اللي سوت ليزر تتفضل

[ريـــــف]

صباح الخير


انا الحين اسوي ليزر عند الصايغ كلينك وامس كانت سابع جلسه وللحين الشعر ماراح :eh_s(14):

عاد قبل لا اسوي الدكتوره قنال كانت قايله لي 6 او 7 جلسات وتخلصين وللحين ماخلصت

بطوووو جبدي

ودي اغير العياده عرسي شهر 12 وخايفه اني ما اخلص
والشعر يطلع

الله يعافيكم اللي سوت ليزر حق وجها تقول وين سوته وجم جلسه سوت
والشعر رد يطلع ولا لا

:eh_s(8):

 

[كيوت_25]

السلام عليكم ورحمة الله وبركاته
انا سويت بطيبه كلينك و كير كلينك بس مو ويهي سويت نص ريلي وايدي كامله بس عموما انا سمعت ان الوجه يطول اكثر من الجسم وان الشعر الخفيف يالويه (الوبر) اذا حاشه الليزر يزيد ويصير اسود والله اعلم
الله يوفقج حبيبتي ومبروك مقدما :eh_s(6):

 

[كويتية أصيلة]

السلام عليكم

اختي انا صارلي سنتين اسوي ليزر بس تبين الصج الشعر ما راح بس خف وصار خفيف لكن ليلحين ما راح ولا اعتقد بيروح بس اريح شي انج مع الوقت بتلاحظين ان الشعر يطول وايد على ما يطلع يعني هم احسن من الخيط والشمع

تحياتي

 

[missq8_6]

اليوم كان عندي موعد عند عيادة الدكتور يوسف بوعباس المفروض اسوي الويه كامل بس لانه كان طالعلي خفيف بس سويت عند الشوارب والحيه وانا تقريبا 6 مرات مراجعه عندهم وماراح مرة وحده الشعر بس صار خفيف و مو بسرعه يطلع مع انه صديقتي من مرة وحده رااح الشعر وحتى تقولي من 3 سنين ولما الحين ما طلع لها يعني من وحده لي وحده يفرق واناااا اعتقد نوعيتي من اللي يخف ما يروح مرة وحده

 

[السكوت مشكلتى]

فى كثير من الناس تعتقد ان الليزرسحر من اول جلسه وخلاص يروح الشعر بس لازم تعرفون ان الليزر هو علاج ياخذ وقت ويختلف اثره بين شخص واخر مثل اي علاج اخر :eh_s(9):

 

[ريـــــف]

تسلموون فديتكم والله يبارك فيج كيوت

 

[كاكاوة سايحة]

أول شي على البركة و الله يتمم عليج و يوفقج...إذا مسوية ويهج راح يطول .. آنا الدكتورة قالت لي يمكن راح تحتاجين 13 جلسة على الأقل ... إذا الجسم يقولون 6 جلسات كافية.. آنا ألحين مسوية حق إيدي 4 جلسات ... ماراح الشعر بس خف عن اول وبعيد ما احس نفسي إني محتاجة إني أسوي ليزر إلا كل شهرين أو 3 أشهر.

 

[ريـــــف]

تسلمين ككاوه سايحه والله يبارك فيج

 

[نوارة الكويت]

انا سويت ليزر حق ريولي بكير كلينك والشعر خف وااااااااايد عن قبل بس سالفة ان ما يطلع الشعر مرة وحدة اعتقد صعبة شوي ويبيلها مدة وعدة جلسات

 

[كيوت_25]

نواره سويتي بكير كلينك اليزر الي معاه هوا بارد و لا الضوئي لان رحت لهم على اساس ليزر وتفاجأت انها بتسويلي بجهاز ثاني لما سألتها قالت هذا احسن لمنطقه الابط وجربته ((الضوئي)) وكان اوكي
وودي اسوي حق ريولي بس بعرف سولج باي واحد ريولج ؟!؟

 

[Filakawyia]

انا سويت حق ايدي و منطقة الشوارب بس

ايدي صارلها 4 جلسات و واااايد خف . . و ايدي اصلا كان فيها حساسيه من الشيره او الشمع او الماكينة او الموس . . جربت كللللللللللل شي هم اتحسس و تنترس نفر كلللللللها . . مع الليزر راح النفر كللللللللللله . . . و تقريبا صرت يعني كل 3 الى 4 اشهر اروح مرة (هم اتشيلينه مرات اقل من الشيرة و هم لما يطلع يطلع واااايد خفيف )

و الشوارب صارلي تقريبا سنة و لما الحين كل شهر و نص الى شهرين اروح مرة

و اللي سمعته و شفته من البنات اللي مسوين ليزر حق ويههم ان شعر الويه مايروح بسهوله لان كل ما صار الشعر اسمك صارت شيلته اسرع و شعر الويه خفييييييييف

و كل ينت تختلف لان هالشي يعتمد على الهرمونات فكل بنت غير

 

[Filakawyia]

اعرف وحده خذا معاها الليزر حق ويهها سنة و نص و راح كله

 

[Filakawyia]

و بعد نسيت اقول لكم شي

شعر الويه اذا شلتيه من صوب الرقبه و نازل (الى نهاية المكان اللي تشيله) يطلع شعر اسمك من اول

 

[Vampira]

انا سويت حق ايدي و منطقة الشوارب بس

ايدي صارلها 4 جلسات و واااايد خف . . و ايدي اصلا كان فيها حساسيه من الشيره او الشمع او الماكينة او الموس . . جربت كللللللللللل شي هم اتحسس و تنترس نفر كلللللللها . . مع الليزر راح النفر كللللللللللله . . . و تقريبا صرت يعني كل 3 الى 4 اشهر اروح مرة (هم اتشيلينه مرات اقل من الشيرة و هم لما يطلع يطلع واااايد خفيف )

و الشوارب صارلي تقريبا سنة و لما الحين كل شهر و نص الى شهرين اروح مرة

و اللي سمعته و شفته من البنات اللي مسوين ليزر حق ويههم ان شعر الويه مايروح بسهوله لان كل ما صار الشعر اسمك صارت شيلته اسرع و شعر الويه خفييييييييف

و كل ينت تختلف لان هالشي يعتمد على الهرمونات فكل بنت غير

حبوبة عند منو سويتي؟ بجم ؟

 

[Filakawyia]

سويت عند عيادة محمد المشاري في المركز الاستشاري الطبي

ايدي كلها مع الاندر ارم . . . 85 دينار
و منطقة الشوارب . . . 10 دنانير

و اللي اعرفه ان الويه . . . . 50 دينار

 

[كويتية أصيلة]

بس ترى كل مره تسوين الليزر يقل السعر

 

[Filakawyia]

اي قالولي في طيبة كلينك يقل السعر

بس عند المشاري لا . . السعر ثابت لما تخلصين

 

[بنت الحزن]

انا سويت حق ويهي الويه يخف بس ما يروح ... و سمعيها مني و الله اذا سويتي ليزر وايد خصوصا الويهيحترق انا قبل فتره احترق ويهي و صرت مشوه و الحمدلله اني ما اخذت علاج من الدكتور خليته يجف و يطيح الجروح ديري بالج وراج عرس

 

[Vampira]

سويت عند عيادة محمد المشاري في المركز الاستشاري الطبي

ايدي كلها مع الاندر ارم . . . 85 دينار
و منطقة الشوارب . . . 10 دنانير

و اللي اعرفه ان الويه . . . . 50 دينار

مشكورة حبيبتي

بس شلون اذا طلع الشعر تشيلينه بموس؟

 

[hada]

طيب بنات اذا بسوي ليزر للمنطقه الي حوالين الحواجب. من فوق الحواجب بالتحديد عندي شعر زايد يشيلونة ؟ لاني سمعت ان اللي قريب من العين مايشيلونة ؟