اللي خذت او تاخذ حبوب رفع الدورة أو بتحمل تدش !!

[برنسس أوراق]

السلام عليكم
شلونكم بنات
طبعا اول مرة اكتب بهالقسم وابي نصايحكم وعن التخرع
أنا عروس توني فرش ^_^ وبسال عن شغله
اذا خذيت حبوب ترفع الدورة جم يوم مثل primolut nor
وغيره يصير حمل اذا صار فيه علاقة أو لازم تنزل الدورة وتخلص عشان يصير فيه حمل

وبس نصحوني
وادعولي احمل بتوم طبيعي يارب عايلتنا وراثة

 

[لوولوو_88]

الله يرزقج الحمل بتوم حبي .. و يرزقني معاج
انشالله يفيدونج البنات

اب اب

 

[برنسس أوراق]

الله يرزقج الحمل بتوم حبي .. و يرزقني معاج
انشالله يفيدونج البنات

اب اب

امين يارب ولج بالمثل

 

[حمرة الورد]

والله مادري وعسى ربي يفرحج بالتوأم

 

[Royof]

حبيبتي

اذا انتي كليتيهم وصار شسمه مايصير حمل بس اذا بعد الدوره صار شسمه ممكن تكون البويضه متنشطه بس اللي قريته يصير حمل ضعيف

عليج بالمراميه منشط طبيعي للي تبي توأم بس لا تكثرين منها

 

[# غنوجة بيبي #]

اتوقع لازم تنزل الدوره

و بالاول و الاخير كل شي بايد الله

و اكو جهاز بالصيدليه رخيص يبين لج ايام التبويض اللي يصير فيها جماع عشان الحمل

 

[برنسس أوراق]

ريوف
وغنوجة
يعطيكم العافية على الرد
مشكوريننننننن

 

[برنسس أوراق]

اهم شي انه وحده بمنتدى ثاني اسمه نسايم
ماخذه نفس موضوعي ونفس سؤالي كوبي بست هههههههه
شالحكمة يعني �� يمكن عندها نفس السوال لوللل

 

[الأوركيد~]

برنسس ألف مبروك

ما عندي علم

بس ما حبيت أطلع بدون لا أدعي لج

ربي يرزقج ما تتمنين و أحسن عاجلا غير آجلا يا رب

 

[ام مريم ورحمة]

شوفي حبيبتي اذا في احتمال يصير حمل خلال ايام رفع الدورة لا تاخذين بريمولوت نور لانه يسبب تشوه في الجنين خاصة لو انثى ممكن تاخذي دوفاستون لرفع الدورة بدل البريمولوت نور كلامي من تجربة وابحثي في الانترنت على مخاطر بريمولوت نور في الحمل واسألي دكتورة عن افضل حبوب لرفع الدورة لو محتمل حدوث حمل

 

[حكآية قلب]

اول شي انتي عرووووووس


استمتعي مع زوجج و انسي الحمل راح تلقين نفسج حامل


التفكير يأخر الحمل



وتوووووج عروس

انا حملت من دورتي الثانية لاني مااااافكرت كلش

 

[برنسس أوراق]

شوفي حبيبتي اذا في احتمال يصير حمل خلال ايام رفع الدورة لا تاخذين بريمولوت نور لانه يسبب تشوه في الجنين خاصة لو انثى ممكن تاخذي دوفاستون لرفع الدورة بدل البريمولوت نور كلامي من تجربة وابحثي في الانترنت على مخاطر بريمولوت نور في الحمل واسألي دكتورة عن افضل حبوب لرفع الدورة لو محتمل حدوث حمل

ادري انا قريت النشرة اللي مع الحبوب
بس خذيت وانا متوقعة مافي حمل لانها مو ايام التبويض
والحين وقفتهم من ثلاث ايام وما نزلت الدورة واخاف اكون حامل
وتاثر على الجنين

 

[برنسس أوراق]

برنسس ألف مبروك

ما عندي علم

بس ما حبيت أطلع بدون لا أدعي لج

ربي يرزقج ما تتمنين و أحسن عاجلا غير آجلا يا رب

الله يبارك فيج حبيبتي
اللهم امين

 

[برنسس أوراق]

اول شي انتي عرووووووس


استمتعي مع زوجج و انسي الحمل راح تلقين نفسج حامل


التفكير يأخر الحمل



وتوووووج عروس

انا حملت من دورتي الثانية لاني مااااافكرت كلش

مو جذي انا اللي خايفة منه اني لما تركت الحبوب الدورة ما نزلت ويمكن اكون حامل اخاف يكون الجنين مشوه
محتارة وبرتاح

 

[الـ ج ــوري]

ياعمرري بعد م تتركين حبوب رفع الدوره خمس أيام وتجي الدوره ربي يعطيج اللي تتمنين

 

[قرة عيونه]

اتوقع مايصير حمل الا اذا تركتيه ونزلت الدوره وبعدها ان شاء الله يصير حمل

وكل شيء بايد الله الله يرزقج الحمل السليم المعافي وتوم بعد