اللي راحت ماليزيا مع عيالها تكفين دشي هني

[عمشه المنتفشه]

الاسبوع الياي بروح ماليزيا وبانكوك يومين ومجموع سفرتي 18 يوم انا وريلي بس

بس قلبي يتقطع على ولدي بو سنتبن ودي اخذه بس خاف يأذينا وريلي يعصب وتصير السفره هوشات

اللي راحت ماليزيا مع عيالها تكفون قولولي شرايكم اخذه ؟؟

وشلون وضعكم بالطياره الطريج طويل وبنروح كل كل الجزر بعد

شرايكم ؟؟ شوروا 8علي والله محتاره ومتضايقه

يعني اللي خذت عيالها تحسين انج تقيدتي ؟؟

في اماكن واشياء ماقدرتي تروحيلها لان عيالج معاج ؟؟


انا بروح عالسيلانيه وخايفه اذا خذيته الطياره تطلع مو مريحه

 

[randomy]

انا خذيت بنتي معاي ماليزيا عالقطرية

كانت موم كملة سنتين

استانست بس ترى احجزي الطيارة باليل علشان على طول ينام

ولازم تتحملين ولدج بعد

 

[الخاتم الذهبي]

حلاات السفر مع الاطفال خاصه سنتين و3 وفوق انا اقول خذيه حرام خليه يبسط ويسير لها ذكر اذا كبر يشوفها بعدين انتي بالك يسير مشغول عليه تعبي جسمك بس ريحي بالك هههههههههههههه

احس من تحت السنتين هم الي يتعبون بس سنتين وفوق ونااااسه بسفر يتعبووونك شوي عشان تحسين طعم السفر

 

[عمشه المنتفشه]

وااااي حيرتوني زياده المشكله ولدي مايحب العربانه واذا نزل يركض مايخاف انه يبعد ا نخليه ونروح وانا شايله هم ريلي

تدرون بعد الريال مايتحمل مثل المره

 

[حلوى كويتيه]

نصيحتي خليه عند امج لان السن هذا مايستوعب السفره حق 3 وفوق
راح يتغير عليه الجو وتعابلينه روحي انتي واكتشفي الدوله والسفره الثانيه اخذيه معاج

انا اول سفره اسوي جذيه

 

[ريمه الكويت]

شوفي ماليزيا تصلح للاطفال لانها كلها حمامات سباحه والعاب وعندهم بالليل احتفالات وتراوالي اليهال راح يستانسون بعد ان خليتيهم تحاتينهم انا هالسنه معاي طفلين بو 4 سنوات والبنت بتكمل السنتين واخذت لهم قصص والوان والعاب حق الطياره واساسا الطياره فيها شاشات العاب
وانا مثلج ريلي عصبي بس من اللحين وصيته لازم يتحمل علشان نستانس بعد عيالنا شنسوي بعد مانتبرا منهم هههههههههه انا بالي طويل مع اليهال بس الرياييل شوي مالهم مقاقه يهال وبجي بس انشالله نستانس يارب ولا اخليهم واتحسف
بس السيلانيه الي يعيبها الروايح الخايسه من الركاب والقرقه يوووووووووو قراقين وخايسين الله يعينج السنه الي طافت عندي عطر بالجنطه رشيته كله بالطياره

 

[عمشه المنتفشه]

حلوى

وريمه

مشكورين حياتي المشكله لو عند امي عادي بس امي بتسافر مضطره بخليه عند حمولتي

هم يموتون فيه ويعرفوله بس هو مايبيهم لان مايشوفهم وايد




ريوومه

السيلانيه والا انشالله الجزر قمريه المهم نروح زين لقينا حجز ريحه ريحه عادي الكويتيين متعودين على روايح الاسيلانيين

 

[سراب الدمع 123]

انا اقولك اختي خذي ولدك معاك علشان ما تحاتينه وتنبسطين بالسفره انا رايحه ماليزيا بعد اسبوعين ومعاي اولادي لثنين واحد عمره 5 سنين والثاني 10 شهور ما اقدر اخليهم واروح ما يطاوعني قلبي ............

اما الطيران السيرلنكي الله يعينك وانتو رايحين عادي شوي الركاب نظيفين الريحه يمكن تتحمليها بس الرده ......... الله يستر عليكم من الروايح ..... شي يبط الراس قرف وع والله ذكرتيني فيهم .....

 

[ريمه الكويت]

لووووول عمشه انا لاعت جبدي مااقدر على روايحهم راسي افتر ويالله انشالله تستانسين

 

[... May ))]

انا خذيت بنتي معاي كان عمرها سنتين ، وشويطينه شوي ، خذيت العربانة معاي مع إنها ما تحب تركب العربانة ، كنت احط مشترواتي بالعربانة حياتي بعدين لما تتعب توقف و ترفع لي إيدياتها ...يعني شيليني... أحطها بالعربانة... يعني اخليها على مزاجها ..اذا بتلعب وتركض اخليها ...اذا بتقعد ... على راحتها... وفي الطيارة > كانت طيارتنا ليل... وذيك اليوم ما خليتها تنام الظهر .. عشان تنام بالطيارة والحمد لله ..سهالات... تعسرت شوي...بعدين نامت... ورحنا جزر وfishing وكل شي.. والله قبلها كنت مسافرة بدونها تقطع قلبي...وكل ما اشوف عايله معاهم ياهل أقول هذول احسن مني يابوا بنيتهم ... توبة اخليها... ترى 18 يوم مو شوية... اسبوع تنبلع.. عشر ايام نعديها... أكثر من جذي صعبه..

وبالتوفيق

 

[عمشه المنتفشه]

واااااي لاتعةورين قلبي شسوي

الحين خلاص مستحيل اخذه لاني طلعت حامل وهو مايبي الا انا اشيله واسويله كل شغله

يعني توني شهر كافي السفر تعب بعد اشيله وامشي فيه ماقدر واشيله عشان اغسله واغيرله واركض وراه مستحييييل

بعدين انتي بنت اسمالله عليها عاجله بس الصبي يكون شيطان

 

[حلوى كويتيه]

واااااي لاتعةورين قلبي شسوي

الحين خلاص مستحيل اخذه لاني طلعت حامل وهو مايبي الا انا اشيله واسويله كل شغله
يعني توني شهر كافي السفر تعب بعد اشيله وامشي فيه ماقدر واشيله عشان اغسله واغيرله واركض وراه مستحييييل

بعدين انتي بنت اسمالله عليها عاجله بس الصبي يكون شيطان

شلون تسافرين وانتي حامل جيكي مع دكتورتج :0bee2e8d89:

 

[عمشه المنتفشه]

توني امس حللت بس قالولي عادي دام حمالج الاول طبيعي مافيه اي مضاعفات

مع شوية توصيات مثل الراحه واتمشي شوي بالطياره والله خير حافظ

 

[حلوى كويتيه]

لا تحاتين الطيران اخذي الكراسي اللي ورا الدرجه الاولى يكونون 4 اسطر او 5 واسم الكراسي هاي كلاس احنا حاجزين منهم احنا حاجزين اول سطر محد جدامي امد ريولي على راحتي والخيسه اللي يقولون عنها البنات اكيد ورا لاكن عن نفسي كل ماحجز اخذ اللي جدام والله جنج مو راكبه ويا هنود اللي جدام ربعهم السنعين بس

 

[القلب الجريح]

نصيحه لتروحين على طيران مال سيريلانكا تلوع الجبد ومومريحه انصحج تغيرين بتعبين وبتلوع جبدج والله احنا كنا راحين تايلند وماليزيا وكان ترانزين كنا لازم ننزل في سيريلانكا وقطر ففي رجعتنا حق البحرين وقفونه في قطر وجنه الايسي مادري شنو صار فيه ومارضوا اينزلونه من الطيارة والله تمينه اكثر من ساعتين في الطيارة ومارضوا ينزلونه غيري احسن

 

[زينانه]

حرام عليج تخلينه بروحه
انا ماارتاح بره وعيالي مو قدامي
احاتي اكلو اضحكو العبو نامو
حراااااااااام

 

[عمشه المنتفشه]

زينانه بذبحج لا تعورين قلبي

امس رحنا انا وريلي وولدي الافنيوز طول الطلعه وانا شابلته مو راشي ينزل ولايبي العربانه ولايبي ريلي والله تنكدت

ورديت البيت بدون لاخلص شغلي وريلي عصب وتنرفز ورديت البيت الليل كله ظهري يعورني

الحين من حملت غيرت رايي خلاص ماراح اخذه ماقدر اشيله طول السفره

 

[ونة حزن]

حبيبتي
انالمارحت-كانواربع0سنين0و10شهوووور
بصراحه0تعبت0من0ولدي0الله-يصلحه-واغلب-سفرة0هواش0بسبته
بس0ماطرالي0اخليه0واسافرلانه0محديعرفله0الاانا0هذاغيربينشغل0بالي0عليه
انتي0اذاولدج=هادي-اخذيه

 

[دلع الوساما]

نصيحه اخديه انا العام كنت رايحتلهالا وماخدها ولدي معاي وابوه عصبي ومايحب الشطانه الزايده بس ولله استمتعنا معاه اضاف جو ثاني للسفره

 

[saratee]

انج تخلينه بيعورج قلبج وانج تاخذينه وانتي حامل بتتعبين ويمكن تفقدين الحمل ....استخيري وعسي الله يكتب لج الخير وين ما يكون