اللي سوت فيزا حق امريكا تساعني ؟

[eman84]

مرحبااا

بنات مقابلتي يوم الاثنين بالسفارة الامركية و ابي احد يقوللي شنو لازم اودي وياي ؟؟ بالضبط و شنو نوع الاسئلة
اللي يسئلونها ؟ وجم طولت الفيزا ؟بالسايت مالهم لوووويه


بلييييييييييز

 

[carrot^cake]

سويتها الخميس واستلمت الجواز الاحد
ودي البطاقة والجواز طبعا والابلكيشنوصورتج 5 بخمسه جنه
والورقة الي مكتوب فيها انه بهاليوم الفلاني موعدج
وخلي تلفونج بالسيارة لانه ماراح يدخلونج اذا معاج
والاسئله على حسب
انا سألني ليش كنت رايحه سعودية
وليش بروح امريكا ومع منو وشكثر بقعد
بس روحي مبجر بكل الحالات
لانه يكتبون انه موعدج مثلا 9 بس مو شرط
لما تدشين يكون على ترتيب الجوازات
انا كنت عندهم 7 ونص و طلعت 12 ونص منهم
كان بالصيف

 

[eman84]

تسلمين يالغالية ,, الفيزا حق جم سنه ؟

 

[carrot^cake]

10 سنين
والفلوس لازم من بنك برقان تاخذين منهم جيك

 

[DivaQ8]

انا اذكر مقابلتي كانت يوم الاربعا و الفيزا طلعت يوم الاثنين يعني طولت عشان الويك اند
بس ما سئلوني ليش مسافره الدوله الفلانيه بس راح يسئلونج ليش بتروحين امريكا, يسالج اذا تشتغلين ولا تدرسين واذا تشتغلين وين
والله الي سوا معاي المقابله حدا يونس يسولف و يتغشمر
بس يتراوالي لازم تكونين حاجزه بفندق لان لازم تكتبين مكان اقامتج و شكثر بتقعدين
الفيزا مدتها 10 سنين
يستحسن تخلين كل اغراضج بالسياره لانهم وايد متشددين بسالفت التفتيش

 

[eman84]

اي اوكي ماقصرتوو بنات )

 

[malekatsabaa]

احنا عطونا الفيزا مدتها خمس سنين؟؟؟؟
ومثل ما قال البنات..اسئله دقيقه ..
بس سهالات لا تحاتين

 

[اشراقة الحياة]

ترى ناس ناس الفيزا .....
انا الي من اهلي عطوها وعطو عيالها ..... بس حق ريلها وقوفها عاد اهو دارس بامريكا 7 سنين وروح دايم امريكا دورات ....
بس سوها سالفه علشان انا جذي ناويه انشالله اطلعها مبجر

 

[q8eya]

السلام عليكم خواتي

بس حبيت أسأل يعني شنو الفيزا مدتها 10 سنين؟ يعني عادي تاريخ العودة مفتوح حسب الاقامة هناك؟؟؟ يعني ممكن أكثر من 3 شهور؟؟

وشكرا لتجاوبكم

 

[اشراقة الحياة]

السلام عليكم خواتي

بس حبيت أسأل يعني شنو الفيزا مدتها 10 سنين؟ يعني عادي تاريخ العودة مفتوح حسب الاقامة هناك؟؟؟ يعني ممكن أكثر من 3 شهور؟؟

وشكرا لتجاوبكم

اي اكيد لان فيزا مالتهم مفتوحة 10 سنين .....
مو محدوده الاقامه.......:eh_s(8)::eh_s(8):

 

[q8eya]

اي اكيد لان فيزا مالتهم مفتوحة 10 سنين .....
مو محدوده الاقامه.......:eh_s(8)::eh_s(8):

شكرا اختي أشراقة حياة يعني عادي اخذ تذكرة one way ؟ ولما افكر ارجع حزتها احجز عودة؟

 

[اشراقة الحياة]

اي انا خالتي راحت مع يدتي علاج خذوا oneway ............ اقعدوا 6 شهور

 

[q8eya]

اي انا خالتي راحت مع يدتي علاج خذوا oneway ............ اقعدوا 6 شهور

شكرا حبيبتي لسرعة ردودج

جزاج الله خير والله يوفقج

:tek:

 

[اشراقة الحياة]

العفو حبيتي اشتعوه ما سويت شي

 

[تووتة]

انزين والفيزا حق مرة وحده تدشين فيها امريكا بهالعشر سنين ولا لج الحريه انج تدشين وتطلعين على راحتج؟؟

يعني مثل مالت بريطانيا مالتي ولا سنقل؟

 

[اشراقة الحياة]

10 سنين لج الحريه ...... هذا الحلو فيها ..... احسن شي حق الي اسافرون امريكا كل سنه

 

[q8eya]

اختي اشراقة الحياة ممكن اعرف شنو طلباتهم حق الفيزا ؟ وجم ادفع وانا شفت وحدة قالت ان عطوها 5 سنوات ، شلون يعطوني 10 سنوات فيزا ؟

 

[اشراقة الحياة]

اختي اشراقة الحياة ممكن اعرف شنو طلباتهم حق الفيزا ؟ وجم ادفع وانا شفت وحدة قالت ان عطوها 5 سنوات ، شلون يعطوني 10 سنوات فيزا ؟

هلا حبيتي انا والله دخلت على موقعهم ...
حطيتلج الرابط مالهم تقدرين تاكديم منه.......

Embassy of the United States of America, Kuwait

http://kuwait.usembassy.gov/index.html

ايصال دفع رسوم الفيزا من أي فرع من فروع بنك برقان لكل جواز سفر وتكلفة 40 دك

انا الي عرفته ان موشرط يعطونج 10 سنين يمكن اقل لان عندهم وايد بنود

اذا بقيتي شي بعد امري ...... لان انا نفسج قاعده ايمع معلومات

 

[q8eya]

هلا حبيتي انا والله دخلت على موقعهم ...
حطيتلج الرابط مالهم تقدرين تاكديم منه.......

Embassy of the United States of America, Kuwait

http://kuwait.usembassy.gov/index.html

ايصال دفع رسوم الفيزا من أي فرع من فروع بنك برقان لكل جواز سفر وتكلفة 40 دك

انا الي عرفته ان موشرط يعطونج 10 سنين يمكن اقل لان عندهم وايد بنود

اذا بقيتي شي بعد امري ...... لان انا نفسج قاعده ايمع معلومات

مشكورة اختي ما قصرتي ، انا بعد قاعده ادور معلومات ،يعني دفع رسوم الفيزا مو داخل السفارة يكون؟؟:gathering:

 

[اشراقة الحياة]

لا حبيبتي مو داخل السفاره...... ايداع فالبنك.........
انشالله متى سفرتج ؟؟؟؟؟؟؟

انا باذن االله شهر 7