السلام عليكم
قبل لا ابدي بالكلام ابي اوضح انا لا قصدي اكرهكم بالحضانة ولا اشيشكم عليها بس بقول اللي شفته
من فترة قاعدة ادور حضانة لبنتي ومن حرصي عليها اروح داخل الحضانة وافتر مع السكرتيرة عشان اشوفهم اشلون يعاملون اليهال واهتمامهم فيهم
لقيت رقم حضانة ليلى اهني بالمنتدى ودقيت عليهم وخذيت العنوان وعلى طول رحت لهم وبصراحة من دخلت انقمت قلبي شكلها كئيبة ما فيها روح والسكرتيرة الله خيريالله تحجى وتمشيت معاها بالحضانة اليهال الكبار مجمعينهم بمكان واحد مساكين ورحنا غرفة الصغار واهني صارت المأساة الا اشوف وحدة من الخدم قاعدة على الكرسي وبحضنها ياهل وتهز بريلها ياهل ثاني بكرسي هزاز هز قوي خضت راس البنت خض بعد عمري
انا قاعدة اشوف هذي شتهز بهالقوة الا الياهل مسكينه يمكن سنتين او اقل بشوية مكودتها بكرسي حق بو ست شهر وتهزها هز اللهم يا يا كافي لا شعوري صرخت عليها شتسوين حرام عليج جان ترد الخدامة بكل برود (هذي بيبي مريضة تبي تنام انا يسوي ينام) قلت جذي تنام غيبت البنت مو حاسة بشي فرت راسها فر طول ما انا واقفة واكلمهم والله البنت ما تحركت جنها متخدرة على الكرسي
واللي يبط الجبد تقوللي كا هذي المشرفة موجودة واطالع الصوب الثاني الا صج قاعدة الابلة على الكرسي وخامرة يعني كل اللي يصير بعلمها حسبي الله عليهم ولا تكلمت ولا كلمة
ويعني بتكحلها السكرتيرة جان تعميها تقوللي لا تخافين ماكو شي انا طول الوقت عندهم ما طلعت الا لما ييتي اهني جان اعصب عليهم كلهم قلت حسبي الله عليكم ياليتي اعرف امها جان والله اوصل لها الخبر بهاللحظة
يعني كل شي يدام عينهم صاير وراضين هذا اذا مو هم اللي معلمين الخدامة اتسوي جذي
واتصدقون شنو ردت فعلي وقراري عقب اللي شفته خليت بنتي بالبيت واتابعهم بالتلفون بالساعة وايد احسن وابرك من الحضانات وبلاويهم
قبل لا ابدي بالكلام ابي اوضح انا لا قصدي اكرهكم بالحضانة ولا اشيشكم عليها بس بقول اللي شفته
من فترة قاعدة ادور حضانة لبنتي ومن حرصي عليها اروح داخل الحضانة وافتر مع السكرتيرة عشان اشوفهم اشلون يعاملون اليهال واهتمامهم فيهم
لقيت رقم حضانة ليلى اهني بالمنتدى ودقيت عليهم وخذيت العنوان وعلى طول رحت لهم وبصراحة من دخلت انقمت قلبي شكلها كئيبة ما فيها روح والسكرتيرة الله خيريالله تحجى وتمشيت معاها بالحضانة اليهال الكبار مجمعينهم بمكان واحد مساكين ورحنا غرفة الصغار واهني صارت المأساة الا اشوف وحدة من الخدم قاعدة على الكرسي وبحضنها ياهل وتهز بريلها ياهل ثاني بكرسي هزاز هز قوي خضت راس البنت خض بعد عمري
انا قاعدة اشوف هذي شتهز بهالقوة الا الياهل مسكينه يمكن سنتين او اقل بشوية مكودتها بكرسي حق بو ست شهر وتهزها هز اللهم يا يا كافي لا شعوري صرخت عليها شتسوين حرام عليج جان ترد الخدامة بكل برود (هذي بيبي مريضة تبي تنام انا يسوي ينام) قلت جذي تنام غيبت البنت مو حاسة بشي فرت راسها فر طول ما انا واقفة واكلمهم والله البنت ما تحركت جنها متخدرة على الكرسي
واللي يبط الجبد تقوللي كا هذي المشرفة موجودة واطالع الصوب الثاني الا صج قاعدة الابلة على الكرسي وخامرة يعني كل اللي يصير بعلمها حسبي الله عليهم ولا تكلمت ولا كلمة
ويعني بتكحلها السكرتيرة جان تعميها تقوللي لا تخافين ماكو شي انا طول الوقت عندهم ما طلعت الا لما ييتي اهني جان اعصب عليهم كلهم قلت حسبي الله عليكم ياليتي اعرف امها جان والله اوصل لها الخبر بهاللحظة
يعني كل شي يدام عينهم صاير وراضين هذا اذا مو هم اللي معلمين الخدامة اتسوي جذي
واتصدقون شنو ردت فعلي وقراري عقب اللي شفته خليت بنتي بالبيت واتابعهم بالتلفون بالساعة وايد احسن وابرك من الحضانات وبلاويهم
