اللي ريلها ابيض تدش

[منال_]

السلام عليكم انا متابعتكم من زمان بس مو مسجلة داشة بنك رفيجتي بنات بقولكم سالفتي واتمنى تساعدوني انا سمرة(خاله)ومتقدملي واحد ابيض بس مادري احس اني متردده اخاف اختلاف اللون يسبب مشاكل ويأثر على علاقتنا خايفه الناس تعلق واخاف من تعليقات اهله يمكن احد يقط علي نغزه او يعلق على اللون والفرق بينا ويسوون مقارنات انا ماودي ارفضه عشان اللون الريال وااااايد زين حرام ارفضه عشان هالشغله بنات تكفون اللي تعرف وحده نفس وضعي يعني مو سمرة ولا حنطاويه خاله وريلها ابيض بعرف شلون علاقتها مع ريلها وهل اللون يأثر عليهم وشنو علاقتها مع اهله مافي تعليقات على لونها يعني باليمعات والزوارات بليييييييييز اللي عندها تجربة او حق وحدة تعرفها تذكرها واللي ماعندها تجربة تكفووووون ترفع الموضوع

 

[lailosh]

امبي حرام عليج شكوو

مالج شغل بكلام الناس بكل شي يتكلمون حتى لو كنتي بيضه راح يعلقون على شي ثاني وماتسلمين منهم

اذا اهو يبيج وشاريج اخذيه بلا عنصريه وعوار راس

 

[مناير ...!]

رد : اللي ريلها ابيض تدش

الله يكتب لج الي فيه الخير
وعادي تصير اللون خلقه رب العالمين

 

[G!RLooNa]

شكو كلام الناس

كفايه يولج و خطبوج

محد له شغل فيكم وللي يبطل حلجه عطوه كلمتين يجعمونه بس صج محد له شغل حلوه هذي عشان اللون ارفض ريال

لا والله اذا زين و مرتاحتله توكلي على الله و موفقه

 

[noo7a]

اذا اهو عاجبه و راضي شعليج من الناس
الناس لو شنو تسوين مايعجبهم
توكلي على الله والي فيه الخير الله يكتبه لج انشالله

 

[اميره بكلمتي]

الله يكتبلج اللي فيه الخير

 

[وفا الكون]

رد : اللي ريلها ابيض تدش

الحمدلله الدنيا ليلحين بخير
شكوووو ترفضين علشان اللون.. والله اهم شيء الراحه النفسيه والتفاهم اللي بينكم وتجانس ارواحكم وانكم شارين بعضكم بكل اخلاص
كلام الناس مايخلص والله
ربي يوفقج ويهنيج ويكتبلج الخير كله يااااارب

 

[الأميرة جوري]

رد : اللي ريلها ابيض تدش

اذا بترضين الناس ماراح يخلصون ولا راح يرضون هذي حياتج .....اذا مرتاحه له وشاريج وافقي ..انتى بتعيشين معاه مو مع اهله والله يوفقج

 

[senioreta n7oola]

رد : اللي ريلها ابيض تدش

الناس والناس مااااااااااااا عليج منهم ..
آنا رفيجتي بيييضه وزوجهااا اسمر حيييييل شوفي سمله عليهم
جنهم البخت الله لايغير عليهم يااااااااارب ..
ما همتها حجي الناس .. أهم شي الراااحه والمودة ..
دامه زيييين وطيب .. استخيري وتوكلي على الله

 

[منال_]

مشكووووووووورين على الردود الصراحة ريحتوني انا الريال وايد ارتحتلة لمن قعدت معاه واهلة شكلهم زينين تكفون اللي تعرف وحدة نفس حالتي تذكرها

 

[بولندية]

انا مو خالة بس حنطاوية و ريلي ابيض مني وما احب ريال عيونه ملونة وطوييييييييل وااااااااااايد ومرات افكر بالطول اكثر شي بس عااااادي و الحمدالله الله يتمم علينا

والله يوفقج

 

[فتاة الإبتسامة]

رد : اللي ريلها ابيض تدش

مدام اهو اختارك وشافك فخلاص
والله يووووووفقك ويتمم لك بخير

 

[بحرينية@ماركة]

اذا على الناس مابتطلعين خطوة من البيت..
توكلي على الله..

 

[فـدوه]

رد : اللي ريلها ابيض تدش

انتي شعليج منهم واذا بيقولون لأنهم محترين... المهم اهو يبيج و بعدين حاولي تكسبينهم بالطيب و الأخلاق و كسري عينهم

و عليج بالعااافية ههههههههه

و على فكرة وايد سمعت و شفت رياييل بيض ماخذين سمر و اكثر بعد, المهم المعاملة و الإحترام للزوج

 

[برونزيه شقرا]

رد : اللي ريلها ابيض تدش

انا العكس انا بيظه وزوجي حنطاوي على سمار بحر وحداق
شبعت من التعليقات والخز بالشارع اشكره بس طاااااااااااااااااااااااف
والحمدالله مرتاحه وحياتي طبيعيه

 

[نتوفه]

اهم شي اهو مقتنع فيج وانتي مقتنعه فيه
خلاص مالج شغل بالناس
ياما شفنا بيض ماخذين خوال محد تحجى وقال لهم شي
توكلي على الله
ربي يوفقج

 

[كبسة جلكسي]

ماااعليش من احد
والله يكتب لش اللي فيه الخير

 

[kramilah]

رد : اللي ريلها ابيض تدش

ماعليج من احد
الله يوفقج ياااارب

 

[يمة يادلبي]

دام عاجبج توكلي على الله ومالج شغل بحجي الناس الي لايودي ولا ايييب

 

[حبيبه بدر]

شكو كلام الناس

كفايه يولج و خطبوج

محد له شغل فيكم وللي يبطل حلجه عطوه كلمتين يجعمونه بس صج محد له شغل حلوه هذي عشان اللون ارفض ريال

لا والله اذا زين و مرتاحتله توكلي على الله و موفقه