اللي عندها بنوتات صغار تدش وتشارك

[ملاك الدهمشي]

مرحبا بنات
شلوووونكم
حبيت نتشارك بالافكار للي عندها بنات صغار
وشنووو ودج تلبسينهم بالعيد والقرقيعان
جاهز او تفصال
وشنووو الافضل
:eh_s(7):

 

[فلانه وعلانه]

والله انا القرقيعان فصلت لبناتي وخلصت اما العيد بشتري لهم جاهز احلا

 

[الغضى]

القرقيعان أخيط
والعيد جاهز
خذيت من معرض كويتيات اليوم
نفانيف روووعة والحمدلله القطع الاخيرة قياس بناتي
الحريم قاضيين عليهم امس لوووووووول
والعملي خذيت من ماركس اند سبنسر

 

[ReD&FoSHia]

خلصت من بناتي
باقي ولدي

 

[sunshine22]

اليوم وديت خام بناتي للخياط للقرقيعان

الخام كلفني 40 دينار
والتفصال للحين ما حدد

صراحه نهيبه انا سويت كوبي بس غيرت الخام من ملابسهم العام اللي طاف لانهم غريبات وغاليات


والعيد شكلي بفصل اذا ضبط الخياط الملابس وشفت شغله نظيف

انا وحده اشري من لحظه من فضلك وبربريز وبتيت اللي بالافنيوز
بس بصراحه بناتي 3 وميزانيتي اكس هالسنه ووراي ولاده واثاث شقتي بغيره ماراح يكفي

فالتفصال احلا حل واذا نجحت بالتصميم بعتمده كل سنه قرقيعان وعيد لان حرام لبسه وكاهو بالكبت ما يحللونه ويكبرون بسرعه عليه

 

[ReD&FoSHia]

القرقيعان الولد دشداشة مع صديري
والبنات من انوتا

العيد
شريت لولدي بدلة من ارماني
بس حسيتها عادية الحين
وعندي له بدلة بربري بس همن عملية
البنتين شريتلهم من ماركة ليزي نفس الشي احمر
و الشوز شريته سلفر جلد عليه فيونكة
الولد للحين محتارة

 

[توحه1]

Foto Al Reda
��������
مبارك عليكم الشهر ������������

لقطات القرقيعان المميزة
حق ولدج��
وحق بنتج��

كل شي مميز عندنا بتلقين
����������

��حجزي موعد ولاتتردين

خلفيات وملابس للقرقيعان
من عمر شهر لي ٩ سنين

للحجز والاستفسار
٦٩٠٣٤٥٦٧
��

 

[Angel_store]

اب اب اب

 

[worood82]

لبس القرقيعان تفصال لبنتي بس بدله العيد باخذه جاهز افك عمري

 

[ديانا سبنسر]

عندي بنت وحدة القرقيعان باخذ جاهز
العيد اول يوم تفصال وثاني يوم جاهز

 

[روحي فداج]

حبيت افيدكم بس
اذا خلصتوا حق بناتكم وتبون
تاج وبروش واسوار وغيره
عندي وحده حيل رخيصه وشغلها غريب وحلو وتوصل الى البيت
اللي تبي رقمها ترسلي لي بالخاص

 

[جذابه بنت ذيابه]

فصلت لبنتي للقرقيعان

و بدلة العيد اختي جايبه لها من امريكا بس يبي لها بدله ثانيه ..

باقي المزيوت ولدي ( احلفي بس ههههه كلها دشداشه