اللي سوت تكميم بمستشفى الجهرا ،، ترد علي الله يوفقها ويتمم عليها عمليتها

[أحلى الحور]

السلام عليكم ورحمة الله وبركاته

حبيباتي اللي مسويه بمستشفى الجهرا تكميم

ابي شلون طريقة المراجعة ابدأ من وين؟

يعني مثلا لازم اروح المستوصف اخذ تحويل ولا اروح دايركت المستشفى

ابي تكتبلي طريقة مراجعتهم من الالف الى الياء وربي بدعيلها من كل قلبي والله وبصلاتي

ومنو احسن دكتور؟؟

وجم كلفت ؟؟


بس اهم شي طريقة المراجعة لان وايد بنات يبون يستفيدون؟

ومشكووووووووووووورين امانه ردوا علي او ارفعوا الموضوع
محتاجه الرد وربي​

 

[لولو ليلاس]

اذا في امراض جانبية مثل الضغط والسكر تاخذين الصبح تحويل للجراحة من المستوصف ويوم تحطين الموعد حددي عمليات السمنة
ولا طلبي تحويل من طبيب السكر والضغط سيدة يحول..

احسن دكتور ابراهيم العنزي حده حبوب ويساعد ونفسة حلوه ..
تكلف من800 الى1200 سعر الادوات
وهذا كلام اكيد من الدكتور العنزي..

بس شوي الوقت يطول للعملية لان عندهم مواعيد واايد
بس ساعات سبحان الله سهاله يحط موعد قريب..​

 

[أحلى الحور]

بس انا الحمد لله مافيني سكر ولا ضغط شلوووون؟

هم اخذ تحويل من المستوصف شقول للدكتور مال المستوصف بالضبط؟؟

ومشكورة على ردج لا هنتي يالغلا

 

[لولو ليلاس]

روحي الصبح وقولي لدكتور ابي تحويل للمستشفى عيادة الجراحة ..


اذاعندك تويتر ادلج حساب الدكتور ابراهيم العنزي يجاوب اكثر

 

[لولو ليلاس]

الجراحة الاحد والخميس

 

[أحلى الحور]

مشكوووووورة ما تقصرين جزاج الله خير ودعيتلج وربي من كل قلبي

الله يوفقج يا رب


انتي مسويه عنده؟؟

 

[لولو ليلاس]

كنت بسوي عند تسخرتلي الامور بالفروانية

ان شالله 5/5 اسويها

 

[أحلى الحور]

طرشتلج حساب التويتر مالي

 

[لولو ليلاس]

سويت لج فولو
حسابي كلة دكاترة سمنة كل اسأل فيهم لاني كنت حدي خايفة حتى الخاص رحت

بس سبحان الله بالاخر بالحكومة

بصراحة دكتور السكر حن علي علشان اسويها​

 

[أحلى الحور]

الله يوفقج وتتم عمليتج على خير يارب

 

[كلـــــي غنج]

انا سويتها عند دكتور عماد الابراهيم من سنة والحمدلله كل شي تمام

كلفتني الاغراض 1200

اما طريقة المراجعه مادري شلون لان انا اساسا كنت اراجع بالعسكري

لان كنت بسويها هناك .. وماحصل لي,,
خذيت تحالليل واوراقي ووديتها حق د. عماد وحطلي موعد لان كل شي جاهز

العسكري رحت عيادة السمنة من موعد مسبق وقلت لهم ابي عيادة الجراحة عشان التكميم

رحت موعدي مال الجراحة شافني الدكتور وسألني ليش
بتسوين العملية وشاف طولي ووزني

وعطاني مواعيد .. واحد منظار واحد سونار وواحد اشعة صدر وواحد اشعة بلع

وغير التحاليل ,, خلصت كل هالاشياء وماحصل لي موعد قريب بالعسكري

وديت اوراقي الجهرا وتسهلت الامور الحمدلله

لاني ااساسا من سكان الجهرا


موفقه واي سوال انا حاظرة , اذا طولت عليج دزي خاص ما اتواجد دايما

 

[توته الحـــلوة]

اب اب اب

 

[أحلى الحور]

مشكوووورين بنات الله يجزاكم خير ما قصرتوا
الحمد لله رحت المستوصف وطلبت تحويل واخذت موعد للجراحه يوم الاثنين الحمد لله

ادعولي بنات تكفووووووون

 

[HOT^CHOCOLAT]

احلي حور مبروك بقلبي لاتحاتبن ةلاتخافين وايد مسوينها بنت عمت زوجي سوتها عند دكتور ماجد بالجهرا وانا بعد راح اسويها لانه كل معارفها ورفيجاتها عنده والله بسهلي ومواعيدههم موبعيده أنا كل شي ب ٥ شهور وبنت عمت زوجي بشهرين بس الحين الناس عرفته صار مزحوم ومواعيدهم ماتاخذ اقل من سنه وتكلفتها ماتتعدي 1200 والله يسهل أمورنا يارب وبس اسويها بكتب تجربتي كامله لعيونكم 

 

[كلـــــي غنج]

الله يكتب لج الصالح

موفقه :*

 

[HOT^CHOCOLAT]

اجمعين يارب كلي غنج

 

[أحلى الحور]

اجمعين يارب

سويت تحليل وسونار وباجيلي موعد المنظار

وان شاء الله يكتب اللي فيه خير

مشكورين بنات ما قصرتوا

 

[لولو ليلاس]

ربي يسهل كل امورك يا رب

وسهلات لا تحاتين

والمنظار حدة سهل

ننتظر اخبارك​

​

 

[أحلى الحور]

لولو انتي مابقى شي على عمليتج

شلون نفسيتج انا حدي متوتره وخايفه

 

[لولو ليلاس]

هلا وغلا
تأجلت العملية وعطاني دخول ٥/١٤
لان السكر والضغط مرتفع واايد
الحين ماشيه على نظام مكثف مع طبيب السكر زاد جرعات الدوا
حتى الاكل ما اقدر اكل والحمد الله صارلي اسبوع نزل شوي
وكل اسبوع اروح اتابع مع دكتور السكر بالمستشفى الي يوم العملية
وكل يوم اقيس سكر وضغط وقال السكر عادي بيحطني على مضخه الانسلين بس الضغط لازم يكون طبيعي
بس والله حدي متحمسه للعمليه
وكنت متوقعه هالشي لان الدكتور قال بتتعبين قبل وبعد العملية بسبب السكر والضغط
بس الحمدالله وان شاء الله تتسعل اموري وامورك

سلامي