اللي عندها تلفزيون بلازما تتفضل @@ مساعده عاجله

[اطياب طيبه.أم عبدالله]

السلام عليكم















توني ناقله لشقتي اليديده ولله الفضل والمنه

كل شي خذيته يديد في يديد

وشريت تلفزيون بلازما كبييير ماشاء الله حق الصاله

قلت بترس فراغ الطوفه على اساس الصاله عوده ماشاء الله

المهم

احس انه للحين الطوفه فاضيه

ما ادري مو متعوده تكون عندي طوفه فاضيه جذي

بحط استيكرات طوفه طالبتهم طلبيه خاصه للحين ما وصلوا بس يتراوالي بيظل فيه فراغ

وبحط ايات قرانيه من الجانبين بس هم احس بيظل فيه فراغ

اشرايكم من تجاربكم شنو الحل ؟؟

سااااعدوني رفيجاتي بيمروني الاسبوع الياي :080402ask_prv:

 

[أنفاسي دخون]

اول شي منزل مبارك ان شاء الله وتعمرونه بالطاعه يا رب

شوفي حبيبتي انا من رأيي تحطين ارفف من ايكيا ملونه تناسب لون صبغش واثاثش وتزينيهم باكسسوارات وتحف ذربه وحطي زرع طبيعي على صوب او براويز ولوحات بس الزرع خليه شي اساسي يعطي روح وحياة للمكان

 

[اطياب طيبه.أم عبدالله]

اول شي منزل مبارك ان شاء الله وتعمرونه بالطاعه يا رب

شوفي حبيبتي انا من رأيي تحطين ارفف من ايكيا ملونه تناسب لون صبغش واثاثش وتزينيهم باكسسوارات وتحف ذربه وحطي زرع طبيعي على صوب او براويز ولوحات بس الزرع خليه شي اساسي يعطي روح وحياة للمكان

الله يبارج بعمرج حبيبتي ااااامين يارب

مشكوره على الرد السريع

خوش افكار بس تدرين ماشاء الله عندي يهال ما يخلووون

من فتره مريت المشاتل ويبت زرع وحطيته بالصاله ما قعد اسبوع نتفوووه وقطيته

ابي حلول عمليه وما تكون بالارض جريبه من ايدينهم اسم الله عليهم عرفتي ؟؟

فكره الأرفف كيوت تصدقين بروح ايكيا جريب ويا اختي وبشوف

تسلمييييييييين

 

[طالبة1990]

احس بلازما كبير كفاية على الطوفة

واذا مصممة على شي اتفق مع انفاسي دخون على الارفف واايد اذرب من الستيكرات


او برااويز نعامة من اللي بايكيا وسنتربوينت

 

[اطياب طيبه.أم عبدالله]

مشكوووووووووووره حبيبتي

ابي بعد افكار بنااااااااات

 

[أم عبدالرحمن 2]

احلى واذرب شيء الأرفف وعليها ورود وساعه زقرت

تعليق آيات قرآنية ولزقات وشغلات جذي

انا ماافضله

ومنزل مبارك

 

[خـيــــــــلاء]

ايكيا عندهم لوحات تركبينهم ومن ورى ليتات حلويييييييين حيل

يعني لوحه ستيل مرسومه بشكل حلو ومن ورى لها قاعده تلزقينها بالطوفه وفيها ليت اخذي لج 4 ثنتين تحت بعض عى شكل السلم وعلى اليسار ثنتين عى شكل سلم عرفتي !

او مثلا روحي محلات الستاير وخليهم يسوون لج لوحه على شكل ديباج تختارين الالوان والاشكال وتلزقينهم بالطوقه

فيه عده افكار

 

[اطياب طيبه.أم عبدالله]

احلى واذرب شيء الأرفف وعليها ورود وساعه زقرت

تعليق آيات قرآنية ولزقات وشغلات جذي

انا ماافضله

ومنزل مبارك

هلالالالالالالالالالالا

اليوم بمر ايكيا ان شاء الله بدور الارفف خوش فكره بصراحه حبيتها

مشكوره والله يبارج بعمرج :eh_s(21):

 

[اطياب طيبه.أم عبدالله]

ايكيا عندهم لوحات تركبينهم ومن ورى ليتات حلويييييييين حيل

يعني لوحه ستيل مرسومه بشكل حلو ومن ورى لها قاعده تلزقينها بالطوفه وفيها ليت اخذي لج 4 ثنتين تحت بعض عى شكل السلم وعلى اليسار ثنتين عى شكل سلم عرفتي !

او مثلا روحي محلات الستاير وخليهم يسوون لج لوحه على شكل ديباج تختارين الالوان والاشكال وتلزقينهم بالطوقه

فيه عده افكار

خوووش

الصور بإيكيا ؟؟ اي صوب ؟؟ بروح اشيك

 

[~.ąvȍƈaȚ.~]

اممم في براويز تكون تحت بعض

شلون أشرح يعني يكون مثلا 3 براويز لازقين ابعض ... شايفه منهم بايكيا

تقدرين تحطين صور عيالج و اهما صغار واااااااايد راح يصير شكلهم حلووو

و عن نفسي انا مركبة بداري بلازما صج المكان صغيرون بس الطوفه صابغتها مثل ما يسمونها نبرتيه

يكون صبغ عادي و يرسمون عليها بالفضي او الذهبي وايد شكلها راقي و حلو و يزين المكان بدال ما تعلقين

و منزل مبارك انشالله

 

[أنفاسي دخون]

خلاص اجل خليش على الارفف او البراويز وخلي عنش اللزقات راحت موضتهم

 

[اطياب طيبه.أم عبدالله]

حبايبي والله تسلمون
امس كان يوم حافل

رحت الضجيج ورحت ايكيا وخلصت والصاله صارت رهييييييييبه ماشاء الله

لاخلا ولا عدم افكراكم ساعدتني وااااااااايد حبايبي

دعواتكم لريلي الله يقومه بالسلامه باجر عمليته