اللي راحت السويد تفيدني

[تايتو]

السلام عليكم
اللي راحت السويد ياليتها تفيدني بكل شي
لأني راح اروح لها بأذن الله على متصف او اخر شهر يناير
هل صحيح اهلها ثقيلين دم ومايحبون يتكلمون؟:ada:

 

[حدي ستايل *]

مارحت لها

بس ان شا الله البنات يفيدوج ويفيدونا

 

[luxes_430]

حبيبتي ما انصحج تروحين لها
انا رحت من 3 سنين السويد والدنمارك وهولندا
السويد الوحيده اللي حسيت ابملل قعدت اسبوع
!!! الشعب دمه تقيل
وسوقها موحلو وايد بليل كل شي يسكر مبجر
مادري بس انا مافكر اروح لها مره ثانية وما انصح احد

 

[nanosa78]

يقولون وايد اباحيه يعني زياده عن اوربا بكل مكان اباحية بزيااااادة

 

[تايتو]

مشكورات خواتي
بس لازم اروح لها ومهو بيدي

كل المعلومات اللي جمعتها وكل اللي سألتهم نفس كلامكم....ممله واهلها ثقيييييييييل دمهم غير الشذوذ الله يحفظنا منتشر عندهم

على الاقل مافيه وحده عندها معلومه تفرحني شوي..على الاقل اتشجع واتأمل خير ولو شوي بس

 

[*ام ديم*]

هلا حبيبتي
تبين افرحج هههه
اذا انت من الناس الي يعجبهم النظام مثلي راح تعجبج هالنقطه بهالبلد
انا كنت بروح السويد بس ماتيسرت وكنت جامعه معلومات عنها
الي عرفته
ان البلد راقي ومرتب ومنظم جدا جدا
اكثر من باقي اوربا يعني حيل مهتمين فيه
وطبعا غااليه
بعدين انتي شعليج من اهلها تبينهم خفيفين دم؟ اهم شي انت استانسي بالطبيعه والمكان الجديد وترا حتى المنقبات يقولون مايلاقون اي مضايقات
تقول وحده عراقيه ساكنه هناك:انها تطلع كل يوم تمشي وهي منقبه ماعمر احد ضايقها ..

وموفقه وان شالله تلاقين من يفيدج
ودعواتج لي بتسهيل الحمل والولاده

 

[تايتو]

الله يسهل حملك وولادتك
لتزم اختلط بالاهل لاني راح اعيش معاهم سنوات علشا كذا مهتمه

 

[توتة الحلوة]

انا رحت لها قبل جم سنة مرتين وقعدت فيها مرة أسبوعين ومرة 3 أسابيع بس كنا بمنطقة جوتنبيرغ مو العاصمة ستوكهولم، بصراحة انا من الناس اللي حبيت السويد حيل لأن الديرة نظيفة حدها ومرتبة وراقية طبيعتها عجيبة وجوها وايد حلو وحتى الشعب ماله شغل فيج انا متحجبة ومحد يطالعني لأن الديرة فيها مهجرين عرب ومسلمين فمو غريبة عليهم وصج غالية بس الصراحة انا شريت منهم شغلات تمت عندي سنين على حطتها ما اختربت ، والسكن قعدنا بشقة عن طريق شخص معرفة وكنا نتنقل بالترام والباصات وحتى العبارات اللي بين الجزر الصغيرة ركبناها ... الطبيعة عندهم حلوة وايد والقعدة عند البحيرات والتمشي بالحدايق..
شوفي كل ديرة لها أجوائها بس عموما كل أوربا أسواقها تسكر بسرعة بس إنتي لازم تختارين المنطقة اللي فيها حركة وسوق

 

[تايتو]

مشكوره يالغاليه
اخيرا فيه وحده تمدح السويد

الله يعيني على الغربه

محد جاب طاري ان اهلها طيوبين ومرحين

 

[ام علي الدر]

مراحب اختي الغالية

اني عايشة بالسويد بمدينة يوتبوري
احلى مكان بالعالم شفته لليوم السويد وخاصتا مدينتنا والنتجعات والجزر والجبال والبحر و و و الاسواق اذا تريدي تفصيل كامل عن السويد ساعطيك تفصيل عن السويد الاسواق اللغة الاماكن السياحة و السكن
وانتظري موضع صور متنوعة عن السويد وعن منطقتي بالخاصة

 

[قهوة_-_عربية]

جنها الكويت

 

[ساره 2]

ام علي وينج لا تحرمينا من السياحه في السويد ودي بعد اروح كوبنهاجن