اللي حولي

[dalo0oa121]

بناااااات اخباركم ..
انا عندي مشكلة هي اني ماقدر اكون صداقات بسرعه يعني صعب علي :eh_s(2): احصل ربع ، يعني كل ماقعد مع بنت واسولف معاها احس انها ماتتقبلني وماتحب تسولف معاي ووايد اضايق لما اشوف اللي حولي مع ربع ومستانسين بحياتهم وانا ضايقة انا الناس ماتتقبلني كل ماروح مكان لان انا شكلي ياهل يعني اللي يشوفني مايعطيني كبيرة مع انه عمري 20 وماعرف شلون بعيش حياتي وحيدة طول عمري حته باBB مب ضايفة الا 5 بنات وغيري واييد ضايفين ابي اتغير .

 

[كويتيه كول عطول]

حيااااتي نفس حالتج والله وانا بدخل 20 والله ياليت البنات يلقون لنا حل

 

[روانتي 12]

ياحياتي والله فديتج

حاولي قد ماتقدرين تضحكين ويصير ويهج بشوش و سولفي و تطنزي ترا صدقيني مع الووقت راح يكوون

عندج اكثر من بنيه و بتصير لج شله .بس انتي شكلج تسكتين واايد .. وهذا غلط

و لي عوده ان شاء الله

 

[ام زهقانه]

ادعي ربك انج تلقاين صديقات زينين والي ما يببك لا تبين ولا تذلين نفسجج لهم من عافني عفته

 

[الغلا كله لبوي]

يمكنج هاديه ولا تحبين تسولفين كثير وتضحكين وتتغشمرين علشان جذي الكل يحس بملل منج ومن الجلوس معاج
خليج اجتماعيه بشوشه تحب الضحك والسوالف يعني غيري طبعج وصدقيني را تلقين صديقات يحبونج
وربي يوفقج

 

[dalo0oa121]

والله يابنات حالتي النفسية تدهورت يعني انا احب اسولف وودي بحد افتح له قلبي لكن ماعندي حد حته خوات
وساعات اضايق اذا شفت بنات يسلمون كل شوي على ربعهم ويتواعدون وانا محد عندي ..

 

[قاهره عذالي]

هالوقت صعب تلقين صديقه صدوقه

الناس الحين صايره نفوس ومحد يامن بالثاني

والنيات مو طيبه

 

[a7la-elbanat]

واي فديتج حسيتج اختي الصغيره قبل فتره كانت جذي واول ماتوظفت تغيرت 180 درجه وصار عندها رفيجات وربع وحتى دايم تضحك وتتغشمر
حبيبتي خلي هالشي للايام اهي راح تييبلج هالعلاقات ويامالها وتكبر معاج
بس اهم شي اختاري صح وحاولي تختلطين اكثر بالناس وتصيرين اجتماعيه واسلوبج لبق وبشووشه وصدقيني محد راح يفرط فيج
الله يوفقج يارب

 

[مسك حياتي]

انتي زرعتي هالاحساس بنفسج فيبين لمن تسولفين مع غيرج ...

بالعكس خليج فرفوشه و اذا شفتي البنات بالدوام يتكلمون عن موضوع تناقشي معاهم ...

اذا قاعده مع جمعه بنات سوي جو قولي موقف يضحك صار فيج افتحي موضوع ...

يمكن الشعور اللي يغلب عليج ان انا ما اعرف اكون صداقات انا ما اعرف اجذب الناس تسمعني ...

انا شكلي صغير ترى كل هذي مثل الخيوط قاعد تربطين فيها نفسج فججيها و انطلقي ...

عبري عن رايج اضحكي سولفي طوري اسلوبج ...

الله يرزقج بالصحبه الصالحه ...