اللي سافرت مع أطفال تتفضل

[frketa1]

السلااام عليكم بنات أبي أسألكم منو سافرت مع أطفال صغار؟؟ عندي توأم عمرهم سنتين اثنينهم بامبرز وممية للحين شلون أقدر أساافر معاهم؟ ولا مرة سفرتهم وودي أسااافر مليييييت من الحر صارلي 3 سنين مو مساافرة وماقدر أخليهم بالكويت تكفووون بنات علموني شنو سويتو بالسفر مع الأطفال ووين رحتو لأني مادري وين المكان اللي اقدر اسافر فيه مع أطفال ويكون أمان وراحة لي ولهم وأهم شي جو بااارد بنحاش من الحر القاااتل عندنا وشنو آخذ لهم حليبهم والعابهم وبامبرز من الكويت وممياات والعربانة شلون تنشحن مع الجناط وشلون بالمطار؟؟ ماااعرف تكفون فيدوووني

 

[ShoOog el3YoOoN]

انا نفسج يالييت يفيدونا البنااات


اب
اب
اب

 

[منايا84]

والله اتا عندي توام والوضع جدا طبيعي اسافر اصلا ماراح تستانسون الا مع عيالكم

واذا على التعب طبعا موجود بس لازم في احد مساعد واللة بخليي العربانات

 

[كثيريه وافتخر]

مادري بس احس مو كل مكان يصلح للجهال ؟؟



يعني اذا بتروحون فلم او مسرحيه ؟؟



شنو وضعهم ؟؟

 

[سلايل*عبس]

سافرت مع بنتي العام

وبسافر مع بناتي الثنتين الله يخلهم لي هالسنه

عادي والعربانه تاخذينها معاج وقبل لاتركبين الطياره ياخذونها يحطونها بالطياره من تحت مو بالوزن وبعدين تحصلينها على السير

سالفة سينما والا جذي صح انا توهقت لان بنتي ثلجت جو السينما كان موت بارد بالنسبه للحفاضات بالعكس احسلج عن اللويه لوووول بالنسبه

للمه مو شرط عمرهم سنتين يعني ياكلون عادي وهم الممه احتياط اذا طلعتوا اخذيها

انا اخذ معاي خدامتي بالامانه اقولج ترا مااااااااااااااااااااتحملين لويتهم وبعدين نصيحه عوديهم من الحين عشان ماتحتاسين فيهم اذا كبروا يلعوزونج لانه مومتعودين

وتروحين وتردين بالسلامه

بالنسبه وين تروحين جربي دول اسيويه وجذي حاليا لمن تشوفين نفسج معاهم >>> جيش مو اطفال لووول الله يخليهم لج ويعيني على بناتي

 

[tmtmt]

رحت مع بنتي ماليزيا
كان عمرها ١١ شهر كملت السنه هناك
الوضع كان ممتاز الحمدالله

العربانه اول ما توصلين عند الطياره ياخذونها منج عادي
امي وخالتي كانوا معاي ساعدوني يزاهم الله خير
بس حتى بروحي ما احس راح احتاس

وممياتها خذيتهوم ملوت الكويت وديتهم معاي

حرام اخذيهوم خل يستانسون اسم الله عليهم يفهمون بهالعمر حق الوناسه

 

[فطومه الحلوة]

لو تسافرين مع قروب يكون اريح وايد عللاقل في احد معاج ما تحتاسين بروحج و روحي دوله بارده عشان لا يتعبون

 

[دلع حياتي]

ان اشوف عادي اهم شي خذي معاك دواء السخونه والتحاميل ومرهم لسعات ودواء الزكام وان توي رديت من السفر والحمد الله بس اخذت شغالتي معايا واذا على الحر رحت ورجعت للحر

 

[أم@الحلوين]

الوضع عادي انا سافرت مع عيالي توأم اول سفره رحت ماليزيا كانوا توهم مكملين سنتين كنت وايد احاتي بس لمن جربت لقيت الامر سهالات والله صج راح تحسين بشوي تعب بس اسمهم تحت عينج وناستج من وناستهم اول شي العربانه اللي ورا بعض صايره اريح لهم من اللي يم بعض وخليها قبل لا تدخلين الطياره تعطينهم اياها ..والمميات والبامبرز والله يحفضهم سنتين يعني عادي ياكلون نفس اكلج ماتحاتينهم واخذي لهم دانيت وعصاير وبسكوت وغيره واخذي لهم الادويه الضروريه مثل خافض الحراره ودوا الكحه والحساسيه وغيره من الادويه اللي راح تحتاجينها
روحي مع قروب اشرايج؟؟

 

[frketa1]

فدتوووني واااايد بنات وشجعتوني الله يجزيكم كل خير بس انا ما راح آخذ خادمة بروح مع زوجي وعيالي بس وزووجي ما يحب القروبات يبي بروحنا.. انزين أغلبكم اقترحتو ماليزيا مو وايد عليهم 7 ساعات بالطيارة شسوون عيالي ملولين شلون أشغلهم بالطيارة؟؟؟ أخاف يتمللون ويصيحون

 

[أم سلوم الحلو]

عادي حبيبتي انا سافرت مع ولدي عمره سنه ونص وبنتي عمرها شهرين
كنت توني طالعه من الاربعين
انا رحت دبي بس بالشتا خذيت حليبهم وبامبرزهم وادويتهم
ونقصني حليب ولقيته عندهم
حطي لج جنطه حق الطياره فيها حليب واكل وماي وملابس
واخذي لهم كتب تلوين تلهيهم والطياره فيها شاشات راح يلهون
وراح تلقين الطياره متروسه يهال واصغر من عيالج الله يحفظهم

 

[منوووور]

انا بنتي عمرها 8 شهورمحتاره اخذها معاي ولا لأ؟!
مايطاوعني قلبي اخليها وخايفه اخذها يتغير عليها الجو وتمرض!!

 

[مسك81]

الله يسهل امورج عادي حبوبه اخذيهم واستانسي واكيد ريلج بيساعدج واهم شي اخذيلهم ادول لازم انا الادول حق كل سفره مع مقياس الحراره لان تدرين تغير الجو وانشاءالله ماتحتاجينه

 

[أم شواقه]

انا ناويه ان شاء الله انساااافر هالسنه دوله بااارده

كل من يقولي روحي بروووحج ما ارضى ابي بناتي وياااي صج بتعب بس يكفي اهما معاي تحت عيني

والعربانه عادي تنشحن مع الاغراض ،،، وباخذ بعض الشغلات الي بنتي اتحب تاكلها البسيطه ،، ومعاي جنطه بالطيارة ،،، واذا بتروحين دوله بااارده لا تنسين اتحطين جاكيت لعيالج لنا تنزلون من الطيارة ولااازم تتأكدين من جو الديرة الي بتروحيلها ،،، ولا تنسين الادويه المهمه

 

[مليانة حب]

انا خذيت بنتي 4 سنوات ولدي 2 لماليزيا بعد تفكيييييييير عميق اني اخلي الولد بس ما قدرت احس ماراح استانس وقلت لزوجي انا باخذ ولدي قالي بيجننج انا مالي شغل قلت اوكي...وقبل لأركب الطيارة واانا خايفه من عيالي شسوي فيهم عاد انا عيالي شيااااااااااطين...بس والله العظيم ليومج هذا وانا مصدومه منهم لأن ربي يسرها لي وناموا وما أقعدوا الا وحنا بماليزيا....ادري قرقت وااايد بس لأني حاسه فيج واهم شي العربانة تاخذينها....وان شالله تستانسين

 

[سنعه بس مظلومه]

والله عن تجربه سفر عيالج راحة نفسيه .... عفيه قلب انام ووليدي مو بحضني سافرت من 6 الى 10 مرات وعيالي وياي ومتعه ومتعه فوق ماتتصورين

 

[عذوب79]

مرحبا اختي نصيحه اشتري العبال ابو ميه كثري منها حجمها صغير

عطيهم بالطياره واي مكان تروحين له اخذي لعبتين بالجنطه بس توصلين المكان عطيهم الالعاب

تدرين ليش عشان يلتهون فيهم ولا يسوون ازعاج لج

واشتري بعد الوان ودفتر تلوين حيل بيلتهون فيهم ب ينفعونج من تجربه اتكلم

انا اسوي جذي الهينهم بالطياره الون معاهم

ايه نسيت واشتري كاكاو حبات صغيره اي نوع مثل اولكر عشان اذا سوو شي غلط اتساحلينهم بسرعه
؟

انا ام ومجربة عفست الجاهل
ترا بدون خدامه حيل صعبه حيل
نصيحه اخذي خدامتج

وتروحين وتردين بالسلامه يارب

يارب اكون فدتج :friends:

 

[الأماكن]

خداااامتج لااااازم معاااااج

نصيحة البنات ماقصروا بالنصايح

بس هم لاااااازم الخدامة ... تساعد

لان الرياااال بيقووول مالت عليج و على عيالج انا مالي شغل عيالج تووووهم صغار و يبي لهم مجابل

اما اذا كبار و خلصوا من الحفاضات و الممية مو لازم الخدامة

 

[عمشه المنتفشه]

الخدامه مهمه بس شلون عالغرفه ؟؟

انتي وريلج وعيالج بغرفه اوكي بس الخدامه حرام تدفعيلها تذكره وغرفه و و و يعني مكلفه


العام سافرت ماليزيا وخليت ولدي بو سنتين خفت يأذينا وريلي يهون يسافر معاي ويمل ويورح مع ربعه


بس صج ضاق خلقي لان ماليزيا حيل حيل حلوه لليهال

وهالسنه باذن الله بنروح ماليزيا عشان اخذه اونسه

وولدي الثاني بو 4 شهور بخليه عند امي لان الطياره متعبه طريج طويل وترانزيت قعدي كل شوي غيري حفاظه وسوي حليب

وولدي الكبير يغااااااااااااار حيل حيل كل دقيقه كافخ اخوه وتعبان نفسيا باخذه اغيرله جو وعشان يحس انه اهم من اخوه

اذا بو اشهر مايفهم مايبي غير فراشه وحليبه بس اذا اكبر اخذيه يحس ويفهم

بو اشهر يطفرج وحتى ريلج بيمل بيقول ا نثبري انتي وعيالج بالكويت وانا بسافر مع ربعي صراحه ماينلام

انصحج بماليزيا راح يستانسون كله العاب مائيه وحيوانات والعاب وكلللشي يونسهم

بمذركير يبيعون مروحه صغيره تنحط عالعربات تصلح للي بتسافر مكان حار

 

[frketa1]

شكرا بنات نصايحكم روووووعة ما قصرتووو بس للحين ما قررنا وانشالله جارية النقاشات بس مستحييييييل اخذ خدامة انا لايعة جبدي منها مجابلتني بالشقة بفتك منها بخليها عند اهلي بستانس بحس ان احنا أسرة محد مجابلنا حتى لو تعب ولا شرايكم؟؟؟