اللي صار معاها اجهاض متكرر تدخل

[توست و زبده]

miss-tona الله يعوضج يا رب آنه بعد لازم اسوي فحوصات و ليلحين ما استقريت على دكتور معين
queen-q8 بلييز شرحيلي سالفه الاجسام المضاده ماني فاهمه شسالفتها و ماجد الشمري
وين مكانه و بمنو بعد تنصحوني بناات ابي دكتور باله طويل و يشرح التفاصيل
و يعطيج وقت كافي مو مستعيل طيران

 

[دمثة]

انا اول ماتزوجت حملت طبيعي من اول شهر والحمدالله جبت ولدي لله الحمد وبعدهااا قطيت الحبوب ماحملت اسوي تحليل مافي شي
طلع زوجي فيه ضعف بالحيوان المنوي تعالج بنفس الشهر حملت واجهضت

وبعدهاا بشهر حملت وهم اجهضت ولا اعرف السبب

بس لارحت للطبيب بقولة بسوي تحاليل

 

[ام تركي2008]

توست وزبده مشكوره على الموضوع واخواتى المشاركات الله يرزقكم ويثبت حملكم وييسر اموركم اجمعين انا اجهضت خمس مرات والاخيره بعد الربط بشهر الرابع ولايعرف السبب اخذمثبتات ويسقط الجنين وهو ينبض والحمدلله على كل حال تكفون ابى دكتور متخصص فى الاجهاضات لانى نفسى احمل ويكمل حملى مع العلم انى ليس لدى اطفال تكفون ردو على
ربى هب لى من لدنك ذريه طيبه انك سميع الدعاء
عاجلا غير اجلا انا وجميع الاخوات

 

[A7la-SmiLe]

انا حملت مرتين اول مره صار معاي نزيف بالرابع واجهضت والمره الثانيه وقف نمو البيبي بالخاامس ..
حبيبتي لازم تسوين تحاليل شامله والمفروض من اجهضتي يسوون زراعه للمشيمه ويعرفون شنو سبب توقف نمو الجنين
وعسى الله يرزقناا بالذريه الصالحه عاااااجلا غير اجلا يارب​

​

 

[جنتي^و^ناري]

انا اجهضت بالخامس وكنت اخذ حبوب تثبيت وبعدين أبر

بس صار تمزق بكيس الجنين ونزل ماي البيبي

السبب غير معروف

والله يعوضنا أجمعين

 

[Swan]

الله يعوضج ان شاء الله ويرزقج الذرية الصالحه
طلبي من دكتورتج انها تسويلج التحاليل اللي تسبب لج الاجهاض
ومنها راح يعرفون السبب ويحددون العلاج

انا كذا مره يحصل لي اجهاض بس مبجر وايد الغالب يكون بالشهر الاول ونادر ما اكمل اكثر من جذيه وتوني قبل 3 شهور سويت تحاليل
وطلع عندي ارتفاع شديد بالمناعه وهالشهر دكتورتي عطتني كورتيزون
والله كريم

 

[Coffee-Girl]

الله يعطيكم ويعطينا الحمل الثابت المعافى اللهم اميييييييييين

توست وزبده كل ما اقرى نكج اشتهي اكل :082502bye_prv:

 

[توست و زبده]

بناات مشكوورين و ما قصرتو و الله يرزقنا كلنا يا رب و يعوض علينا بالذريه الصالحه
و انا ببدي فحوصات بعد اسبوع ان شاء الله لما اخلص دورتي و اقولقكم اذا طلع في
اسباب الله كريم و بنات اللي تسوي فحص و تعرف السبب خل تقولنا عشان نفيد
نستفيد

 

[توست و زبده]

snow white ضحكتينيي لوول بس يبيله صوره حلوه تلوووق عشاان ايوعكم عدل