اللي ساكنين عند الحموله افيدوني .. الله يجزاكم خسر

[sweet-kamelia]

بنات حابه تفيدوني بخصوص النزله تحت عند حمواتج وام زووجج
انا ام زوجي مرا كبيره وبس خواته ثنتين ووحده الله يوفقها وبتزوج والثاتيه تدرس بالجامعه للحين .. وحريم اخوانه ثلاث اللي سمعته انهم ماينزلون تحت واغلبية وقتهم عند امهم اهما خوات
المهم بسالكم بداية الزواج متى انزل وكم مره .. انتم دايمن تنزلوون تحت بالاحرى يومياً تنزلون .. ولمن كنتم عرايس اشكثر تنزلون .. بليز فيدوني بهالخصوص

 

[فجورة الشطورة]

حيبتي اذاكنتي عروس لازم تنزلين بس موقبل اذان المغرب وعادي لوكل يوم بس دام انج عروس طبعا ماتاخرين اكثر من العشر تحت

 

[FeShinGoOo]

لا حبيبتي ليش تنزلين كل يوم وانتي ليلحين ماتعرفين نظامهم
انا اقول خلج ثقيله وحطيلج حدود لاتطيحين الميانه وتطيحين حظ روحج في بنات علبو انها تبي تكسب حمولتها اتطيح حظ روحها بالنزله والقرقه والسوالف والظحك والهدايا اشدعوه اشدعوه .. زوريهم يومين بالاسبوع كافي واذا حسيتي انهم يبونج تنزلين كل يوم وهالشي يناسب ظروفج ساعتها نزلي وقت ماتحبين عطي روحج فرصه تتعودين عليهم وتعرفينهم عدل وتتأقلمين عليهم وعلى شخصيتهم ..
تقدرين تخخصينلج يومين الاسبوع تكون الزياره رسميه
ولما تردين من مشوار انتي وزوجج هم تقدرون تدشون تقعدون نص ساعه او ساعه على حسب الوضع
واذا دقو عليج يسئلون عنج بالايام العاديه ويبونج تنزلين نزلي
بس اولشي لازم تجسين النبض اهم يبونج تنزلين على طول ولا هالشي يظايقهم ويحبون الخصوصيه ..

 

[!الجادل الصعب!]

كل بيت وله طريقته .. اول يومين طبعآ لاتنزلين ..
وثآلث يوم نزلي شوي وصعدي ..
وبعدها اذا متفرغه نزلي وعآدي الدنيآ حلوه ..
عجبج الوضع بسطي .. مآعجبج شيلي شلايلج وعلى شقتج


موفقه يآرب

 

[دلوعة صلوح]

اب
اب
اب

 

[قلبي القرآن]

والله أنا اقول دامج عروس وماتعودو على طبعج
لاتعودينهم على النزلة كل يوم سواء كانو حليوين او لا
خلج رسميه بعلاقتج معاهم

 

[$$king moon$$]

انا اشوف عادي نزلي حق خالتج دامها كبيره وحليوه
بدون رسميات عادي متى ماتنزلين لاتشيلين هم

 

[Gifts&Occaions]

نزليلهم بس لاتطولين

 

[وين حبيبي]

نزلي وسعي صدرج اعجبتك القعدة قعدي ماعجبوج روحي فوق انا حسب مزاجي اذا ماعجبني الوضع رحت بيتي

 

[غرور الريم]

لا عاإاإادي نزلي بالعكس حلووه وحده تتاقلم مع حموولتها انا قبل انزل كل يووم عند ام زوجي واتقهوى معاإاه بالعكس راح يحبوونج
احسن من انج قاعده فوق بالشقتج برووحج

 

[كربون امها]

انا اقول سالي زوجج لان اهو ادرى بطبعهم اذا كان يبون ولا لا
وعادي نزلي لهم مجرد سلام وشويه وشويه تطيح الميانة انشالله:eh_s(7)::eh_s(7)::eh_s(7):

 

[مجبوس]

اب اب اب

 

[دهورتني يازين]

اب اب اب

 

[๓ίşś зśŏłả..!]

أي نزلي مافيها شي بالعكس اكيد بتستانس عليج خالتج
احنا نظامنا لازم ع الغدا نكون تحت ولما اكون تعبانه ماانزل
بس الحين مانزل وايد نفس قبل لهيت بالجامعه والامتحانات

 

[حرم_الغلا]

اب اب

 

[غرومه غنوجه]

انا اهل ريلي طلعووو عيونني وروحي وشلعو قلبي وكرهوني بالزواج وعفسو حياتي وقلبوها فوق حدر
لاتعطينهم ويه ودلعينهم وتكبرين راسهم عشان لا يتمادون عليج

واذا تبين رايي سكني بروحج دام عنده خوات عشان لا بالدخله وطلعه شوف مرتك شسوت وشحطت وشيبت لها
وشقالت وحتى لو ماكو شي بس بتكون في غيره

جاريهم بس بثقل وتكانه ولاتعطينهم مجال يطاولون

 

[فله]

لا حبيبتي ليش تنزلين كل يوم وانتي ليلحين ماتعرفين نظامهم
انا اقول خلج ثقيله وحطيلج حدود لاتطيحين الميانه وتطيحين حظ روحج في بنات علبو انها تبي تكسب حمولتها اتطيح حظ روحها بالنزله والقرقه والسوالف والظحك والهدايا اشدعوه اشدعوه .. زوريهم يومين بالاسبوع كافي واذا حسيتي انهم يبونج تنزلين كل يوم وهالشي يناسب ظروفج ساعتها نزلي وقت ماتحبين عطي روحج فرصه تتعودين عليهم وتعرفينهم عدل وتتأقلمين عليهم وعلى شخصيتهم ..
تقدرين تخخصينلج يومين الاسبوع تكون الزياره رسميه
ولما تردين من مشوار انتي وزوجج هم تقدرون تدشون تقعدون نص ساعه او ساعه على حسب الوضع
واذا دقو عليج يسئلون عنج بالايام العاديه ويبونج تنزلين نزلي
بس اولشي لازم تجسين النبض اهم يبونج تنزلين على طول ولا هالشي يظايقهم ويحبون الخصوصيه ..

صح لسانج
نصيحه أخت اسمعي كلامها ترى التلزق الدايم يقلل قدرج والقطاعه مو زينه خليج خفيفة ووجبي بالمناسبات ولاتدخلين بخصوصياتهم

 

[بيبي 2002]

انصج يوم وترك وخليج شقرديه مره سوي حلو ومره عصير سبيشيل وهالحركات وطلعي خالتج اي مكان مع زوجج وكوني قريب منها اليوم اللي ماتنزلين دقي وقوليلها يمه تراها حلوه منج خليج غير عن الكل

 

[زين ودلال]

نزلي بس لاتعودينهم انج كل يوم تنزلين خوفج لا صار مالج خلق النزله قالوا وينها ليش ماتنزل وليش وليش

فا انتي خلي نزلاتج قليله اريح لج

والله يوفقج يارب ويسخرلهم اج ان شاء الله

 

[ام زهقانه]

اذا انتي عروس. انزلي كل يوم او يوم وترك توج عروس
بعدين يصير خير