اللي سوو سونار بالشهر الرابع يدخلووون تكفووون

[دره خليجيه]

مساء الخيير على الحوامل والرشيقات وربي يتمم عليكم وتشوفون عياالكم بصحه وسلامه

بنات انا عندي ولد وثلاث بنات واخر بنت طولت من الحمل بعدها ، والحين هي بالمدرسه


وقررت احمل
نفسي في اخووو لولدي ، وزوجي نفس الشي وعياالي ، ومن حملت وحنا طايرين وحتى سميناه
المهههم الحين لي 15 اسبوع وتقريبا بنهاية الرابع
ورحت اسوي سونااااار ، وصدمتني الدكتوووره يوم قاالت


احتمال بنت :eh_s(2):
بس طبعا ما طلبتها توريني شي ، اقتنعت بكلامها يمكن لأني كنت حاسه
وجاني اكتئاب شديد ومن يومها وانا ابكي
ما اقول الا الحمدالله على كل شي

بنات تتوقعون كلامها صح او فيه نسبة خطأ

سبق وسويت سونار ببنتي في الرابع وقالت ولد وبعدها بالسادس قالت بنت وجات بنت
انا قررت ما اكرر السونار واقتنع بكلامها لأني خلاص تعبت من السونار
كل ما حملت كانت امنيتي اسوي سونار ويبشروني بولد 100%100


وللعلم المستوصف عادي واصلا هو عيادة اسنان بس فتحوا قريب قسم حمل
واول مره اجرب هالدكتوره

واخر شي دعواتكم ربي يرزقني ويجعل مافي بطني ذكرا تام الخلقه

 

[اخت خالتهم]

روحي الهـادي أو السـلام و شوفـي السونار اتوقع بعشره او 15
و بعدين بنت و الا ولد كلـه خيـر و بركـه

.,

 

[om 7sony]

حبيبتي بنت ولا ولد مو مهم المهم الصحه والعافيه
وطلبي من ربج وان شاء الله يرزقج باللي تبين
بس حبيبتي مو زين تضيقين خلقج لانها بنت ..... هذي عطية ربج

 

[ام برروك]

طيب جربي روحي سوي سونار عند دكتوره ثانيه الله يرزقج بالولد الصالح اللي يفرح قلبج

 

[فـراوله]

أول شيء قولي الحمدالله سواء بنت ولا لا وديري بالج تضايقين ​

نفس سالفة سامعتها من فتره من درت انه للي فيها بنت تضايقت ​

والبنت ماتت بطنها وبعد ما نزلوا الجنين طلع ولد الدكتور كان غلطان ​

وكانت بالخامس ​

أنا سويت باول الرابع والدكتوره قالت احتمال ولد مو أكيد ​

وممكن السونار يغلط بالبنت والولد عااااادي ​

ادعي ربج انه يطلع ولد صالح أو بنت صالحه هذا أهم شيء

وأنا سويت عند أميره بهبهاني


​

 

[زين ودلال]

حبيبتي لا تقولين هالكلام !!!!

حتى لو مضايقه قولي الحمدالله على كل حاااااال..كل شي من ربي خيييره واكييييد هالشي من مصلحتج

والحمدالله انتي عندج ولد

وان شاء الله ربي يرزقج بالولد الصالح

 

[لوفيه]

لا تقولين جذي مايجوز

اهم شي تمام الخلق والخلقه والصحة والعافيه

قولي الحمدلله يعني شتسوين هذي كتبت الله سبحانه

ويمكن هذا اختبار وشكلج مانجحتي فيه لانج تضايقتي عالنعمه

 

[دره خليجيه]

الللهممم ارضني بما قسمته لي

ادعي ربي دائما يرضيني باللي كاتبه

اللي عور لي قلبي شماته الحريم اللي تقول طولت من الحمل ماتبي بنت واللي تتمناها لي وكلام كثير يضايقني

ويارب لاتؤاخذني

 

[المشيخه]

يبين مو بالسونار العادي يبين بسونار 3d

 

[FJ style]

استغفري ربج
ما يجوز هالتصرف
حمدي ربج عالصحه والعافيه

انا توني ولادة بنتي الرابعه وماعندي ولد
وليل نهار احمد ربي واشكره ع ورداتي الاربع

ديري بالج لا يبليج ربج بصحة اللي في بطنج وتندمين
عطية رب العالمين الف الحمدلله عليها

 

["GloRia"]

حبيبتي بنت ولا ولد الحمدلله رزق من الله

بس انتي نطري لي السادس وروحي الهادي او دار الشفاء سوي سونار علشان تتأكدين والله يرزقج بالي تتمنينه ...

 

[زين ودلال]

خل يولون الناس بالطقاااااااق خليهم اخر همج

وفكري لو سويتي كل شي ماراح ترضينهم

يا حلاااات البنات والله

ادعي ان الله يخليلج ولد ويحفظه لج مو لازم ولد ثاني كل شي ربي كاتبه فيه خير لج

واذا رزقج بالولد الف حمد وشكر واذا بنت هم الف حمد وشكر

 

[نحوله عسوله]

حبيبتي

بنت ولد كلهم نعمه من الله في ناااس ميتين ع ظفر ياهل وانتي تتضايقين عشاان قالوا لج احتمال بنت الله يهديج

والله البنات اشحلاتهم واهم اللي ينفعووون اهلهم لكبروا


استغفري ربج وارضي بمشيئه الله

 

[حنان1983]

حبيبتى انا عندي ثلاث بنات الله يحفظهم لى وما رزقنى ربي بولد وادرى كلام الناس واايد حتى اققرب الناس ممكن احيانا يفكرونى احسد صبيانهم وربي وحده الاعلم انى اموت على البنات وكنت من وانا صغيره ااقول ابى بس بنات صحيح انا اتمنى ولد صالح الحين ارضى زوجى فيه بس انا الحين حامل والله على قد ما اتمنى ولد بس ااقول اهم شى يكون البيبى كامل الصحه والعافيه هاذا اهم شى وفيه واايد حولينا يتمنون ظفر ياهل ليش ما نشوفهم ونحس فيهم واحنا نقول ولد وبنت حرام علينا
احمدي ربك وخلك على مراجعاتك العاديه على موعدج الياى غيرى دكتورتج واللى تقولج عليه تقبلى الامر واحمدي ربنا عليه وربى يرزقك ويرزقنى الولد الصالح فى حملات ياييه ان شاء الله ترا الاطفال نعمه كبيره والبنات رحمه من الله للوالدين شوفى انت احن على اهلج ولا خوانج الصبيان ؟؟؟؟
والله يتمم حمالج بالخير يا عمرى

 

[دره خليجيه]

ربي يسسسعدكم على ردوودكم الطيبه

طي ويش تقلون لي اككررر السونار ولا خلاص اعتمد كلام الدكتوره

 

[غند-777]

والله بنت وولد كلهم نعمه من رب العالمين غيرج يتمنى ظفر الياهل وانتي تقولين جذي قولي الحمدلله واهم شي ادعي ربج يكون الطفل كامل الخلق والخلقه وبس

 

[ديانا سبنسر]

اول شي قولي الحمدلله اهم شي يجي البيبي بصحة وعااافية
والناس بكل الاحوال راح يتكلمون حملتي ولدتي جبتي بنت جبتي ولد احسن شي عطيهم طااااااااااف
واخر شي الله يهون عليييج ويقومج بالسلامة

 

[سنفورهـ]

روحي حبيبتي المواساه السونار ب13 دينار يقولون لج اذا صج بنت ولا لا

 

[عذوووب الووورد]

كثري الاستغفار بنيه الدعاء بالولد الصاالح اهم شي وكثري صلاه قيام اليل ركعتين وادعى ربج هو القادر على كل شي سبحانه


ولاتضايقين البنات حبيبات وونيسات وقلوبهم على قلوب اهلهم .... مانقدر نلومج بس ربج قادر على كل شي ادعى وكثري استغفار

 

[ام ساره 4]

قولي الحمدلله عالصحه والعافيه والله باجر محد يشيلج غير البنات وراح تتمنين إن كله خلفتج بنات يا حلات البنات فديتهم أنا عندي أربع بنات ياحلوهم فديتهم والله ما شفت مثل حنيتهم وأنا الحين حامل وان كان بنت الحمدلله وان كان ولد هم الحمدلله أهم شي الصحه والعافيه وعليج بالدعاء والاستغفار والله يرزقج باللي تتمنينه