اللي راحت تركيا تفيدني الله يجزاها خير

[q8helwa]

شلونكم بنات

حق اللي راحت تركيا ابيعا تفيدني بجم شغله

لاني ناويه اروحلها

ينفع هالايام اروحلها والا ثلج ومايصلح؟

شلون جوها هناك ومتا الوقت المناسب السفر لها

والتسوق هناك وين احسن مكان

وجم ساعه بالطياره لي تركيا

واذا بروح انا وريلي
جم الميزانيه المناسبه اذا بقعد 6 ايام

بدون هدايا

 

[مدرسة84]

شلونكم بنات

حق اللي راحت تركيا ابيعا تفيدني بجم شغله

لاني ناويه اروحلها

ينفع هالايام اروحلها والا ثلج ومايصلح؟

- ينفع تروحين لها هالايام الجو برادبس مو مثلنا والحين ابتدا عندهم الاعتدال الربيعي هالايام .انصحج هالايام الجو حلووو افضل من الصيف والزحمة .

شلون جوها هناك ومتا الوقت المناسب السفر لها

-انصحج فيها من اول شهر فبراير الى اخر ابريل ...تحسين صج بجو تركيا.

والتسوق هناك وين احسن مكان

- الله يسلمج افضل مكان تسكنون فيه باسطنبول الاوروبية احدث ..وهم يم المجمعات الحديثة فيها افضل من اسطنبول الاسيوية ..انصحج بالفنادق اللي يم تقسيم علشان...شارع الاستقلال يمهم تروحين له مشي ..وشارع عثمان بيه ..وشارع روميلي يمهم ..كل هالمجمعات الحديثة والكشخة فيه..والبازارات اللي اسعارها معقولة.

وجم ساعه بالطياره لي تركيا

- من الكويت لين تركيا 3 ساعات .واذا تروحين على التركية افضل طيرانهم حديث وخدمتهم ممتازة ..وماراح تحسين عالوقت.

واذا بروح انا وريلي
جم الميزانيه المناسبه اذا بقعد 6 ايام

- يعتمد على الموسم ليش انصحج الحين لان دايم في اي دولة الهاي سيزن بالصيف والاسعار دبل شي معروف ...فهالايام الاسعار معقولة.

الميزانية بين التذاكر والسكن والطيران والاقامة للايام هذي
لشخصين بين 1500 و200

يعتمد على السكن اذا فندق خمس نجوم او ثلاث وايد يفرق.

ودخلي موقع بوكنج وشوفي الفنادق على حسب ميزانيتكم.

واي تفصيل راسليني على الخاص .

 

[q8helwa]

جزاج الله خير ماقصرتي كفيتي ووفيتي

 

[<miss botamba>]

اذا ماتحبين البرد ما انصحج

انا اموووت بشي اسمه برد بس شوي تأذيت السنه الي طافت والحين بعد يقولون البرد زايد

اذا ماتحبين نطري لي شهر 4


وعندي موضوع عن التسوق في اسطنبول شوفيه في ملفي الشخصي

والصرف ما اقدر افيدج كل واحد والي يحب يصرفه


تبون كل شي فايف ستارز زيدوا الجيله

تبون شي عادي حطوا ميزانيه متوسطه


بس عموما تركيا فيها الرخيص و الغالي

و اجروا سياره او تعلموا عالترام والاندرغراوند للان التاكسي غالي

 

[shereeen.79]

انا حاليا باسطنبول والجو حددددده بارد وقاعد ينزل ثلج وناااااسه
بليز بنات انا ردتي عقب باجر بليل ،اللي اتعرف شركة شحن ضروووووري بليز