اللي عندها خبره باللاب تتفضل :)

[جوجو.]

بنات عندي لاب توب سوني لونه وردي بس أحس انه مو أصلي من أول مادريت انه مو من شركة سوني ومن مجمع القيروان مع انه فيه كفاله سنه بس مادري ليش طاح من عيني لان مو من الشركه نفسها
شرايكم بنات شسوي ؟؟
ومواصفاته عجييبه بس لان مو من الشركه ماصار له يومين عندي ؟
شرايكم أبيعه ؟ وين أفضل مكان أبيعه .؟
والا أرده له؟

 

[بنت الوفا]

عاد انا مشتهيه اشتري سونى البناات يمدحونه


زين علمتنى لزم من الشركه اشتريه

طيب صناعته شنوو

وبجم خذيته

انتى اعرضيه على المحلات

 

[SupeR-GirL]

دام في كفالة معناته اصلي

وجانج كارهته ردي للمحل احسن حرام تبيعينه لانج اذا بتبيعينه يمكن بنص سعره فكري فيها عدل وقرري

 

[جوجو.]

بنات رديته والحمدلله رده لان مااستعملته
شوفو بنات انصحكم اللي بتاخذ جهاز خل تاخذه من الوكاله لان راح تتحسف بعدين
عموما ترى السو ني عجيب بس عيبه ان بسرعه يصير حار
شرايكم بالاج بي ...

 

[أساور]

شلون عرفتي انه مو اصلي؟

 

[جوجو.]

ماعرفت انه مو أصلي
بس انا اخذته مو من الوكاله من محل
ومافيه كفالة سوني فيه كفالة المحل بس
وبعدين السوني ال3 قيقا ب600 وشي
وهذا ال3 قيقا ب300 وشي لايصدق

بس حاشني شعور غريب اني كرهت الجهاز سبحان الله ورديته مانطرت والحمدلله وألحين مادري شاخذ؟
محتاره بين الاج بي والديل ؟
شرايج ؟؟

 

[أساور]

الديل يهبل اخذيلج اليديد الضعيف لونة احمر

 

[جوجو.]

اووكي يسلمو حبي بروح اشوفه غدا باذن الله بيوريكا مع اني ما احبهم