اللي سوت لولدها او بنتها عملية اللحميه وسحب ماي الاذن تتفضل

[دنيتي بنتي]

السلام عليكم
انا بنتي معاها التهابات بالإذن متكرره ولما وديتها لاستشاري انف واذن وحنجره
قالي فيها لحميه وماي خلف طبله الاذن لازم عمليه

منو سوت لولدها واو بنتها نفس هالعمليه ووين ؟؟؟
وبليز بنات هل عانى الطفل بعد العمليه ولما نطلع اتنفس عادي والا مسكرين خشمها بقطن
تكفون طمنوني احاتي بنتي عمرها سنه

 

[هبوشه]

حبيبتي لاتحاتين مافي شي انا بنتي عمرها سنه ونص سويتلها اللحميه بمستشفى زين اول يومين تتعب بعدين عادي مشالله تنام لاتختنق ولاشي ماكو الا العافيه

 

[دنيتي بنتي]

يعطيج العافيه على الرد ما قصرتي

بعد العمليه مسكرين خشمها بشاش والا لا عادي

 

[دنيتي بنتي]

بغيت اسألج مستشفى زين يستقبل الحالات عادي والا لازم تحويل

 

[in style]

انا سويتله لحميه بس عند دكتور عبدالله العلي سواها بالهادي و لا مايسكرون الجشم بشاش

 

[Q8tya_GirL]

انا سويت حق ولدي من شهر في مستشفي زين
عملية لحميه ولوز وسهاله بس اول يوم عسارة من البنج وعوار بسيط
ولا ما يحطون قطن
انا ولدى كان يختنق لما ينام وكله ما يقدر يتنفس والحين اسم الله عليه وايد ارتاح

 

[ام رتوووج]

وانا بنات تكفون ابي دكتور ثقة وشاطر عشان عملية بنتي عمرها 6 سنوات وخايفة عليها

 

[دنيتي بنتي]

اللي سوتها بخاص كم كلفت عليها
وشاكره لكم مروركم

 

[دنيتي بنتي]

بنات وين ردودكم

 

[ام هاني77]

هلا اختي أنا ولدي فيه الحميه كبيره انعالج بالخاص بالابره لمده 3 اشهر والحمدالله تعافي ولدي من اللحمية الدكتور استشاري الانف والحنجره طبعا من مستشفي جده الالماني وجاي للكويت اسم المستوصف الاستشاري بالجهرا واسم الدكتور ويخاف الله ويقرا القران ماشا الله وجراح بعد

 

[ام هاني77]

هلا اختي أنا ولدي من جبته لين كمل سنة عرفت ان للحمية من كان مولود وتعبت من العلاجات والحمد الله رحت لمستوصف الطبي الاستشاريً الا بالجهرا والحمدالله عندهً للحميهً كبيره حييلً تعالجً بالابرهً وراحت اللحميهً أستمرتً٣ اشهرًبس الدكتورًمحمد الدسوقي.هذا الرابط وانشأ الشفا لينتج http://www.cmc-kw.com/nose.htm. *

 

[هناااادي]

هلا اختي انا سويت لبنتي بمستشفى العدان
سحبو المااي وحطوا ابنبوبات للاذن تهويه حجمه قد الابره نتفه
ولاتخااافين بسرعه تنشااال باااذن الحي القيوم وبشرينا لاسويتها طمنينا

 

[غير كل الناس]

عادي بسيطه جدا

سويتها حق بنتي في مستشفي زين وهي مريضه سكر والحمدلله

 

[دمثة]

انا سويتها عند منذر العجمي سويتها لحميه وسحب ماي من الاذن و

 

[ام التاريخ]

سويتها حق بنتي في مستشفي الفراونية من شهرين عملية لوز والحمية سحبو المااي من الاذن والعملية سهله ربع ساعة
ولاتخاافين

 

[الوردة المكنونة]

انا سويت حق بنتي عند د محمد دماطي ممتاز لوز ولحميه وقالي الماي بعد العمليه يروح ما يحتاج سحب وفعلا راح وصارلها سنه من سوت العمليه تمام مافيها شي وما سكر خشمها بقطن ولا شي

 

[دنيتي بنتي]

يا بنات العمليه بنج كامل والا موضعي

 

[in style]

بنج عام و كلفت تقريبا ٢٥٠ بس ما سحبت ماي لكن الحين عقب العمليه صاله ماي اب اذونه

 

[كوووين]

مرحباا بنات انة سويتهاا عند المبدع خالد الصبيح ازالة اللحمية وسحب ماى من الاذن طبعاا اللحمية راح تحسين بفرق بالنوم اما الاذن لازم سنة تغريباا مايدخل الماى كلش بالاذن يعنى تحطين تيووب وتسبحينة وسلامتكم والله يشافى عيالناا وخليهم لناا

 

[الاميره ديما]

انزين انا بسالكم بنت اختي سوت عمليه لحميه وبعدين تغير صوتها صارت اشوي فيها مثل الخنه
ومرات عادي يصير صوتها هل عندكم فكره ؟؟؟عمرها 4سنوات