اللي سافرت ميونخ و زلمسي تدش ضروري ..................................................

[cat^q8]

السلاااااااااام عليكم ورحمة اللللله


يابنات بليييييز ابي منكم خدمة ، وعسى الله يسخر لها ريلها و يحفظ لها عيالها اللي تجاوبني :tek:

اللي راحت ميونخ وطلعت زلمسي تجاوبني على هالأسئلة :

انا ناوية اروح ميونخ أتسوق وبعدين زلمسي نتسيح ...

شنو الأسواق اللي اروحلها بألمانيا ؟

وشنو الفنادق اللي يم السوق ؟
----

وبعدين
شلون اروح النمسا ؟ بالقطار ولا بالسيارة ؟ وبجم التذكرة اذا كان قطار ؟ وشطول المدة ؟

وشنو الفنادق الحلوة اللي عندهم وقريبة من الأماكن السياحية ؟

وشنو الأماكن الحلوة السياحية اللي نروح لها في النمسا ؟ ابي اساميهم و مناطقهم ؟؟ مابي متاحف و

اشياء تاريخية ، ابي اشياء وناسات و تلفريك وجذي سوالف ..

وشنو أفضل نسجل مع قروب ولا نروح بروحنا انا وريلي ؟

واذا بنروح رحلات في النمسا وفي مناطق مختلفة طبعا مو كل الأماكن بمنطقة وحده صح

، تطول الرحلة يوم ويومين ولا نروح الصبح و نرجع فندقنا بليل ؟

وسلامتكم


بلييييز اللي تعرف لا تبخل علي انا مسافرة انشالله شهر 8 وسفرتي 10 ايام بس .

والله كل وحده تنفعني بمشي وأدعيلها هناك
:tek:

 

[اميرة الغيد]

عزيزتي cat اسئلتج وايد بس بحاول اجاوب عليهم
انا رحت الصيف اللي فات اول زلمسي بعدين ميونخ طبعا لازم بالقطار او بالطيارة يعني بالقطار على ما اذكر 3 ساعات بس تاخذين القطار الاوروبي ، بميونخ روحي للسنتر بالاندر جراوند شارع marien platz فيه محلات وايد واحلى مجمع فيه اسمه kaukof فيه ماركات تنزل قبل الكويت ومتفرع منه شارع maximillier هذا حق الماركات .المانيا اسواقها وايد واسعارها ارخص من النمسا يعني اذا بتروحين ميونخ اول حطي فبالج ماتشترين شي من زلمسي لان مافيها سوق يسوى. بالنسبه للفنادق لما تحجزين يقولون لج مكتب السفريات كم يبعد الفندق عن السوق،التنقل بين النمسا والمانيا بالقطار اسهل شي، بالتاكسي اغلى وممكن تروحين بالطيارة ،بس يمكن بالطياره ما يسوى لان المسافه بين النمسا والمانيا مو كبيره حيل.

 

[اميرة الغيد]

وبالنسبه للاماكن السياحية اللي بزلمسي تابعي موضوعي رحلتي الى زلمسي
ومو تنسين تدعين لي

 

[GaZoZiYa]

ميووونخ ماكو غير سوق معروف.. بس شكبرررررررررررره يبيله 10 ايام... لانه صج ضخم.. و عجيب حدة.. الفندق انا قعدت ب هلتون.. مو وايد بعيد بس كنا نروح السوق بالاندر قراوند..
من ميونخ لي زل ام سي رحنا في باص.. كان حدة وناسة،، صج الطريج طويل بس ما تحسين فيه لانه المناظر خيالية.. يعني تخيلي تمشين تشوفين سهول خضرا و بقر... لأ زمبيه حدج شيشتيني.
يلا تروحين و تردين بالسلامة

 

[cat^q8]

ياعمري مشكورييين وماقصرتوا :***

 

[enter]

بميونخ انا قعدت بالمرديان مقابل المحطة .. وروح السوق مشي..
اما النمسا احنا ناجر سيار ونروح مناطق ثانية..

 

[سمبوسة]

شوفي انا وايد كتبت بمواضيع ألمانيا والنمسا بس بعيد لج تستاهلين
ميونخ فندق الميرديان اختيارج الأول جبال محطة القطار والاندرقراوند اللي كل رحلاتج منها ومشي دقيقتين لما السوق اللي هو منطقة المارين بلاتز والكارتز بلاتز
و تحتج المطاعم التركية ما تسكر لما نص الليل
روحي رحلاتج بالقطار خصوصا قارمش مدتها ساعة ونص بالقطار من ميونخ تمشي فيها واخذي الباص وروحي منها بحيرة ايبسي ربع ساعة الطريج روعة والمناظر خيالية, وعندج ليقو لاند اذا تحبين هالسوالف , فيه مجمع اسمه ريم ما أدري شنو بالاندرقراوند تروحون له وفيه مجمع اولمبك زينترم بالحديقة الأولمبية والمارين بلاتز كافي كبيييير ويا دوب تغطينه وشارع ماكسيميليان ماركات

من ميونخ روحي رحلة انسبروك (النمسا) فيها مصنع شواروفيسكي حلو ووناسة يمكن ساعتين بالقطار يعني تردين نفس اليوم

انا أنصحج تروحين سالزبورج بالنمسا مدتها ساعة ونص بالقطار عن ميونخ كم يوم أو تقدرين تروحين وتردين ميونخ نفس اليوم واذا ريلج يعرف يسوق برة بعد أحسن وأحسن سالزبورج مدينة وفيها سوق عادي بس فيها منجم الملح و كهف الجليد وحديقة نوافير ومن هالمدينة تطلعون رحلات لمنطقة البحيرات كل يوم بحيرة وتردون سالزبورج نفس اليوم ,عندج بحيرة موند سي وبحيرة وولف قانق وفوشيل وجيلجيل أعتقد اسمها جذي هذي فيها تيلفريك

عقب من سالزبيرج روحو زلامسي ساعتين أو أقل بالقطار الأسعار مو وايد غالية يمكن ثلاثين دينار الشخص أو أقل أو اذا ما تبين سالزبيرج ,من ميونخ لما زلامسي الرحلة 3 ساعات تقريبا بس تغيرين محطة في سالزبيرج وانت كيفج

زلامسي ما كو سوق وأحسن فندق قراند هوتيل مباشر على البحيرة وبنص القرية, رحلاتها الزحلاقية الصيفية وناااسة ورحلة الثلج تروحين له بالتليفريك ورحلة الشلالات ,وفيه حديقة حيوانات وسوالف بس ما تصلح لكم تبي يهال

من زلمسي لما فيينا أربع ساعات بالقطار دايركت

فيينا عندج فندق الميرديان زين وتروحين السوق مشي يعني بو خمس دقايق السوق في شارع كارتنر وساحة ستيفنز وفيه سوق بشارع ماريا هيلفر بالاندرقراوند ومجمع بره فيينا بالاندرقراوند اسمه سود

تقدرين تعكسين الرحلة كيفج

ادعيلي الله يبعد عنا عيال الحرام ويوفقنا ويرزقنا اللي في بالنا يااارب