اللي سوت ليزر عند ياكو ابولو تفيدني

[سميتك وليفي]

حبايبي بنات باجر موعدي لليزر عند ياكو ابولو
بسوي الاندر ارم والبكيني والساق كامله

اللي جربت عندهم تفيدني
ولازم اكون شايله الشعر قبل لا اروح ولا لا
اول موعد لي باجر

ابي تجاربكم مع هالعياده حدي خوافه وبالغصب حجزت .طمنوني
وثانكس مقدما

 

[لولو الكويت 88]

حبيبتي انا عند ياكو ابولو وماجربت غيرهم كلش

من سنتين بديت معاهم اندر ارمز

والسنه اللي طافت بلش ويهي وايدي
وقبل جم شهر سويت ريلي


النتيجه : الاندر ارمز خف حيل بس مااختفى يعني كثر مااسوي بس يخف ، الحين صارلي شهرين ماسويت رد الشعر كثيف بس مو نفس اول جني مو مسويه لا بس هم الشعر كثيف واسود استغربت صراحه !!

الايد والريل ماوقفت لي الحين وتمام يعني صارلي اسبوعين من اخر جلسه وماكو الا جم شعره خفيفه

ويهي انصحج ماتسوين الا اذا شعرج كثيف لان تحسفت


بصراحه انا ماجربت اكثر من عياده عشان اقارن
بس من سالفة الاندر ارمز لما صارلي شهرين ماسويت ورد كل شي !!! قمت افكر يعني مو معقوله اظل كل شهر اسوي

يعني توقعت ان اسوي لما يختفي وبعدين اسوي كل ٣ اشهر مره جذي حطيت ببالي بس سالفة شهرين ويرد كثيف !

انا حاليا حاطه ببالي بوقف وقبل عرسي بثلاث اشهر اغير العياده واشوف



وعن اسعارهم حيل زينه
مو متاكده بالضبط لان كل جلسه يقل بنسبه معينه
بس تقريبا الجسم كله ٣٠٠ او ٣٥٠
انا مااخذ الجسم كامل لان ياخذ وقت
مثلا اذا سويت ايدي ونص الساق والاند ارمز يطلع حسابي حول ال١٠٠


و ترا مواعيدهم مو دقيقه وغصب يردون عالفوو
انا اشوف يوم فاضيه فيه اروح اخذ دور واقعد ساعه اطقطق بالفون وادخل ��



وهاذي تجربتي معاهم بس بالنسبه لجهاز الليزر نفسه مثل ماقلت مااقدر افيدج لان ماجربت غيره

 

[لولو الكويت 88]

اي صج نسيت
لاتشيلين شي


الدكتوره تشوف شعرج وتحدد درجة الليزر وبعدين السستر تشيله عندهم امواس

 

[M!SS.LOBY]

رفع للعيووونج

 

[قموووره]

العياده واااايد زينه ما سويت ايدي وريلي \الاندر ايرم سويت اربع جلسات تقدرين تقولين ان تقريبا الشعر اختفى يعني جم شعره 3 او 4 يمكن وخفيف حيل ما يبين
من جسم لي جسم يفرق في وحده تحتاج 4 غيرها يمكن 6
المهم ان العياده ما منها خوف وشغلهم زين وجسمج اهو الي يحدد جم جلسه تحتاجين
هذا والله الموفق​

 

[سميتك وليفي]

يزاااكم الله الف خير حبيباتي اللي ردو
طمنتوني الله يطمنكم لاخلاا ولاا عدم فديتكم :*

 

[قموووره]

موفقه حبيبتي​

 

[miss GG]

بجم الجلسه ؟ بنات فيدونا احم انا عروسه بعد دزولي ع الخاص بلييييييز

 

[{ غصن البآن }]

بنات انا مسويه عنده ماصارلي جم جلسه

اشوف انها وايد وايد زينه

امبيه كل الكويت هناك

انا عن نفسي ايي الصبح عشان ما تطول

لان العصر زحمممه ونطره تلوع الجبد

واذا فل بدي تقعد عليج 3 ساعات الى ساعتين ونص

والاسعار اذكر الفل بدي بس

اول حلسه ب 300 مع الخصم يصير 240

ثاني وثالث جلسه ينزل 212

الرابع 190 وجذي لين يثبت على 180

انتو شوفو شنو تحتاجون بجسمكم

انا اخذت اول جلستين فل بدي

واقولها لاتسوين ويهي ولا الاندرارم ولا البكيني وجذي

وعقب اختار الاماكن حسب احتياجي

 

[قطوووة]

الخصومات عندهم عاجبتني

انا مبلشه بكيني خلصت 5 جلسات
الاندر ارم
الايد كاملة
الارجل كاملة


عندهم خصم كل يوم من الساعه 7 لغاية 7:30 صباحا
15% من مجمل الفاتوره ..
طبعا كل جلسة يقل السعر عن الجلسة اللي قبلها

وفي خصم 10% من الساعه 7:30 ل 9 صباحا

 

[قطوووة]

وترى حيل مرتاحة بعد الليزر فرق معاي