اللي راحت ايطاليا-فينيسيا

[الكريستال]

السلام عليكم
بنات منو راحت فينيسيا
بليز ابي اعرف تقريبا التذاكر جم كلفتها والسكن والمصاريف حق شخصين جم احتاج تقريبا
وكانت الرحلة دايركت ولا ترانزليت

 

[lomy]

وانا بعد بعرف ،، وشنو اقدر امر بعد يعني جنيف وشنو اللي يم ايطاليا تنصحوني أمر ترشيح بلييييز ابي مناطق حلوه ودول يم ايطاليا لأني بمر فينسيا ،، وابي اروح مكان ثاني ،،

 

[kakawa]

السلام بنوتات انا رحت فينيسيا حلوه بس رحتلها عن طريق سياره من ميلانو الى فينيسا تقريبا كلفة
500 يورو روحه او رده قعدت فيها يوم باليل رديت

بس رحت ايطاليا عن طريق ميونخ كنت فيها 5 ايام على طياران لفترانزا تقريبا ساعه طريج بس اذا عن طريق سياره تقريبا 7 ساعات من زلمسي اتوقع اذا اجرتي سياره ارخص من تذاكر طياران ​

 

[bambena]

اكو باور بفينيس ؟ لان انا سكنت باور بباريس

انا رحت فينيسيا من باريس بالقطار

 

[[Q8TYA]]

انا رحت فنيسيا يوم رحت الصبح ورديت بالليل
رحتلها بسياره عن طريق ميلانو
بس خل اقولج حدي ببالج المصاريف حق اهناك بس سوالف تسوق يبيلج واااااااااايد يعني جم االف لانه المحلات اللي اهناك كلها الماركات العالميه والغاليه

فاذا تبين تتسوقين روحي ميلانو سوقها حلووووو واسعاره معقوله

وعلى طاري الديار اللي صوبها وتبين تروحينها انصحج مري على سويسرا

 

[JellyBelly]

حبيبتي انا رايحه وطبعا فنيسيا ماكو كلمه توصف جمالها من معمار وجو بلييييييييييل عجيب بس الصبح والظهر شمس وحر بس هم عسل هههههههههه .. انا ترى وايد احبها رحت لها اكثر من مره تعلقت فيها فيها شي خاص يميزها

حبيبتي فينيسيا غاليه ماجذب عليج لانه بين كل داعوس وداعوس بوتيكات ال في وجوتشي وايميليو بوتشي ووووايد ودولتشي اند جبانا اذا انتي تحبين الشوبنج واخر التفتيحات

الفنادق هذي قصه ثانيه لانه لاززززززززم تاخذين 5 نجوم وهذي نصيحة اخت باي منطقة بايطاليا (غير ايطاليا عادي)

انا رحت لها عن طريق دبي (الاماراتيه)

كويت دبي ترانزيت جم ساعه تالي دايركت فينيسيا تقريبا الرحلة 5 ساعات وشي

وبالقطار نتنقل الى ميلانو وروما وغيرهم (اليورو ستار) اصلن الرحلة بالقطار متعه تشوفين الخضار بكل مكان وهالطبيعه الحلوة

وفينيسيا يبيلها تقريبا من 3 الى 5 ايام فقط

واي تذكرت ايس كريم اللي بساحة السان ماركوووو:cxxxp::cxxxp:

 

[شرطيه حلوه]

انا قعدت بفينيسيا 3 ايام

اذا تبين تتشرين أكيد يبيلج مبلغ كبير بس أذا تبين وناسه وراحه واستجمام يعني نفس الدول والمناطق الباجي

ونصيحه قعدي بفندق5 نجوم صج يكون غالي بس راح تدفعينه من هني وفي ميزه أن خدمه من الفندق طراد يوديج وييبج من السنتر ببلاش وهذا يكلف وايد لو كان من فندق عادي

بس من الفندق لي المطار خذو منا 90 يورو مع أن 10 دقايق بس طريج

بالنسبه للمناطق الثانيه انا رحت ميلانو مافيها شي غير السوق
رحت من ميلانو حق منطقه بسويسرا تبعد ساعه بالقطار إسمها لوغانو وايد حلوه وراقيه ونظيفه وطبيعه بس غاليه و أنصحج زوريها لا تفوتج وفيها تلفريك وبحيره حلوه ومجمع كبير ومحلات اغلب الماركات وقهاوي يعني روحي من الصبح وردي المغرب

 

[الفدعة]

ماعندي فكرة والله