اللي راحت سويسرا تتفضل وتحل مشكلتي

[رفرف]

السلام عليكم يا بنوتات ...

انا طايحة بورطة ومالي غيركم ...
راح اسافر بعد 3 اسابيع ريلي عنده كورس ب (لوزان(
وراح اودي بنتي معاي عمرها سنتين و4 شهور ...

والمفروض اني اخطط السفرة كلها كالعادة ..
وانا ماعمري رحت سويسرا .. وكثر مادورت ماعرفت شنو اهم الاماكن السياحية هناك ...



احنا بنروح جنيف ولوزان ولو في اماكن حلوة قريبة ممكن نمرها بالاخر ..

وابي خبرتكم .. الاسواق مو مهمة وايد طلعتهم بس شنو الاماكن اللي تصلح نروحلها مع ياهل !
ووين نسكن احسن شي !!
والاماكن السياحية والمناطق القريبة اذا كانت تسوى وكل شي ..

وشاكرتلكم

 

[jolie_q8]

مشاركة: اللي راحت سويسرا تتفضل وتحل مشكلتي

هلا رفرف كان ودي اساعدج

انا قعدت بزيورخ يقريبا 3 ايام بس

هذي المره الوحيده اللي ادش فيها سويسرا

ان شاءالله البنات يفيدونج

 

[حسنه10]

مشاركة: اللي راحت سويسرا تتفضل وتحل مشكلتي

هلا اختي انا رحت سويسرا صرااااحه بلاد تجلت عظمة الخالق فيها وكلمة روووووووووووووووووووعه شويه عليها هذي جنت الله على ارضه وخاصة لوزان من اجمل المناظق في سويسرا اتمنى تقضين وقت ممتع فيها وانا متأكده من هذا عسى الله يسعدج وتروحون وتردون بالسلامه ان شالله .

 

[jolie_q8]

مشاركة: اللي راحت سويسرا تتفضل وتحل مشكلتي

حسنه10


قوليلنا الاماكن الحلوه فيها والعناوين

لان رفرف هذا طلبها

ويعطيج العافيه

 

[ظلال القرآن]

مشاركة: اللي راحت سويسرا تتفضل وتحل مشكلتي

رحت سويسرا جنيف لوعه لا تطولين فيها والفندق الي يناسبنا ور ويك ولازم تسكنين بفندق مكيف جنيف حاره

مونترو تهبل واسكني بالريفيرا (( مو مكيف )) روعه على البحيره مباشره تخيلي ذاك الريوق الي يهبل والبط حوالينج وانتي على البحيره والبراد شي شي احلى منطقه مونترو وما تحسين بغربه اغلبها سعودين يعني اكثر من السوسرين بس ها سعودين هاي كلاس وزراء وانتي رايحه وعلى البحيره يم مكدونالد مطعم ايراني شي شي شي عليه كباب ماصار ولا استوى وعيش مشخول يدوخ >> المره تسأل عن السياحه وانتي تحجين عن دوا الكرشه شكو

المهم منطقه ثانيه حلوه اسمها مونتانا فيها بحيرتين وهاديه وبارده

وبس هذا الي شفته بسوسرا

على فكره بضاعتهم حلوه واسعارهم زينه مع انها اغلبها صناعه المانيه وايطاليه مو مثل لندن غلا على الفاضي كلا صيني وسيلاني

 

[bfbf]

مشاركة: اللي راحت سويسرا تتفضل وتحل مشكلتي

حبيبتى انا رايحه سويسرا
روحى منطقه اسمها انترلاكن لاتطوفج منطقه احلى من زلمسي ومنطقه لوتزيرن منطقه جميله
وروحى جبال الالب لاطوفج كلها ثلج وفى جبال جورا نفس الزحلاقيه اللى موجوده فى زلمسي راح تلقينها هناك بس اصغر يعنى تروحين بالتلفريك وتنزلين فى زحلاقيه بس مسافه قليله وهى مثل لعبه
واذا تقدرين تروحين منطقه شامونيه هذى على الحدود مع فرنسا فظيعه
وهذا اللى اذكره الحين واذا تبين اكثر اسئلى وانا اجاوبج

 

[AL Aristocraticya]

مشاركة: اللي راحت سويسرا تتفضل وتحل مشكلتي

كلها حدايق و بحيره و ايام الكرنفال يحطون لج العاب حوالين البحيره مثل ملاهي يعني اشوي اونس من الايام العاديه ...


وعندج بعد ورا جسر الرولكس اهناك في بزار يونس اتصير فيه استعراضات خفيفه يعني ...


بس لا تاكلون بيتزا من بيتزا هت فيها ببروني ترا كلا هام طلبوها خضروات vegi

 

[أنا وين ؟؟]

مشاركة: اللي راحت سويسرا تتفضل وتحل مشكلتي

رفرف ...

قبل ما ادخل بالموضوع ... لازم تسوون فيزا شنغن مو بس الفيزا السويسريه ... عشان تقديرن تروحين الريف الفرنسي او تزرقين باريس


خبري بسويسرا من 5 سنين ... بس قبلها وخصوصا قبل ما اتزوج كنا نروح لها كل سنه ...

اهم شي اهناك انكم تأجرون سياره ... على الاقل لو مدة جم يوم حق الرحلات ... (( انا كنت دايما ااجر من يورو كار .. تعاملهم حلو ))

بالنسبه لبنتج عادي طبعا الدول الاوربيه كل مكان فيها مجهز للأطفال يعني ان شاء الله ماكو مشكله ..

سويسرا عباره عن مناظر طبيعيه وقهاوي وبس ... يعني ريلاكسيشن

لوزان وايد وايد حلوه وساعات نتعنى حق سوقها ... اهي تبعد عن جنيف ساعه الا ربع بالسياره ... ويمها منطقه فيفاي ... وعقب فيفاي مونترو .... بحيرة مونترو وايد حلوه حق التمشي ... وهاديه .. أهدى من غثقة جنيف ... وكل الكويتيين او الخليجيين ابمونترو يكونون اصحاب شقق ابهالمنظقه وفيها مطعم ايراني حلو على البحيره

جنيف تونس حق اللي يحب اللويه والتطمش ... سوقها حلو مو شين ... وبحيرتها هم حلوه .- طبعا البحيره كبيره وتشمل اغلب المناطق مثل لوزان ومونترو وفيفاي وايفيان وغيرهم

ايفيان (( مدينه فرنسيه )) فيها نبع ايفيان مال الماي ماغيره... بس تشوفون النبع ... وفيها سوق صغير وقهاوي.

شاموني .. ((مدينه فرنسيه بعد )) وهناك جبال الألب ... تصعدون لهم بالتلفريك ... واكو لعبه تووووونس ... انا اموت عليها جني ياهل هههههه بس تلاقونها داخل بعد مو يم التلفريك اللي يوديج الجبل ...ماني عارفه اشرحها ... بس اهي عباره عن زحلاقيه طولها كيلو ... وتقعدين على شي بلاستيك وتتحكمين بسرعة نزولج عن طريق Go و Stop بس اذا رحتي انتبهي لا لفيتي لا تيين على السنه والا تقلبين ههههههه

مونتانا عباره عن منطقه فوق جبل ... عاليه وبارده .... مناظرها حلوه

واذا تبون مدينة العاب ... اكو وحده اسمها واليبي ... اهي بفرنسا على طريج منطقة ليون ... تبعد ساعه او اقل من جنيف

وفي بعد منطقة آنسي ... بحيرتها حلوه

واخذو القطار حق ليون (( فرنسيه)) حق التسوق .. تبعد ساعتين عن جنيف ... كنا ناخذ قطار الساعه 7 الصبح ونوصل ونتريق ابماكدونالد ونتسوق ... ساعات انام ليله او ليلتين وساعات نرد بنفس اليوم ..
ليون ما تضيع ... اول ما تطلعين من محطة القطار ... ابويهج يكون مول كبير ... مصغر من باريس ... فيه جاليري لافاييت وبوتيكات ومحلات اباريس... وبعد اكو سوق ثاني عادي مكشوف بس داخل اعتقد اذا ماني غلطانه تروحون له اباص رقم 28 ...

وممكن تروحين باريس __بالسياره 5 ساعات__وبالقطار 3 ساعات

اي صج ... نسيت ديفون ... هذي منطقه فرنسيه على الحدود مع جنيف .... كللللللللللها بيوت كويتيين وخليجيين ... وفيها بحيره صناعيه ....

وبعد فرنيه ... آخ قلبي تذكرت اللبناني ... فرنيه بعد منطقه فرنسيه على الحدود... بس بجهه ثانيه واول ما تدخلونها على اليمين في سوبرماركت لبناني .... اول كان محل صغيرونو عقب مشالله توسع وصار اشكبره .... عندهم لبنه بالثوم عجيبه لا تطوفكم ههههههههه

وعندج بعد زيورخ ...يمدحون سوقها ... بس انا ولا مره رحت هناك ...


وبيرن (( عاصمة سويسرا )) بس بعيده ومافيها الا السوق ... ويتكلمون الماني اعتقد مو فرنسي


في وايد وايد مناطق ينراح لها


اشتري خريطه ... وشوفيها ... لأن اسامي المناطق بالفرنسي غير النطق ...

وفي ملاحظه ... الهاي وي بفرنسا لوحاته زرق غير الهاي وي السويسري ...

وشي ثاني ... ترى اهناك محد يتحجى انجليزي حتى لو يعرفون بس ما يحبون يتكلمون ... الا بعضهم وناااااااادر

يعني تحفظيلج جم كلمه فرنسي وطقطقي ... والا اخذي لج صور وأشري ههههههه


الحين انا حيل قافله بنام ... بس موضوعج صحاني ... اذا تذكرت شي بعد باقولج

 

[رفرف]

مشاركة: اللي راحت سويسرا تتفضل وتحل مشكلتي

مشكوووووووورييييييييييييييين صج انكم قدها ماتوقعت بلفى هلكثر ردود

سجلت اللي قلتوه كله ... وناطرة باقي البنات

ماظن انمر فرنسا .. بس يمكن نمر النمسا اسبوع زل ام سي وكابرون بس

 

[ام لمى]

مشاركة: اللي راحت سويسرا تتفضل وتحل مشكلتي

بصراحة كان ودي افيدج يارفرف لان الصيف اللي فات كنت فيها وطلعت بالقطار لباريس بس ماشالله البنات ماخلوا شي _احسن وقت لجنيف وقت الكرنفال بعدها تحسين الديرة فاضية_واحسن شي سويتيه انج خذيتي بنتج عشان ماتردين مثل العام بسرعة صدقيني اريحلج وآنا كنت ماخذا بنتي وكل مكان اروحله في بيبي كير يعني ماتعبت معاها_وانشالله تروحين وتردين بالسلامة

 

[BaiTotia]

مشاركة: اللي راحت سويسرا تتفضل وتحل مشكلتي

واو سويسرا يمدحونها بس ولا عمري طبيتها
رفيجتي بتروح لها هالسنة شهر عسل
احسها دولة راقية
تروحين بالسلامة

 

[deenaa]

مشاركة: اللي راحت سويسرا تتفضل وتحل مشكلتي

انا كل سنه تقريبا اروح سويسرا اهيا ترى مو دوله سياحيه كثر ما اهي راحه واستجمام يعني ماتلاقين فيها اماكن العاب وجذي الا نادر..

اما المنطقه اللي بتقعدين فيها لوزان بس سوقها اللي يونس وخرشه جنها لندن بس على جبليه يعني انسي تمشين الا بجوتي رياضه لأنها كلها صعدات ونزلات زينه اذا تبين تضعفين P:

و عندج منطقه crans montana هاذي وايد حلوه و راقيه و هاديه فوق الجبل و كلها كويتيين ..

و اكو منطقه zermat هاذي سياحيه و فيها تلفريك يوديج حق الثلج طبعا عجيييييب لا يطوفج بس برررررررررد يعني تدفي عدل ودفي بنتج و فيها مطعم ستيكات خطير

و في مونترو كلها عرب و قهاوي على البحيره و المطعم الإيراني حلو..

اما جنيف ما انصحج تضيعون وقتكم فيها مليقه و حاره ما فيها شي انا ما احبها .. بس جان اذا صادفكم وقت الكرنفال اول 8 روحوا تطمشوا ولعبوا معنه اخترب صار كله هيلق مو مثل قبل

وإذا نوعكم تحبون المغامرات اكو rafting في منطقه sierre حده يونس بس الماي بااااارد :S

هاذا اللي اذكره الحين واذا تبين اي شي انا حاضره

 

[ام رغودة]

مشاركة: اللي راحت سويسرا تتفضل وتحل مشكلتي

انا ما قريت المكتوب بس حبيت اقول لج فيزا سويسرا تختلف عن فيزا اوروبا يعتى لازم تسوينها علشان تقدرين تدخلين فرنسا والنمسا يعنى الدول القريبة منها يعنى تسوين فيزتين