اللي صار معاها اجهاض متكرر تدخل

[توست و زبده]

شلونكم بنات شخباركم
اللي صار لها اجهاض متكرر تقولنا تجربتها كان حملها طبيعي و لا بعلاج؟
و متى سوت تحليل عن سبب الاجهاض بعد جم مره؟ و هل لقت العلاج و احملت
حمل كامل بعدها؟
عن نفسي صار لي اجهاض مرتين بعد حمل طبيعي و قاعده افكر اسوي فحوصات عشان اعرف السبب
شتنصحوني اسوي الفحوصات الحين و لا انطر ؟
و اخيرا اسال الله سبحانه ان يرزقكم كلكم يا خواتي بالذريه الصالحه المعافاه
الباره اللي تسعدكم يا رب يا رحمن يا رحيم و يعوض صبركم خير

 

[الريم22]

انا ما اعرف بس حبيت ادعي لج يا رب برزقج الذرية الصالحة ويرزقنا معاج... اللهم آمين

 

[توست و زبده]

حيااتي الريم مشكووره عالدعوه اجمعييين يا رب

 

[^أم مهدي^]

انا صار معاي ولادة مبكره بالشهر السادس وولدت بس الله ماكتب انهم يعيشون والسبب كان عندي اجسام مضاده مرتفعه بس الحين عالجته

 

[توست و زبده]

حبيبتي ام مهدي يعني تتوقعين اروح افحص قبل لا احمل ؟ و
شلون عرفتي ان فيج اجسام مضاده انتي طلبتي من الدكتور يسويلج
هالفحص و لا هو روتيني سواه و الله يخليلج مهدي يا رب

 

[فتكات بنت كيداهم]

مرحبا اختى توست وزبده ياقلبى انا مثل حالتج بالضبط صار معاى اجهاض واسقاط بعد حمل طبيعى بولدى ناصر وكان الحمل السابق طبيعى جدا وبعدين اكتشفت ان فينى اجسام مضادة هى السبب بالاجهاض والاسقاط وفى تحليل الدم للاجسام المضادة يبين معاج سبب الاجهاض المتكررويوجد علاج للحاله هذه بس عند الكتورة خالدة المجيبل فى رويال حياه وهى شاطرة وايدويكون الفحص قبل الحمل لان فى علاج تاخذين باول الحمال لين الشهر التاسع وهذا الفحص روتينى مفروض يسونه لج وفى بعض الاطباء مايهتمون بالموضوع
وانشالله اكون وفيت كفيت وانا حاضره لاى سؤال ياقلبى الله يرزقج ويرزق اخواتى المسلمات امين بارب العالمين .

 

[سونا73]

مرحبا اختى توست وزبده ياقلبى انا مثل حالتج بالضبط صار معاى اجهاض واسقاط بعد حمل طبيعى بولدى ناصر وكان الحمل السابق طبيعى جدا وبعدين اكتشفت ان فينى اجسام مضادة هى السبب بالاجهاض والاسقاط وفى تحليل الدم للاجسام المضادة يبين معاج سبب الاجهاض المتكررويوجد علاج للحاله هذه بس عند الكتورة خالدة المجيبل فى رويال حياه وهى شاطرة وايدويكون الفحص قبل الحمل لان فى علاج تاخذين باول الحمال لين الشهر التاسع وهذا الفحص روتينى مفروض يسونه لج وفى بعض الاطباء مايهتمون بالموضوع
وانشالله اكون وفيت كفيت وانا حاضره لاى سؤال ياقلبى الله يرزقج ويرزق اخواتى المسلمات امين بارب العالمين .

انا حملت اول زواجي طبيعي وبعدين صار معاي اجهاض مرتين وبعدين بعد 11سنه حملت ورزقت بطفل مع علاج مكثف للحمال وبعد سنه ونصف حملت واجهضت ولا اعرف سبب الاجهاض صارلي الحين اسبوعين من الاجهاض وحابه احمل بسرعه ادعولي ان الله سهل علي واحمل

 

[الحــــــلا كله]

الله يرزقكم بالذريه الصالحه

 

[كويتيه مذهله 87]

اكي دحبيبتي سووووي فحووصات كاااامله

واذا سليمه الحمدالله

اذا حملتي اخذي مثبتات

والله يرزقج يااااارب هالشهر ويرزقني معاج وعوضني بلي فقدته يا ارحم الرحمين

 

[m e m e]

انا صار معاي اجهاض مرتين مره طبيعي و ماكنت ادري اني حامل ومره مع علاج
ماعني كنت اخذ تحاميل وحبووب مثبتات سبحان الله ماثبت حتى ماشفته بالسونار بس ايام من عقب ماهديت المثبتات نزل علي قطعه كبيره و الثانيه صغيره شوي

الله يعوضنا يا رب

 

[توست و زبده]

فتكات حبيبتي مشكووره ان شاء الله بروح و اطلب من الدكتوره تسويلي الفحوصات و الله كريم
الله يرزق الجميع يا رب بس آنا اخاف لا يلعبون فيني الدكاتره و يكون شغلهم تجاري كلش ما عندي
خبره بالدكاتره

 

[توست و زبده]

سونا الله يعوضج و يعوضني يا رب عن جريب آنه بعد توني طارحه ما صار لي شهر

 

[توست و زبده]

الحلا كله مشكووره عالدعوه

كويتيه الله يرزقج و يعوضج يا رب بس المثبتات ما اعتقد لها شغل
لان اللي صار معاي ان يوقف النبض بالشهر الثاني الله كريم و يرزقنا اجمعين

ميمي الله يعوضج يا رب سويتي فحوصاات؟

 

[كويتيه مذهله 87]

كويتيه الله يرزقج و يعوضج يا رب بس المثبتات ما اعتقد لها شغل
لان اللي صار معاي ان يوقف النبض بالشهر الثاني الله كريم و يرزقنا اجمعين

اللهم امين

ايه حبيبتي فيه فرق بين ان البيبي يطيح

وان البيبي واقف نموه

المثبتات تمنعه من الاجهاااض

بس الي واقف نموه لا من الله او فيه خلل بالتكوين او مشوه

انا وقف نموه والله كريم

يعني الوحده اذا تجهض لازم يعطونها مثبتات

واذا حملها لا يوقف النبض يعطونها بيبي اسبرين

وتسوي تحاااليل تعرف ليش وقف نموه

انا سويت قالولي مافيكيم شي

 

[الآرجوانه الذهبيه]

آآآآآآآآآآه انا اجهضت 4 مرات واخر مره اجهضته بالربط وكان حملي طبيعي توني قبل اسبوع اجهضت في الشهر 5

 

[توست و زبده]

استغفر الله و اتوب اليه الارجوانه والله عورتي قلبي الله يعوضج ه

و ان شاء الله الحمله اليايه تكون ثابته سبحان الله كل شيء فيه خيره من رب العالمين

الله كريم و بصير بعباده و الله مو ناسينه و اكيد يحبنا لان الله ان احب عبده ابتلاه

بس علينا بالدعاء و قراءه القرآن و الباجي على رب العباد

 

[ms_tona]

انا عرفت اني حامل وبعد 10 اسابيع نزل عندي دم عملت سونار قالي الدكتور حملك غير مكتمل يعني اتكونت مشيمة بدون بيبي ونسبة هرمون الحمل زادت بس ضعيف وللاسف اتكرر الموضوع تاني وقالتلي الدكتورة ان البويضة كانت ضعيفة انا مش فاهمة ازاي ضعيفة ويحصل حمل وانا الحين خايفة يحصل حمل تاني بدون تكوين جنين وابي اعرف شسوي تحاليل ولا علاج وابي دكتور زين

 

[المهذبه]

آآآآآآآآآآه انا اجهضت 4 مرات واخر مره اجهضته بالربط وكان حملي طبيعي توني قبل اسبوع اجهضت في الشهر 5

الله يعوضج بس ماعرفتي شنو السبب..؟

 

[المهذبه]

أنا نفس حالتج أجهضت 3 مرات وبدون سبب...

 

[Queen-q8]

انا اجهضت وعندي عيال حملت فيهم طبيعي واجهضت بينهم وبعدهم

فيني اجسام مضادة

وبكل حملاتي اللي الله رزقني فيهم واللي ما تموا خذيت مثبتات وبيبي اسبرين وفوليك اسيد واخر اجهاض خذيت كورتيزون وهمن هبرين ابر السيولة ولله الحمد

كل حملي طبيعي بس قبل الاخي كنت اعالج وما حصل وهديت العلاج وربي رزقني وما تم

وعلى فكرة يالغالية

لازم تسوين التحاليل شاملة وكلها اريحلج ولا تنطرين انا اجهاضاتي 7 وحملي 9 يعني من 9 حملات اثنين تموا والله رزقني والله يخليهم لي
التحاليل مهمة جدا وانصحج ب دكتورة خالدة المجيبل و د ماجد الشمري هذا تخصصهم