اللي رايح علاج طبيعي بالتشيك

[Eva-SS]

السلام عليكم

بعرف اللي رايحه علاج بالتشيك ياليت تجاوب على اسألتي ..

اللي اعرفه العلاج بالخارج كل شهر تجتمع لجنة للتمديد بناء على تقارير الدكاتره .. شلون على العلاج الطبيعي بالتشيك هل يكون فيه تمديد كل شهر بشهره او شنو بالضبط ..

سمعت انه اللي هناك مصحات للعلاج الطبيعي .. هل فيها دكاتره باختصاصات طبية مختلفة ولا بس علاج طبيعي بيوور .. المريض اللي عندنا يعاني من امراض كثيرة ثانية محتاج دكتور روماتيزم ودكتور امراض دم ودكتور جلدية وباطنية الى جانب انه محتاج علاج طبيعي مكثف .. حالته شوي مو مستقره فاخاف تكون فيها مجازفه

تكفون بنات اللي راحت تقولي عن تجربتها .. شلون عنايتهم وشلونهم بالعلاج مو بس العلاج الطبيعي .. شلون طريقة التأهيل عندهم وشنو يستخدمون .. هل الديرة غالية ولا رخيصة .. في خليجين هناك ولا قليل

 

[Eva-SS]

up

 

[a woman on top]

السلام عليكم ،، انا حاليا في التشيك رايحه مرافق مريض لولدي يحتاج علاج طبيعي مكثف،،واذا على الديره حلوه واسعارها كويسه و منطقتنا فيها وايد خليجيين ،،بالنسبة للتمديد تروحين اول شهر و التمديد للشهر الثاني سهاله اما التمديد الثاني (يعني للشهر الثالث) يبي له دزة (واسطة)
اما اذا المريض يحتاج عناية طبية فالمنطقة فيها مستشفيات و لازم تامين صحي تسوونه هني عشان ما تصير فواتيركم غالية لان علاج الاجانب عندهم وايد غالي ،، وما تشوفون شر

 

[كارلوفي فاري]

هلا اختي اسفه اني راده متاخر بس الغلاج بالتشيك ممتاز انا عالجت في كارلوفيفاري مع انهم يمدحون تبليسه لان كارلوفيفاري تعتبير كاعادة تاهيل وراحة وهي منتج للاثرياء لكن تبليسه هي احسن المصحات وكلهمم زيننين بالنسبه لي عالجت بالمصح الخامس اسمها اليزابيث وعمر المصح فوق 300سنه والدكتور اللي كشف على والله ذكي اسمه قريب من تشارلز شوفي ابدلج على مترجم موجود بمكتب العطلات بنفس المصح اسمه شادي خوش واحد يمكن يفيدج واتمنى لج كل التوفيق