اللي زوجها طالب بأحد الكليات العسكرية وما شابه .. فلتتفضل :)

[CheeSeCaKe]

قوه بنات

ما أدري إذا كان فيه مثل هالتجمع من قبل أو لاء وإذا فيه يا فشلتاااااه

آنا زوجي بكلية على الصباح العسكريه طالب عسكري مو مدني سنة ثانيه ودخل الكلية بالضبط يوم كملنا 9 شهور زواج وصارلي 5 شهور من سكنا في شقتنا يعني يا فرحة ما تمت ... سكرنا الشقة ورديت بيت اهلي علشان ما اسكن بروحي ..

وأنتو عارفين الطالب العسكري يطلع كل ويك أند .... تخيلوا العذاااب ..

وللحين ما الله رزقنا بالذرية الصالحة .. عسا الله يفرجها علينا ويرزقنا وعلى كل راغب بالذرية يا رب قولوا آمين ..

المهم شنو شعورج حاليا وزوجج طالب عسكري بغض النظر عن عمره ...

وشنو رده فعلج لما شفتيه بعد الحجز .... ضعف ؟؟؟ صار أسيود ..!!

وشنو نفسيته وهل فرق عليج بالمعاملة ...!!


شلون كنتي تستقبلينه وانتي ولهانه عليه كل ويك أند من الاسبوع ...؟؟؟

وهل حسيتي أن الكلية خربت عليج وايد خطط ؟؟

وكلميني عن ميزات وعيوب وضعج حاليا معاااااه ..

يالله بليز أبي نشاط وحماس ....
حتى اللي عاشت هالفترة من قبل تكلمنا عنها ...بليز ومنكم نستفيد


يالله هلمواااا

 

[الأميرة جوري]

رد : اللي زوجها طالب بأحد الكليات العسكرية وما شابه .. فلتتفضل

الله يكون بعونج ...لرفع

 

[G!RLooNa]

انا بعد ابي اعرف :$

 

[CheeSeCaKe]

رد : اللي زوجها طالب بأحد الكليات العسكرية وما شابه .. فلتتفضل

راح أكلمكم عن تجربتي ..

طبعا قبل لا يدخل كنت أحن عليه علشان يروح يفحص بخصوص الانجاب وكان شايف الموضوع أن عادي تونا ما صارلنا سنة ..!!

قلتله كل شي على كتبت الله لكن ما يمنع إذا فيه شي نتلاحق عليه وأحنا صغار ...

طلع قبوله وآنا مستانسة أكثر منا لأن حق مستقبل أفضل من رقيب يصير ضابط وآنا شجعته وحمسته للفكرة ..

وبنفس الوقت قلبي يعورني على بعاده ..

طبعا كذا مره أبجي أقوله راح اوله عليك ... وتحسف أن ما جابل فحوصات وهالأمور قبل لا يدخل الكلية ..

المهم ..

أن يوم شفته بعد أسبوعين حجز ------> يلد على عظم وأسود اللون ... أمبي جد جد جنا واحد ثاني

تقدرون تقولون لوك يديد

اول سنة ... كان لما يطلع يكون سلبي بشكل كبير بس يبي ينام وآنا كنت أقدر نظرا للي قاعد يشوفه بالكلية ما ينلام ..!!

وكان كل مره يفكر يطلع وآنا أقوله حرام ومكانك هذا يبي مليون واحد ما قدر يوصله وووو إلى آخره

بس نفسيتي تعبت ... قمت أحس ماله خلقي ... مو ولهان علي ... كله داقرني ..

ولما اتناقش معاه يقولي أدري آنا أسف بس تحمليني علشان الكلية ..

ولقيتها فرصه أسوي مفاجآت وأحجز منتجعات وسفر ومن هالأمور ...

اشوي اشوي بدت نفسيته تتعدل ... حس أن انا وايد تحملته وبدا يعوضني..

قمت اتحمس معاه في تجهيز أغراضه قمت اساعده واشتريهم له .. وقمت أحلق له بالموس قبل لا يدخل ..

وكنت شاريه من الأمازون قلب احمر مكتوب عليها احبك بالانجيزي داخل جنطه خام تور شفافة فيها عشبة اللافندر فكرتها : أن كل واحد يخشها حق الثاني بمكان ونحطها بالتبادل ...

فكانت فكرة عجيبع تكسر الروتين حبها واستانس عليها وايد ويتحمس يدور عليها ..

لكن مشكلة لما تحتاجين زوجج في امور وايد وتلقينه محجوز ..

الله يصبرني .. واشوفه خريج آمين

 

[حبيتكم]

رد : اللي زوجها طالب بأحد الكليات العسكرية وما شابه .. فلتتفضل

ييييييييييييييييييييييييييييييييييييييييييييه لا تذكريني بالحجز اففففففففففففففففففففف ايام غبرة حزن وصياح وشوق

توني معرسه وبعد 5 شهور شلوه حجز كنت حامل لما راح عني كنت بدش الرابع ..

اول يوم راح عني خلص الوحاام خخخخخخخخخخخخخ .. شكله كان منه

المهم شنو شعورج حاليا وزوجج طالب عسكري بغض النظر عن عمره ...<<<< انا ما حبيت الفكرة نهائي

"وشنو رده فعلج لما شفتيه بعد الحجز .... ضعف ؟؟؟ صار أسيود ..!!<<< سار شهر ورد انسان غير ضعف اسود بس تمت عيونه ورجع انسان كئيب مندلخ ما يعرف ه وين منصدم خخخخخخخخخخخخ

وشنو نفسيته وهل فرق عليج بالمعاملة ...!! وايد فرقت معاملته صار دفش وما يحس مايهمه شي بس كل ها بدون قصد من الهلاك لي شافه يا حرام


شلون كنتي تستقبلينه وانتي ولهانه عليه كل ويك أند من الاسبوع ...؟؟؟ كل مرة فكرة بس اول الوكندات احبطنيييييييييييييييي كان بلا احساس بعدين بدا يتحسن

وهل حسيتي أن الكلية خربت عليج وايد خطط ؟؟ وااااااااايدمانقدر نطلع افففففففف وكل مرة ظروف ومشغول دوم

وكلميني عن ميزات وعيوب وضعج حاليا معاااااه ..
مافيه مميزات افففففففففففففففففففففففففففففففففففففففففففففففففففففففففففففف كلها عيوبب بس شنسوي مستقبلنا

 

[داريني]

حبيبتي الله ان شالله يعدي هالايام على خير وتفرحين له وتكتمل فرحتكم ان شالله لما تحملين

انا اختي وبنت نفس وضعج بس تختلف الظروف شوي

اختي قعدت مع ريلها عقب ما عرست خمس اشهر وبعدين سافر مع ابوه علاج بالخارج
وتخيلي كانت حامل و طبعا حالها حال اي وحده بجر تتمنى ريلها يكون معاها بالفترة هذي كل لحظه
وتأزم الوضع لما دشت شهرها وريلها ما قدر ايي او حتى يلحق على ولادتها لانه ابوه بهذيك فتره الله يرحمه تعب واهوه عنده اخوان
بس اهوه اقرب واحد حق ابوه وابوه ما يبي الا اهوه لانه يفهمه و ما اقولج كانت ما كانت مضايقه بالعكس تضايقت ومرات تنهار وتبجي
تقول خل اخوانه يروحون حق ابوه بس شهر خل يرجع لي ويشوفني شلون انا حامل ويدش معاي الولادة

المهم ولدت من غير ما يكون موجود و الي زاد طين بله انه الله ما كتب حق بيبها يعيش يعني اختي انهارت من صوبين من صوب ريلها مو موجود والبيبي الي افقدته والحمدالله على كل الحال الله كاتب جذي و عقب الاربعين امي وابوي قصو لها تذكره وراحت حق ريلها طبعا
كانت مفاجاه بالنسبة له لانه ما يدري و قعدت معاه والحمدالله تقول الله مسح على قلبي و ريلي جني اشوفه اول مره لانه بس عشت معاه خمس اشهر و راح مع ابوه

والحين عندهم بنوته تهبل

وبنت عمي بعد عرست وريلها كان يدرس بره واهيه تدرس بالتربية وتمو سنتين على هالحال و ما حملت على قولتها تقول ما وقت هههه
ومشالله لما رجع حملت ورا بعض تقول اعوض سنين الحرمان

وانا ريلي كان شفتات و كل ما يرجع تعبان وماله خلق صج اتضايق بس على قولتج اقدر

اما الحين اتمنى يرجع شفتااااات ههههههههههههههه اول طلعات وهياته الحين مجابلني 24 ساعه حتى دوامه خرطي جم ساعه ويرجع البيت

 

[CheeSeCaKe]

رد : اللي زوجها طالب بأحد الكليات العسكرية وما شابه .. فلتتفضل

الأميره جوري
=======
تسلمين ما تقصرين

G!RLooNa
=======

حاظرين

حبيتكم
===

اهلين

لووول ضحكتيني يوم قلتي ما بقت إلا عيونه ...
الحال من بعضه ..

يختج ما ادري هالكلية دمار دمار

الله يهنيج وخليكم لبعض يا رب

داريني
===

هلا والله

اي تقدرين تقولين نفس الشعور والفكرة ... حاسة فيهم والله ..
المهم الله عوضها ويعوض الجميع ..

مشكوره على التعليق

 

[انا مو هني]

رد : اللي زوجها طالب بأحد الكليات العسكرية وما شابه .. فلتتفضل

انا كان اييني يكسر الخاطر بس يمعوده اجازه زوجيه خل نرتاح اشوي

 

[CheeSeCaKe]

رد : اللي زوجها طالب بأحد الكليات العسكرية وما شابه .. فلتتفضل

انا مو هني
====

انا كل مره يكسر خاطري .. وادعي بكل صلاة ان ما يحجزونه ..
عساج دوم مرتاحه .. الفال لزوجي يتخرج ويخلص أمين

 

[! بــدويه وآآيــد !]

،


وآآي عورتوا قلبي لووول


انا زوجي بـ الجيش بسي موظف من زمآن ودوآمه من الصبح للظهر الله يعينكم صرآآآحــه وآآآي بس إجآزه من الزوجيه لووول

الله يوفقكم يآآرب