اللي رايحه لندن بلييز تفيدني :(

[asosa87]

بنات انا توني عضوه يديده وهذي اول مشاركه لي اول شي شلونكم ثاني شي حبايبي انا بسافر لندن بالعيد واول مره اروحلها بليييز اللي تعرف اسوقه حلوه هناك تقولي اساميهم وتكون اسعارهم مناسبه مو غاليه يعني اشياء غريبه وحلوه وبلييييز ردو علي

 

[دلوعه الكل]

ياهلا

خيتوووو ومرحبا فيج



اممم اول شي اشهر الشوارع فيها الاكسفورد واجورد رود


وبكديلي


اممم الاسوووقه عندج الهاردوز وسلفرج وهرفي هاذي افخم الاماكن


ووومجمع جديد والله ماذكر اسمه



والاسوووواق الرخيصه ماركات نص السعر .. بس تبعد عن لندن ساعه وتقدرين تروحين لها في قروب في باص

ولا سياره خاصه ولا الباصات تقصين تذكره ذا بق باص كمب بني


وهووو المستر فلج

هاذي في لندن سووق الاحد وسوق الاثنييين ..


اممم وعندج قدام الهارودز عند شارع النايت برج محلات تهبل فيه محل ملابس وفساتين بريطانيه خييييال


وان شاء الله افدتج بشي


ٍ
ٍ


ٍٍ

ٍ

ٍٍ


ادعيلي

 

[عمر السنين]

كفت ووفت الاخت

بس بضيف عليها عندج مجمع الويست فيلد
وعندج سوق الشبربوش بصراحه يمدحونها بس للامانه انا مارحت لها لاني كنت رايحه علاج

للعلم ترى الجو بااااارد انا توني راجعه من هناك
وبالتوفيق

 

[asosa87]

مشكورين دلوعه الكل وعمر السنين على ردكم ماقصرتو والله عمر السنين ماتشوفين شر يارب ودلوعه انشالله يتحقق اللي ابالج يارب:eh_s(6):

 

[شموووخ وغروور]

الاخوات كفو ووفو بضيف سوق اسمه سوق الاحد خام واكسسوارات و شبربوش هالسوقين اسعارهم معقوله بس شارع اكسفور في الغالي وفي الارخيص وفي عندج سوق بشارع اكسفورد رخيص حييييييل اسمه بري مارك وهذا حيل زحمه واسعار تنصدمين وحييييل ارخيص وعندج بشارع اكسفورد نهايته محل توب شوب عجيبه الاكسسوارات والاجناط وروحي حق حديقة الفواكهه ذوقي الفراوله وادعيلي امممم تهبل
واذا محتاجه اي سوال انال حاضر بس دزي عالخاص عان اشوفه ...
ادعيلي انه الله يرزقني الولد السليم المعافااااااا...

 

[لندن سيتي]

دلوعه الكويت لو سمحتي وش المحلات الي قبال الهارودز اعطيني اساميهم حقين الفساتين محتاجتهم مرررة ومشكووررررة مقدما

 

[ام بدر 25]

السلام عليكم انا رايحه علاج مع ولدي علاج بغيت اعرف الجو بارد حيل ولا عااادي واذا الجو بارد شنو اخذ حق ولدي من ملابس عمره 6 اشهر علاج وشنو الاماكن السياحيه الحلوه

 

[العـــائده]

حفظكم الله

 

[أم أفنان]

السلام عليكم انا رايحه علاج مع ولدي علاج بغيت اعرف الجو بارد حيل ولا عااادي واذا الجو بارد شنو اخذ حق ولدي من ملابس عمره 6 اشهر علاج وشنو الاماكن السياحيه الحلوه

أخــتــى الــفــاضــلــه بــرد قــوي أخــذى مــعــاج مــلابس شتــويه وقفــازات الايدي وقــبعة الــراس

وأى خــدمه أحنا حاضرين

 

[ملاك بين البشر]

شزفي قلبي لازم اذا رحتي لندن تاكلين فلاااافل شبر بوش لاتطوفج وبالعافيه

 

[brettey]

عندج شارع الاكسفورد وايد فيه محلات مثل h and m ونيولوك و.... ومارك اند سبنسر ومجمع بعد اسمه بريمارك كل شي في رخيص وحلو وشيبر بوش عندهم شالات حلوه وكل شي فيه وسوق السبت وسوق الاحد
والماركات من ملابس وجناط وعطور بسيلفردج وهارودز
عندج عطور توم فورد وتريش ماكفوي حصري بسيلفردج اذا تحبين العطور وروحي بوتيك شانيل جنه بسولون ستريت عندهم عطر حصري بس ببوتيكات شانيل باوربا وامريكا فقط حطي تحتها مليون خط اسمه chanel 22 يقولون يهبل ماتلاقينه ببوتيكات شانيل عندنا بالدول الخليجيه او العربيه
عندج سولون ستريت للماركات
وعندج بره لندن مدينه بيكستر فيلج فيها ستوكات الماركات تلاقين الماركات بنص السعر بس موديلات قديمه تكون نازله من سنتين او ثلاث
بس الجو حاليا بارد اخذي شتوي
وطلبتج ادعي لي ان الله يحقق لي كل الي في بالي

 

[ALSHD]

روووووعه بس حبيت اسال عن جوها بشهر 12

؟؟

 

[قطريه كيوت]

ماشاء الله البنات ماقصروا

عطوج كل المعلومات

والجو راح يكون واااااااااايد بارد

الله يازين لندن في الكريسمس​

 

[كريستال]

ماقصروا البنات

وسفره موووووفقه

 

[ام بدر 25]

السلام عليكم الي ردو علي صراحه ماقصرتو الله يوووووووووووووووووفقكم كلكم وابي طلب منكم ابيكم تدعو حق ولدي لاني بروح اول ايام العيد لندن علاج وماادري
متى برجع ابي بس دعكم ان الله ينجح كل عمليات الي راح يسوي بقلبه والله يووووفقكم جميعا

 

[لوازم العائلة]

الله يشافي ولج وتردون بسلامه

 

[حور الجنة]

حبيبتي
انا اوصل لندن

بس محطة احط اغراضي

وكل يوم اطلع او يوم وترك

اكتشف مناطق بريطانيا حتى لو قريبة

يعني نص ساعه بالقطار او اقل

المهم مو زحمه لندن وكله فيه سوق وحلو