اللي راحو لدبي يتفضلو

[سعوديه~~]

السلام عليكم على الكوتيات الحلوات

حبيباتي انا ان شاء الله ناوين سفره حنا والعائله مع عماتي يعني سفره عائليه لدبي

واول مره صراحه نزورها ولا نعرف عنها شي

ادري ان دبي كلها حلوه بس نبي تقولو لي ايش الاماكن السياحيه الزينه فيها

يعني ابي ملاهي

واسواق

ومطاعم وكافيات

وياليت المطاعم الكوفيات بالهوى الطلق:d

لاني ماحب اللي تكون بعرف وحشره وكذا

وش رايكم بالجميرا كثير مدحوها لي قالو في كوفيات عند القوارب وكانها طبيعه

جد بنات؟؟

انا اسواق مقرره نروح لدبي مول والامارات مول وابن بطوطه والقريه العالميه في اسواق زينه مثل كذا ؟؟

وايش بحر دبي الزين اللي فيه جلسات وعنده النافوره الراقصه:dماعليش على الاسئله بس مالي غيركم

يعني يابنات نبي اماكن سياحيه وياليت كلها تكون مفتوحه يعني بالهوى الطلق

بس فيه شي محيرنا قالو لنا ناس ان دبي اغلبها مايتكلمون العربيه معقوله؟؟

طيب كيف نتفاهم معاهم اذا كنا مانعرف؟؟مو معقول بنتكلم كل كلامنا انقلش

 

[سعوديه~~]

حبيباتي مابي اشياء غاليه حيل لاننا عائله واطفال وكذا

يعني الاسعار ابيها متوسطه الكفيات والمطاعم

 

[GreenApple]

لا حبيبتي يتكلمون عربي بس هم قصدهم العاملين فالمحلات والفنادق اكثرهم هنود وفلبينين واجانب بس ماعليج يعرفون عربي
.........................

بالنسبه للكوفيات في دبي مول الطابق الارضي كلها مطاااعم وكوفيات الها مخارج على النافوره الراقصه ترومون تقعدون براا مو داخل
وعندج بعد(jbr,the walk) احد يسميه ذا ووك واحد يسميه جي بي ار... كلها مطااعم وكوفيات وهو ممشى ومطل على البحر..
بالانسبه للاسعار متوسطه
تقدرون تنزلون العيال صوب البحر يتسبحون بس شلو احتياطكم من ملابس وفوط الهم

وعندج مرسى دبي وفيه ممكن تركبون سفينه ادور فيكم نص ساعه وتردكم


المولات الي ذكرتيهم هم اكثر شي يروحولهم الناس وكلهم فيهم نفس المحلات فلا تضيعين وقت لانهم كلهم كبااار(دبي مول,امرتس مول, بن بطوطه مول,ستي سنتر,برجمان,)واذا تبين شي اقتصادي عندج الاوت لت شوي بعيد والداجون مول او السوق الصيني بيعجبكم..
القريه العالميه سكرت ...
اماكن للاطفال امرتس مول ممكن تدخلون سكي دبي التذكره 70 درهم للشخص كبير والصغير على ماذكر ويعطونكم ملابس واحذيه وخوذات بس القفازات انتي تشترينهم
.......................
كيدزانيا في دبي مول من احب الاماكن للطفال
سنتين واقل ابلاش
من سنتين الى 3 سنوات ب 95 درهم
من 4 سنوات الى 16 سنه ب 125 درهم
للكبار مثل الاهل والخادمات ب 90 درهم للشخص

 

[سعوديه~~]

بنات انا صديقتي قالت دبي كل مطاعم وكافيتهم اجانب

ولازم لغه خوفتني تقول لازم متقنه الانقلش وانا الصراحه اعرف كلمه وعشره لا كيف نتفاهم معهم بالمطاعم والكفيات لما اجي اطلب جد لازم لغه

 

[GreenApple]

عادي اسامي الكوفي يوم تطلبينها لازم بتقولينها بصيغة الانجلش يعني كبتشينو او نسكافي او لاتيه يعني بس قولي الاسم وهم متعودين على السياح حتى لو مطعم الي يعجبج اشري عليه فالمينو قوليله ابا هذا والامور طيبه مايبيله

 

[منو انت]

صحيح اغلب اللي يشتغلون بالمطاعم اجانب بس بعد بكل محل تحصلين عربي يامصري يالبناني مستحيل مايكون في عربي


وياليت تذكرين جم يوم راح تقعدين علشان البنات يذكرون لج الاماكن حسب الاهميه يعني الشي المهم اول بعدين العادي

 

[brettey]

انا توني راده من دبي من اسبوعين كالعاده تينن صج دبي دار الحي
روحي دبي مول روووعه مجمع شكبره بس مايمدي تخلصينه بيوم واحد اكبر مجمع بالعالم وروحي عند النافوره تشتغل من المغرب وطالع كل نص ساعه تشتغل على اغنيه روووووووعه تينن حدها وعقب كملي صوب النافوره امشي لي سوق البحار في مطاعم بالهواء الطلق ومنها زهره الليمون لبناني واكلهم صحي ولذيذ
وهم مطعم سماك بحري
وهم بدبي مول روحي الاكواريوم
عندج مجمع الامارات مول روووعه ودشوا الثلج عجيييب
عندج مجمع فيستفال سيتي عجيييب اظن اهو الي فيه القوارب
عندج سيتي سنتر مردف يهبل واحلى من السيتي سنتر القديم وااايد حلة للتسوق
القريه العالميه

 

[amoon]

في فيستفال سيتي في مطعم شعبي اماراتي اسمه الفنر

 

[ليمونة وزيتونه]

up up

 

[هلا 2010]

اذا تبين محلات رخيص وحلوه للهدايا
سووق نايف وعكاظ للملافع والمناال*