اللي سوت كيراتين تدش ؟؟

[ana almessa]

حبيباتي
انا شعري متوسط النعومه مع الأستشوار مثل شعر (لميس)
بس مشكلته لا غسلته ينفش قوه وهالشي متعبني وبنفس الوقت خايفه من الكيراتين لأن سمعت ان الكيراتين يسبب تساقط للشعر ومن ناحيه اخرى مابي شعري ناعم حيل (شعر فلبينيه) واللي اشوفه ان الكيراتين يخلي الشعر المجعد حرير
استفساري للي جربوا الكيراتين:
-سبب لك تساقط للشعر ؟
-هل اصبغ شعري ثم الكيراتين او العكس؟
-فيه كيراتين تكون نعومته متوسطه ؟
-انسى الأستشوار وراح يكون الشعر ثقيل شوي ماينفش؟:eh_s(16):
طولت عليكم باستفساري بليز تجاربكم بتفيدني وتفيد غيري:yaaaaaarb:

 

[العوبأأأ]

اممممم انا كنت ناويه اسويه بالبحرين لاااني شفته علي وحده يجنن

بس بيني وبينك خوووفوني لاانو شعري نفس نوعية شعرك بالاستشوار يطلع كانه ناعم من رربه
بس اذا تروشت ينفش شوي وقلت بسوي وبرتاح بس قالت لي صاحبة المشغل حررام هذا حق الي شعورهم مرره خشششنه
تقبلي مرورري ويشرفني اكوون اول وحده ترد​

 

[عذبة السجآيآ]

انا سويت ريلاكس بصالون لافينوس

صح شعري يتساقط بس انا من قبل يتساقط وحتى بعد الريلاكس تساقط بس تبين الصج راااااااااااحه من الاستشوار

واقعد من النوم بكل ثقه والعب بشري مثل ما ابي

والحين ان شاءالله بروح اعيد على الجذور لانه كل 6 شهور تقريبا اعيد على الجذور اذا طال الشعر

 

[منال2012]

انا بعد نفس نوعية شعوركم مترردة مثلج اخاف يطيح اخاف من اللي يقلون ريحة بس ناويه اسويه عند لافينوس او ثانب امدحووة ناسية اسمة كزامبنكا نسيت مدري مخربطة فيه هو٤٠٠ دينار
ابي اصلي مابي يخربون شعري
نبي ترتاح من استشوار انتي لتزوجتي بتسبحين كل شوي ماعندج وقت كل شوي استشوار اصلن بحترق شعر
السنافيه فديتج ليت تكتبين لنا تجربتج بالكامل بتفصيل

 

[baby qa6wa]

uppp

 

[am_kshaa]

مانصحج تسوينه لان مدام شعرج ناعم وتسوين كيراتين بدهن بسرعه
لو شعرج ناشف اقولج اى بس مدام متوسط النعومه حرام
لان حسبي حسابج كل يوم لازم تغسلين شعرج لان بكون حيل دهنى
اانا سويته مرتين بس اول مره كان روعه ثاني مره مع البلسم والماسك والكيراتين صار يدهن وايد
واذا بتسوينه خل يسون لج اخف نوع علشان مايدهن

 

[اسطوره الاغراء]

انا بعد ودي اسوي
وشعري مو ناعم تقريبا كيرلي وجاف شوي وفيه ردات وايد

اما انتي شعرك ناعم ماشاء الله احس مايحتاج تسوين له
الا اذا كنتي ع وشك زواج مع انه مو لازم تسوين دامه ناعم بيكون سهل عليج الاستشوار

اعطونا تجاربكم بنات خل نستفيد

 

[فرولااااا]

مااادري عن استفساراتج ي قلبي بس اللي اعرفه عن التساقط بس
ماااااايسبب تساقط رفيجتي مسويته

 

[miss_cool]

حبيبتي الكيراتين روعه انا مسويه مرتين والثالثه بالطريج لكن لاتسوين الا كيراتين لازيو لانه الوحيد الاصلي في الكويت ومافي ريحه ولايسبب تساقط

 

[&موناليزا&]

عزيزتي رفع لعيوووووووووونج

 

[shouq81]

انا جربت الكراتين روووعه بصالون مس ريجينا اللي بالشعب رقمهم 99092040

 

[moon-14]

للرفع
صراحه خاطري اسوي الكيراتين ترى بالعكس له فوااائد شكثر
بس لازم واحد محترف اللي يسويه ولازم يكون الاصلي واغلبية اللي فالسوق الحين كله تقليد

 

[m6eria zoOo'3a]

بناااااات يلااا اللي جربووو وووين سوو انا بعد بسوووي بس ابي مكاان مجررب

 

[منال2012]

مس كول. كراتين لايزو وين سويته عند منو وبجم

 

[ana almessa]

مشكورين وايد (لاخلا ولاعدم)
(انا من السعوديه مو من الكويت )
حبيباتي الكويتيات مشكورين على تفاعلكم بس ياليت لو فيه نوع خفيف تعطوني اسمه وماركته بالضبط لأني ناويه اسويه بالرياض ولو احد من الرياض يسمعنا يدلني على صالون حلو لان مافي بالي الاصالون (كان )لان سمعت انه حلوو كثير ومشهور بالكيراتين
بليز يا كويتيات اسم الكيراتين الخفيف وماركته شني

 

[منال2012]

اب اب
سبحان الله وبحمدة سبحان الله العظيم

 

[A9A9-Q8]

نبي نعرف لازيو اي صالون يسونه صح

 

[Engineer A]

اول شي سوي كيراتين بعدين صبغي شعرج ..

 

[**(فـيـلا دانـتـيـل)**]

انا بعد ولادتي
صبغت شعري
وسويت كيراتين

والله الحين ماقدر امشط شعري
مثل الليف
مع اني دايما احط بلسم


لدرجه اني صرت ابلل شعري
وماستخدم شامبو
علطول احط بلسم
وانطر شوي واغسل
لاني اذا استخدمت الشامبو مع البلسم
شعري مايتمشط !!

----------------------------
بس انا سويت كيراتين من قبل عند وحده صينيه

كان شعري روووووووعه ..
يمكن لان شعري ماكان مصبوغ!!

ويمكن لان الكيراتين كان اصلي!!
وهالمره ماكان اصلي..*

 

[قلبهـ 86]

بسوي كيراتين أن شاء الله