اللي زوجها عنده دوالي وتشوهات وهي هرموناتها موظابطه تدخل

[متلثمه بغترة ابوها]

السلام عليكم
شلونكم كويتيات
حبيباتي اللي تقرا موضوعي وتستفيد منه ابي منها دعوه بظهر الغيب ان ربي مايحرمني من زوجي ويرزقني بالحمل وافرح قلبه
نبدا موضوعنا الله يسلمكم انا عندي ولد عمره 6سنين ونص وماحملت بعدها سوينا تحاليل وانا طلعت سليمه بس زوجي طلع عنده تشوهات بنسبه كبيره ولزوجه وقلت حركه وقلت عدد وكميه ودوالي من الدرجه الثالثه ولازم عمليه وقالتلي الدكتوره ماعندك امل تحملين الا بعملية انابيب او تلقيح صناعي وحبطتنا حيل ومسكين زوجي تعبت نفسيته وماتتخيلون شكثر قط فلوس على العلاج وسويت اشعه صبغيه الله لايوريكم العوار شلون والله صارخت صراخ موطبيعي والحمدالله طلعت سليمه المهم سوينا عملية تلقيح صناعي وليتني ماسويتها اول شي مانجحت ثاني شي لعبت بهرموناتي وعانيت منها لان هرمون التبويض كان عالي عندي شي بال40 ماشاء الله ومع الابر اللي عطتني اياها الدكتوره قبل العمليه سببت لي خلل بالهرمونات لاتشوفون شلون صارت النفسيه بس الحمدالله على كل حال من مستشفى لي مستشفى ومن عياده لي عياده الله يعلم بالحال لدرجة التبويض صار ضعيف عندي بشكل خيالي ويمكن مافي تبويض كلش.....
تدرون شسويت انا وزوجي؟؟؟؟؟
ماراح قولكم الحين لاني مستانسه توني استلمت تحاليلنا وبقولكم كم صارت
الحمدالله نسبة التشوهات صارت 15 بالميه بعد ماكانت شي بال70 والحركه زادت واللزوجه صارت10 بالميه والكميه زادت يعني صار احسن من الطبيعي
وانا الحمدالله كل شي رجع سليم والتبويض عندي صار ماشاء الله 52 وشي والله كنت فاقده الامل وماخذه التحاليل ولاحتى طالعت فيها وعطيتها الدكتوره على طول متوقعتها بتقول اخذي كلوميد اخذي شي للتكيسات بس الحمدالله الحمدالله طلع التبويض تمام عاد كنت ناويه امر الصيدليه واخذ كلوميد لم قلتلها قالت انتي التبويض عندك نسبته عاليه حيل ماشاء الله اذا اخذتي كلوميد راح يسببلك تكيسات
والله يابنات ماتتخيلون فرحتي شلون احس ان اليوم عيد الحمدالله لك يارب
الحين بشوف تفاعلكم معاي تبون تعرفون شنو سوينا؟؟؟؟؟
تبون تعرفون؟؟؟؟
تبون ولا لأ؟!!!






ماراح اقول الحين خلوني اشوف تفاعلكم بالاول*

 

[ام بشار]

الله يوفقكم ويرزقكم اللي في بالكم مع ذكر الله مافيه شي صعب ونعم بالله وألف مبروك وعقبال مانشوفج طالعة الأربعين يخير وبيدج أخو أو أخت حق ولدج آمين يارب

 

[رضاك ياربى]

ربنا يوفقك ويرزقك الذرية الصالحة السليمة المعافاة ويعوضك قادر على كل شي
انا زوجى صايرة فية نفس مشاكل زوجك برجاك تعرفينى العلاج اللة يسهل عليكى وعلينا ويرزقنا

 

[&هند&]

حبيبتي زوجي يعاني من نفس الي عاني منه زوجج بس زوجي سوا لعملية الدوالي الحمدلله وباقي تحليل له والله يفرحنا بالحمال السليم ،،،،،

 

[الزيـــــ^^ـــــن]

شنو السر ياااترى.....?؟?؟

يلااااا قوووولي بأنتظاااااارج

 

[متلثمه بغترة ابوها]

الله يجزاكم خير على هالدعاوي الحلوه ولكم بالمثل ان شاء الله
بقولكم شسوينا الحين
1- التوكل على الله بكل شي واول ماتشوفين الدوره تقولين الحمدالله اللهم اجرني في مصيبيتي واخلف لي خيرا منها
2- قراءة القرءان
3- الاستغفار
4- تصدقي على طول حتى لوماعندك الا دينار وشفتي بالشارع اي احد بحاجته عطيه وتكون بنية الشفاء ودفع البلاء
5- اهتمي بتغذية زوجك كثريله من الثوم بالسلطات وخليه ياكل الجرجير على طول و يشرب الماي
6- زوجي كان عنده لزوجه وهذي حلها بسيط شراب كحه او حبوب الكحه وخذاله فيتامينات عشان تقلل التشوهات اسمها sentinel
7- اخذي عسل الرجل وعسل تنشيط المبايض من العويد وكل يوم شربو قلاص على الريج
8- لم تنزل عليك الدوره في خلطه من اول يوم تسوينها وتشربينها اللي هي:
(((ملعقة صغيرة قرفة + ملعقة صغيرة حلبة + ملعقة صغيرة كمون + ملعقة صغيرة حبة سوداء*
تبدين فيها من اول يوم الدورة الى خامس يوم تنقعينها بالليل بكوب ماء حار وتخلينه الى الصبح وتقومين الصبح تشربينها لمدة خمس ايام))

**وشغله ثانيه بعد تسوينها بوقت الدوره والله يابنات شي موطبيعي كثر ماامدحلكم ماراح تتخيلون والله العظيم ان المره مااعرفها ولا قصدي اسويلها دعايه بس جد ادويتها شي خيالها واعرف ناس من اول شهر حملت عليها هي ام خالد الهاجري اعتقد انها تاجره خبيرة اعشاب بالمنتدى انا رفيجتي هي اللي طلبتلي منها وكانت الدوره بس تنزل يوم علي من بعد الله ثم ادويتها نزلت علي عدل ونزلت كل الوصخ القديم ونظفت رحمي وشدته***
9- من اول يوم دوره تبخري يابقشر البصل او شاي اخضر
10- اخذيلك بطل ماي وحطي فيه شوي عنزروت ومره ومحلب واهم شي وقت الدوره يكون هذا الماي اللي تشربينه واذا قدرتي بعد الدوره كملي عادي ماراح يضرك
11- خلي دعائك دائما اللهم اجعل همي الاخره ((من قال هذا الدعاء اتته الدنيا راغمه))
12- نامي انتي وزوجك على وضوء واذا تقلبتو وقعدتو على طول قولو هالدعاء((لا إله إلا الله وحده لا شريك له، له الملك وله الحمد، وهو على كل شيء قدير. سبحان الله، والحمد لله، ولا إله إلا الله، والله أكبر، ولا حول ولا قوة إلا بالله العلي العظيم،)) بعدها ادعي بالدعوه اللي تبينها راح يستجيب لها ربي ان شاء وهذا حديث عن الرسول تقدرين تشوفينه باليوتيوب اكتبي دعاء الارق وسمعي بنفسك
13- اذا في شغله تسوينها وانتي تدرين انها ماتجوز اتركيها لله قولي اللهم اني تركتها لك فعوضني عنها خيرا



احب اقولكم ان علاجنا هذا كان ماشاء الله خلال شهرين بعدها سوينا التحاليل والحمدالله النتيجه حلوه
وعلى فكره ترى زوجي للحين فيه دوالي وكان يراجع عند الحنيان وقاله انت حالتك صعبه ماراح تحمل زوجتك الا بعمليه والحمدالله بخلال شهرين زوجي تحليله صار احسن من الطبيعي الله يتمم عليه يارب
وهذا كل اللي عندي والله يرزق كل اللي متأخرات بالحمل بالذريه الصالحه اللهم ارزق الزين ومارغريتا هند رضاك ربي وام بشار وجميع خواتي بالذريه الصالحه المعافاة السليمه الله يفرح قلبكم ان شاء الله

 

[ام بشار]

جزاج الله خير

 

[&هند&]

جزاج الله خير ،،،،