعد هللمقابله وقالتلي يبي كل شي يخص زوجج والله يرزق كل وحده بالذريه الصالحه

 

[نف نف22]

3thari بس تحاليلهم نفس الخاص ؟؟ احس دوووووخه شكلي ببلش بالخاص انشالله اذا نتايجهم ملوت التحليل شهر وااايد

 

[3thari-87]

نف نف 22
انا سويت تحاليل بالخاص
وسويت بالحكومه
الحكومه احس فاهمين يعني تحاليلهم دقيقه مو نفس الخاص
وبعض التحاليل مايسوونها الخاص لازم تطلبينها واحتمال يقولولج روحي الصباح عندهم هالتحليل
يعني لاتعبين نفسج انصحج روحي للصباح وافتحي ملفج وخل يتابعونج
والله الخاص ماسوالي شي صارلي ٤ سنين بس يسحبون فلوس

 

[3thari-87]

اب
اب
اب

 

[نف نف22]

ايي انا ابي تكون دقيقه بالحيوانات المنويه داخل الرحم تتلقح ولالا ؟؟؟؟ يعني بالدم وكل شي مو معقوله اكيد في شي 7 سنين ومافي حمل ولا مره ومحتاااااااااااره حيييييل بتوكل علي الله هالمره بسويها بالخاص واذا مانفع اروح حكومه

 

[3thari-87]

اي حبيبتي هذا يسمونه تحليل الكروموسومات اللي اصغر شي
يسوونه بالصباح نفس تحليل الدم الوراثي يعني اذا الكروموسومات اللي بالزوج او الزوجه موطبيعيه مايتكون جنين
عرفتي
وانا صارلي اربع سنين بالخاص ماسوولياه ولمى سألت عنه قالولي بالصباح يسوونه

 

[نف نف22]

مو معقوله ولا مستشفي خاااص يسويها ليش شنو السبب ؟؟ اسمه تحليل الدم الوراثي ؟؟ سويتيها عند الحكومه ومتي تطلع النتيجه شكثر؟

 

[love^angel]

يعطيكم العافيه وربي يرزق كل محرومه انشالله
انا صارلي ٣ سنين ونص متزوجه
حملت اول زواجي والجنين ماكان فيه نبض واجهضت
عقبها راجعت عياده واطلعت بويضاتي صغيره وعندي تكيس مبايض سويت تلقيح كذا مره وماصار وسويت كوي للتكيس وللحين ما حملت قالي الدكتور نزلي وزنج
الحين مسويه عملية تكميم ونازله للحين ١٣ كيلو صرت ٧٩ وابي اعالج بالحكومه شنو اول خطوه اسويها؟ انا تابعه منطقة حولي هل علاجي بالصباح ولا مبارك؟
ابي الخطوات من اول شي بليز العمر قاعد يركض والله كريم

 

[الزيـــــ^^ـــــن]

والله بخاطري اعااالج بالصباح لان حييل يمدحوونه

بس ريلي الله يهدااه كل يوووم بااااجر ويأجل ماعنده وقت للمواعيد

ودوام مايقدر والمشكله مايخليني اسوق سياره واششوف نفسي

والخاص مكلف حييل ويبيييله فلوووس وخصوصآ عمليه الحقن المجهري ٢٠٠٠

والله العمر يمشي والايام تركض بسس شنسوي بعد الله كريييييم

 

[3thari-87]

حياتي love angel
الزين

الله يرزقكم
ويرزقنا وياكم

حبيبتي love angel
عمليتج التكميم بجم سويتيها وعند منو
وجم كان وزنج قبل وبعد والمده اللي نزلتي فيها

يمكن نقصت عندج فيتامينات بالجسم لازم تسوين تحاليل شامله

الزين
بخصوص شنو الخطوات اقري الصفحه الاولى انا كاتبه خطوات تحويلي من الخاص لي قسم الانابيب بالحكومي
وزوجج يبيله المثل (( كثر الدق يفك اللحام)) نفس زوجي والله اراكض وراه عشان نراجع لو عليه جان للحين قاعدين


نف نف 22
مثل ماقلتلج روحي للصباح خل يسوونه لج ويطلع بعد شهر ليش؟
لانهم يطرشونه برا الكويت
الخاص يسوون جذيه ؟. لا
انا انصحج من رحلة علاجي اللي مريت فيها
ومثل ماقالولي البنات ياما قطينا فلوسنا عند الخاص وماصار شي وبالصباح ماشالله حملنا
يبيله صبر الله يرزقج الصبر  والذريه الصالحه