اللي عندها خبره اذا بحول اداريه

[نبض شرياني]

قوووووه بنات

الصراحه انا صارلي كورسين من بلشت تدريس وحيل كارفينا ومو عاجبهم العجب

انا نزلت من وزني14 كيلو من الكراف والحره

واقط بهالفلوس ولا اكو فايده ولا يترس عينهم

واسوي دروس حلوه وتقولي ليش يا ابله مادخلتي هذا وهذا وليش ماتكلمتي جذي الخ......


على التعب اللي اتعبه واسويه واجهز اسخف النقد يطلعونه

غير ان مخلينا نمسك لاصفيات ونعدلهم ويبونا نقط عليهم من فلوسنا بعد قلت حريمتهم


اترس الصف مصورات والعاب وحركات وهم مو عاجبهم يحبون اللي تقط معاشها كله عالالعاب والخرابيط

ذبحونا لوعو جبدي

والله اشوف الادرايات مرتاحين من تطلع من الروضه مرتاحه ماتفكر شنو تحضر حق باجر ولا تفكر بهم الموجهه الدعله


ابي اشتري راحتي الصراحه


انا معلمه الدرجه الرابعه


اذا بحول اداريه اشلون

وجم ينقص من معاشي تقريبا؟؟

واكون شاكره لكم

 

[اشلون يعني &]

مشكلتج مكبرة اذنج لهم
ليش الله وضع لنا فتحتين بالأذن
دخلي بفتحه كلامهم الى مو جييييييين
وطلعيها من الفتحه الثانية
بكلمة ان شاء الله باابتسامه هبلة تحرهم

ولا تحرين عمرج
وخلي هدفك ربج
واقضبي وظيفتج
لا يهججونج الحريم

خصوصا الكادر مغري


البشر نفوس صعب أرضاها
وامسكي وظيفتك

 

[أبله شقحه]

وايد راح ينزل خصوصا مع الكادر اليديد استخيري ربج

 

[غارقة بأحزانها]

والله نفس الحاله كرهت الدوام وعععع شغله متعبه
ومرهقة والله ارد البيت مالي خلق عيالي اللي يقولي بخ اهب بويهها
وكنت بحول قالوا لازم ١٠ سنين خدمة زين شبقى عالتقاعد ؟؟!
المشكله ان شهادتنا مالها مكان ثاني حتى لو تقدمين استقاله وتردين تقدمين طلب يديد وين بيحطونج
والله انا ما تهمني الفلوس ابي اشتري راحتي ونفسيتي وحتى زوجي محبكها يقولي المعاش قوي وانتي قبل لايخلص الشهر تيين تاخذين مني
قعدي بالتدريس ولا قدمي استقالتج وقعدي بالبيت واهو يدري ان ماراح ارضى
اهي الشغلة يبيلها واسطة وحوووووسه ووقت ويمكن تصير ويمكن لا الشكوى لله

 

[اسيرة زوجها]

واي ليش جذي گـل مادحل موضوع عن الرياض نكد ترا اصابع مو سوا ‏​ٱ‏​نـِْ♡̨̐ـِْا كنت بروضه تكرمون زباله شويه عليها وهي روضة الجوهره فيها مشرفه مايعجبها العجب دعله تطفش المدرسات وكل تقيمها جيد ترا الله عاميها عن الجيد جدا والامتياز انسى وفوق من هذا تشتغلين ابله بين صفين وماتغبين وتشخط فيج الناظره ع اتفه الاسباب والمشرفه تطيرج بالكلام واخير شي تقديرج زفت يعني كلوني وذموني شتبون اكثر من جذي
والحين الحمدلله رحت لروضه عسل عسل هي ناظره تهبل واسلوب راقي وتدخلين عليها تبين افكار تعطيج اغاني تغني وتسوي گـل شي احس مرات انها معلمه مو ناظره وتكرمنا على اي شي نتميز فـِ♡ـيْ وبعيد المعلم تهادينا يعني شي خيال غير عن القبس اللےْـي كنت عندهم والوكيله خيااااال متقصر معنا حبيبه والمشرفات حطيهم ع الجرح يبرا والابلات قلب واحد الله لايغير علينا وكل صف 3معلمات اذا مو 4
‏​بِــ̯͡سّ مشكلتها البعد
اللےْـي اي اقوله لج ان مو عشان آْنَـỲǑŲـْتي انظلمتي تيأسين ‏​ٱ‏​نـِْ♡̨̐ـِْا اختي اداريه حطوها ببتدائي صبيان تعالي شوفي تشكا منهم مني لباجر ولا تخذ مناوبه فرصه حبوبه گـل مكان بالتربيه فيه تعب ‏​بِــ̯͡سّ اهم شي الاحترام اشتغلي بمكان فـِ♡ـيْ ناس تحب الشغل وقلبهم ع بعض ويحترمونج ويقدرونج هذا اهم شي لا تزيدين الطين بلا آْنَـỲǑŲـْتي معلمه بتنحاشين من الناس اللےْـي ماتحترمج بتغير مسمى ماينفع اللےْـي مايبيج لا تقعدين عنده دوري غيره وشوفيلج فيتااااامين واو اول

 

[ابله كويتيه]

اسيره زوجها انتي باي روضه ؟
نبي الروضه الزينه ومايهم البعد اهم شي الاحترام

 

[لاتغرك]

للأسف يتكرر موضوع سلبيات رياض الاطفال

تفائلو بالخير تجدوه نسيتم كل ايجابياته والتفتو لسلبياته

معلووومة لج يالغالية من قالج الاداريات مرتاحات؟؟
الدوام نفسه وفرق المعاش كبير

نصيحه من القلب للقلب

:: احمدي ربج واشكريه ان مهنتج رياض الاطفال ترا والله الناس حاسدينه عليها::

استخيري وغيري روضتج ورضا الناس غاية لاتدرك


هذا كلامي والسموحه طال عمرج

 

[نبض شرياني]

انا احب وظيفتي حيل بس الي عندي كرهوني فيها حيل

الناظره والمشرفه لوعو جبدي تعبت منهم

الوكليه لسان عندنا وعند الناظره ماتتكلم

وكل كلمه والثانيه سوو قطيه جمعو لي فلوس

شنو نشتغل عندهم؟؟يوم قالو قلت اسفه ماراح تشوفون مني ولا فلس قالت اجباري قلت بكيف منو؟؟ عطيني قانون يجبرنا نعطيج فلوسس؟؟قلت فلس واحد ماراح تشوفون مني حريمتكم قالت كلها دينار قلت لو فلس ماعندي وين ميزانيتكم؟؟؟امداها خلصت وعلى شنووو مااشوف مسوين شي مميز بالروضه

بس ابشركم هونت ورجعت بقراري

انا قلت بسوي اللي علي ولاني مسويه فوق طاقتي

امي هونت علي قالت سمعي مني وطلعي مني وسو اللي عليج جدام ربج وبس والمعاش ماشي لو تقديرج جيد وقالت تقديرج عند رب العالمين منو اهم علشان يقدرونج ويطلبون فوق طاقتج اذا ربج ماطلب فوق طاقه العبد وهالكلام شجعني وريحني

كلها هالسنه وبقدم نقل لروضه ثانيه ان شاءالله وهذيج يمدحونها

 

[قهوه وشاهي]

أذا طبيعتج هاديه وأنسانه خلوقه وصوتج ماينسمع وتخافين الله حولي أدارية

لأنج راح تتعبين نصيحه صادقه

 

[حلاتي غير]

مادري شقولج الرياض للاسف كله جذي بس صاجين دخلي الحجي اللي يعجبج وطلعي اللي مايعجبج وهونيها وتهون المعاش حلو

 

[asma]

لاتحولين ( كاد المعلم أن يكون رسول) هل تعرفين الأجر اللي تاخذينه كل يوم

كل طفل يردد معاج دعاء أو أيات سلوك صحيح يترسخ فيه نعم تعب لهذا تؤجرين

لكن أياج والرياء أعملي لوجه الله ستلقينه أمامك المعروف لايضيع بغض النظر

عن الماده الزائله في زمن الماديات القبيح تذكري ايجابيات اخري تحببك بهالعمل

 

[نبض شرياني]

أذا طبيعتج هاديه وأنسانه خلوقه وصوتج ماينسمع وتخافين الله حولي أدارية

لأنج راح تتعبين نصيحه صادقه

انا هاديه لكن ما اسكت عن الغلط ولا عن حقي لو ما اخذه بايدي اخذه بدعائي

وقطيعه ناظرتنا ماتحب اللي جذي تبي وحده تقولها سمعا وطاعه لو على حساب حياتها وصحتها

بس انا صرت اسمع من اليمين واطلع من اليسار

وهالسنه بعطيهم اكبر طااااااااااااف بسوي اللي علي جدام ربي وبسسسسسسسسسس

 

[نبض شرياني]

لاتحولين ( كاد المعلم أن يكون رسول) هل تعرفين الأجر اللي تاخذينه كل يوم

كل طفل يردد معاج دعاء أو أيات سلوك صحيح يترسخ فيه نعم تعب لهذا تؤجرين

لكن أياج والرياء أعملي لوجه الله ستلقينه أمامك المعروف لايضيع بغض النظر

عن الماده الزائله في زمن الماديات القبيح تذكري ايجابيات اخري تحببك بهالعمل

الحمدلله يا اختي انا جدام المشرفه ووراها نفس الشي اقدم اللي علي لان فوقي ربي يراقبني اهم ماهوني كثر ما يهمني ربي وخوفي منه في هالاطفال لانهم امانه برقبتي

ادري الاجر كبير والله يعينا ونكسبه:yaaaaaarb:

 

[غزلان الكويت]

الله ياجرنا
بس بنات بسالكم بالنسبه للموسيقا والحفلات البدعيه بالرياض محد سال شيخ هل علينا ذنب شنسوي
يزاكم الله خير

 

[*مطبخ الذواقة*]

كل شي في بدايته صعب

وبعدين بصراحة للإداريات الحين قاعدين يحولون مدرسات عشان الكادر وانت تبين تتركين


استخيري وتأكيدي انه كل مهنه فيها تعب






الله يوفقج وين ما تكونين

 

[نبض شرياني]

تسلمون بنات

بس انا هونت خلاص بقعد بوظيفتي ان شاءالله
بسوي اللي علي جدام ربي وماراح ارهق عمري فوق طاقتي

 

[Eva-SS]

ويييه الله يعين كلنا تعبانين بس شنسوي هذي وظيفتنا

التعب مو من التدريس ولا من الأطفال .. التعب من اللي قاعدين بكراسيهم لا شغل ولا مشغلة بس حطونا بين عيونهم كل يوم قرار ألعن من الثاني كله بس بيطفشون المعلم

أنا الحين بدورة إدخال المناهج .. دوام عصر فوق دوامنا بدون زيادة وإن غبتي فيها خصم واستفسار بكيف أمهم نداوم دوامين وفيه تحضيرين .. فوق هذا كله انصدمت من المنهج الجديد يعني ماحذفوا شي من منهجنا اللي قبل المطور بس خذوا من الفرصة ومن وقت المطعم وحطوا فيها فترة اسمها صفي فيها ندرس عربي ورياضيات يعني زيادة فترات وزيادة تحضير

روضتي اللي أنا فيها كل صف معلمتين وناظرتنا متليعنه ماتبي تطلب مدرسات يعني يوميًا يحوشني احتياط فوق فتراتي مرات والله مالقى فترة أرتاح فيها

التقييم ماهو على عملي بصفي اصلا ولا يلتفتون له .. التقييم على شنو قطيت فلوس برا صفي وعلى الرقص والبهرجة والأنشطة اللي الطفل ما يستفيد منها شي وبالأخير أحنا اللي نشتغل ونقط فلوس ويطلع باسم الموجهات والناظرات حق الترزرز بس الوحده لها 20 سنة وهي ماسكه كرسيها انزين فجي قعدي ببيتج قابلي عيالج افتحي المجال لغيرج بس الوحده لا مسكت كرسي تحنطت عليه .. ناظرتي لها 15 سنة ناظرة وتقول مافكر اتقاعد شسوي بالبيت نعنبوا بليسج عطي عمرج بريك هههههههههههههههههههه

ااااخخخخ بس قلبي متروسه .. طول الويك اند وانا احوس سوقه شعبية ومكتبات وتصوير وطباعة واشوف حواليني الناس عايشه حياتها وانا اكرف حتى بالعطلة

أحب وظيفتي وماخترتها إلا عن قناعة بس الله ينتقم منهم

 

[فراشه123]

أنا بعد بحول ادارية الله يجزاها الخير ويوفقهااااا وين ما تروووووح اللي ترد علينا وتقول جم يصير معاشها بالضبببط

 

[نبض شرياني]

اي والله صاجه جنج انا فيني حره

الحين راقعتهم بالطوفه احلى طاااااااااااااااااااااااف

اقول اي اي وسكب عليهم

ماينفع معاهم الا جذي الا تقول ان شاءالله يدوسونها والللي تتكلم مايقدرون عليها

انا صايره اتكلم وشفت الوضع تغير وصار احسن لان نوعيه اللي عندي مايمشون الا باللسان واللي ماتسكت عنهم

اللي علي اسوي اللي يرضي ربي واهم طقهم مرض رضو ولا مارضو بالطقاق

لان تقييمي بيد ربي مو بيدهم

وانا اموت ع وظيفتي ولوعو جبدي فيها

 

[نبض شرياني]

اتوقع ينزل واجد حبي يعني يمكن يصير بحدود 750

يعني حيل فرق

بس هم اسالي وتاكدي