اللي عندها خبرة تساعدني

[قلبي مو بيدي]

صباح الخير / مساء الخير لاحلى بنات
ابغى منكم مساعدة وارجوا انكم ماتخيبوني ربي يوفقكم
بنات ان توني قبل كم يوم ملكت وطبعا انا اتغطى بدون نقاب ولما كان خطيبي يكلمني قالي انو عنده عادي لما نروح شهر العسل برا السعوديه لو ماألبس عباية طبعا انا رفضت هالشي اكيد وعن قناعة لكن الشي اللي مخوفني بزيادة يبغاني اكشف وجهي عن اخوانه وقلت له مايصير الحمو الموت يقول هذولا مثل اخوانك وانا رافضه هالشي بس كيف اقنعه بطريقه ماتخليه يحقد علي تكفون بنوتات الله يخليكم ويوفقكم بحياتكم ويسعدكم يارب

 

[ام اريج 22]

خليه يقول اللي يقوله انت تمسكي برايج مايصير تغضبين الله علشان ترضينه

 

[|مـلاكـ|]

قووليله انت زوجي وحبيبي وكل شي عندي...


بس مااراح اغضب ربي.. انا متعوده ع هالشي مااعرف اقط نغابي عند احد وبالعكس مرتاحه حيل...

ونصيحتي لج لاتفكرين تقطينه



عن عائشة رضي الله عنها قالت: قال رسول الله صلى الله عليه وسلم*
" من أرضى الناس بسخط الله سخط الله عليه وأسخط عليه الناس ومن أرضى الله بسخط الناس رضي الله عليه وأرضى عليه الناس " رواه الترمذي .


ارضي الله سبحانه ولاتعصينه برضاء الزووج ترا مايجوز تقطين نغابج او عبايتج بدول اجنبيه والتزمي النغاب والعبايه انتي لبستيهم موعشان الناس عشان ربج ... وفهميه بطريقه حلوه*
ولاتنسين الدعااء اكثري منه حبيبتي .. والله يسهل امورج

ولاتنسينه بالدعاء

 

[.،:"$الـعـوبــــة$":،.]

اساليه شتفرق عنده اذا طلعتي وجهك عند اخوانه ؟؟؟


بيزيده شي ؟؟!؟


حبيبتي الزم ماعليك رضا ربك ،،

شنو اكشفي عند اخواني !!

قولي انت خذيتني كذا ترضا فيني كذا وانا وحده استحي وماعندي الجرأه اقعد واكشف عند الرجال !

:eh_s(7):
​

 

[الأميرة جوري]

الله يهديه

 

[خالف تعرف]

ماشاء الله تبارك الرحمن الله يثبتج ويرزقنه الهدايه

 

[الزين 85]

صاجه الحمو الموت

 

[pusy cat]

قوليله انا طول عمري متستره والحين يوم الله زوجني ورزقني اقط العباة والغطوه ! بدال ما تسترني زياده

خلج متمسكه بمظهرج مالج شغل فيه المفروض مايتدخل بهالشي

قوليله بالبيت بيني وبينك البس لك اللي تبي بس برى البس اللبس اللي يرضي ربي

 

[اللهم رحمتك]

اذا انتي متمسكه برايج قولي له استحي ومو متعوده وبكون مو مرتاحه نفسيا بس من رايي عادي هالشي يعني انتو اهل

 

[الشموخ~~]

لا طاعة لمخلووووووووووووووووق في معصية الخالق

حبيبتي الله يثبت قلبج علي دينة ورضاه وريلج اذا يغار عليج ما يكشفج قدام خوانة ولا قدام الخلق قولي انا متمسكة برضا ربي اولي من رضا العباد انت علي عيني وراسي بس بهالامور اللي تمسني كمسلمة لا والف لا

 

[فلنتينو]

لا طاعة لمخلووووووووووووووووق في معصية الخالق

حبيبتي الله يثبت قلبج علي دينة ورضاه وريلج اذا يغار عليج ما يكشفج قدام خوانة ولا قدام الخلق قولي انا متمسكة برضا ربي اولي من رضا العباد انت علي عيني وراسي بس بهالامور اللي تمسني كمسلمة لا والف لا

صااااااجه وكلامج عين العقل

 

[جوري 2007]

اهوة بس كان يبي يبينلج انه عادي عنده تفصخين نقابج جدام اخوانه وانتي عاد بكيفج القرار راجع لج

هذا قصده ،، رفضي وخلاص

 

[فوفو22]

يا جماعه هو ما قا لها تفصخي !!!!!!!

هو تكلم عن موضوع النقاب

حبيبتي عشان ما اسوي جدال كبير بالموضوع

اشتري سي دي د طارق لكل المذاهب الحنفي والمالكي والحنبلي و....

كلهم اتفقوا ان النقاب ليس فرض


وكل اللي فوقي يجابوني على هالسؤال

ليش ما نلبس نقاب بالحرم ؟؟؟؟؟
فوفو

 

[ريجو]

الله يهديه

 

[Sweetq8]

الحمدلله انا ملتزمه بالبس الي يرضي الله ورسوله

حتا المكياج بس بمناسبات و لما اطلع اتغشا واذا موحاطه مكياج ما اتغشا

وما اشوف النقاب باهميه ستر العبايه و الالتزام بالي حاطته بفيسي

مو بعض الي يقولون النقاب مو فرض و اسوي ويهي عرررررررس هههههه

و الله يهديكم

 

[الزيـــــ^^ـــــن]

حبيبتي شنو المشكله لي قطيتي نقابج عند حمويينج
يمكن اهو مايبي تكون حواجز بينكم يبيج تكونين مثل الاخت لهم
وترا كشف الوجه والكفيين موحرام

 

[قل علها خيره]

,,, من ترك شيئَ لله عوضه الله باحسن منه ,,,

 

[قلبي مو بيدي]

مشكورييييييييييييييييييييييييييين لكل البنات اللي ردوا ربي يوفقكم دنيا وآخرة ويتقبل صيامكم وقيامكم ويرزقكم

بس بنات تكفون لاتقولون اكشفي وجهك حنا دينا قال ( وليضربن بخمرهن على جيوبهن ) واعتقد شي واضح وانا مقتنعه ومو متردده حتى لو اصر على هالشي بس انا ابغاه يقتنع من غير مايشيل علي او يزعل وحتى لو كنت برا السعوديه ماراح اشيل الغطا من على وجهي بإذن واحد احد

 

[أعرفك نفسي]

مو بس بالحرم نتكشف حتى لما تصلين تتكشفين وما يطلع منج غير الوجه والكفين
وعلى فكرة ما طلب منج تفصخين الحجاب قالج النقاب .. وكا احنا بالكويت حتى عباية مو بالضرورة نلبس
الحمدالله محتشمات ملابسنا طوال وعريضة وبما يرضي الله
فكري عدل وحددي مصيرج

 

[قلبي مو بيدي]

انا لو كنت راح اسكن معاهم بنفس البيت قلت مو مشكلة بحكم اني راح اشتغل او اروح واجي طول الوقت وآكل واشرب معاهم
لكن بما اني مستقله بشقه بروحي فاعتقد ماله داعي اني اكشف مو والا انا غلطانه