اللي عندها حكمه في الامور هذي لاتبخل علي

[عيوون ابووي]

السلام عليكم لو سمحتو شلون اعرف اذا زوجي عنده شقه لانه جاني خبر انه عنده شقه تكفوووووووووون ساعدوني لاني مابي اظلمه ولحد يقول اواجهه لانه مو فكره حلوه

 

[Patcholli]

:|

شوفي احد يقدر يطلع بياناته ويستعلم عنه راح يبين شنو الاملاك اللي بأسمه

 

[Gifts&Occaions]

الله يعينج

 

[جذابه بنت ذيابه]

حبوبه

تعوذي من ابليس .. و شيلي هالفكره من راسج

الرجال تبين افعاله من تصرفاته ..


جيكي بالاسكان اذا مضطره وبتبعدين الشيطان عنج ،،!

 

[عهد الغرام]

اذا هو زين لج خليج ساكته كانج ماعرفتي شي وادعي انشالله يبعده ربي عن السوالف

 

[Elizabeth]

حبيبيتي يمكن المصدر اللي قالج يبي يخرب بينكم ؟؟ والمصدر اللي وصلج ليش ماعطاج عنوانها ؟؟ اذا شي منتي متاكده منه وبي حجي تعوذي من ابليس
وعلي فكره الشقه حتي لو يكون عنده صعبه تعرفين الا اذا راقبتيه لانه ممكن تكون مسجله باسم ربعه مو شرط باسمه

 

[shak!shoka]

حتى لو دورتي بالاسكان او غيره يمكن مو باسمه


ماكو غير المراقبه

و اعتقد هالحل صعب !



الله يعينج و يبعد الهم عنج

 

[ليتني مـآ كبرت]

يابنت الحلال تعوذي من أبليس

فرضا فتشتي بالاسكان ولقيت فيه شقة باسمه

هل ممكن تكون له فعلا ؟
مو ممكن تكون لأخوه ، أملاك لأبوه،
لرفيجه بس مسجلها باسمه !

يعني لقيتي شي باسمه أو مالقيتي
ماراح تجيبين الخبر انه يروح هناك ألا بالمراقفبة على قولة البنات

مع أني أبدا ما وافقهم الراي
لو شافج وطاح عليج بيقلبها
وبيقولج شعرفج لهالاماكن وشجايبج اهني شتسووين

بعدين إذا عنده شقة باسمه او شي ملك ترا ماتنزل له بدل أيجار

عاد انتي شوفي تنزل لكم او لأ ..



وَاللّـهْ يطمن قلبيج حبيبتي

 

[بنوته ستايل]

كثري الاستغفار بـ نيه ان الله يبعد عن زوجج الحرام ويعمي عينه عن غيرج ..ولله مالج الا هالحل..


ولا تقعدين تدورين وتراقبين وحالتج حاله بتجيبين الشقا لنفسج..


لو فرضا انج لقيتي شقه باسمه وواجهتيه يقدر يقولج مو حقي حق واحد من ربعي ويدق ع رفيجه جدامج والشباب يضبطون بعضضض ساعتها شـ راح تسوين..!!!

واذا لقيتي شقه وما نكر وقال ااااي شقتي ..<<بتتطلقين عشان بنات شوارع..!!تهدمين بيتج عشانهم..!!

حبيبتي بكل الحالات ماراح تستفيدين شي انصحج تعوذي من ابليس وشيلي الفكره من راسج وادعي بصلاتج ان ربج يبعد ع زوجج هالبلاوي ولله مايحل كل المشاكل الا الدعاء بـ نيه مخلصه..




وربي يووووفقج انشالله ويسخر لج زوجج ويبعد عنه الحرام..

 

[أبله أريج]

انا اقول لا تدورين من وراه تتعبين

 

[om MaRyooM]

مو خوش فكرة انج تجيكين اذا عنده ولا لأ

يمكن احد من اهله ولا ربعه مسجلين شقيقهم باسمه ؟؟ عشان لاتظلمينه

عموما انا اقول المرة عندها حدس قوي تجاه ريلها اذا عنده هالسوالف ولا لأ

 

[عيوون ابووي]

شكراً لكل الخوات اللي ردو علي وابشركم طلعت الشقه لرفيجه وحتا ياب لي العقد مال الشقه اعوذ بالله من ابليس والحمدلله علا كل حال وشكراً مره ثانيه

 

[Perfume]

والله اللي قالت لج ما عندها ساااالفة حتى لو صج ماله داعي تصرفها
الحمد لله تطمنتي وما تهورتي حبيبتي

 

[عيوون ابووي]

والله اللي قالت لج ما عندها ساااالفة حتى لو صج ماله داعي تصرفها
الحمد لله تطمنتي وما تهورتي حبيبتي

اي والله الحمد لله ماتهورت ومشكورين كلكم ماقصرتو بالنصايح لاخلا ولا عدم

 

[PuPa^^SWeeT]

اللي قالت لج \\


تبي اتخرب بينكم



لانه مو حلوة اتقوولج السالفة و ماكو لا عنوان ولا دليل ولا شي


مجرد كلام بالهوا


ان واجهتي بتطلعين غلطانة


وان راقبتي بتموتين من القهر سواء لقيتي شي ولا لا