اللي عندها خبره لاتبخل علي

[احترت اسميك]

مرحبا بنات أخباركم
أبي منكم خدمه بسيظه
انا حامل بعد 4 أيام بدخل التاسع ?بِــ??سّ>:/ ماعندي أي معلومه عن الطلق
ولا أعرف وش هو أصلا لأن أول مولود لي
وكنت مااحب أسأل عنه
?بِــ??سّ>:/ يوم استفسرت من حمواتي وخواتي
اكتشفت انه يختلف من مره لمره. أبي اللي عندها خبره عن الطلق تقولي
لأن بجد كل مايجيني عوار أقول طلق
طيب أبي أسأل هو شرط البكر تآكل شهرها كله
هذا اللي أسمعه من الناس
انا أبي أولد ببذري أبي افتك بسرعه
مليت مافيه لبس قدي أبي اكشخ مليت من الجلابيات

 

[دلع^_^]

الله يسهل عليج ، الطلق يختلف من حمال لي الثاني احيانا ينفتح ماي البيبي وينكت منج بدون الم وتروحين للمستشفا وتولدين مع طلق صناعي والا الطلق المتعارف عليه الم متواصل بالظهر او بالبطن علا حسب ،، والسهالات من الله سبحانه

 

[زينانه]

الطلق الم قوي ماتقدرين تتحملينه تحسينه بالرحم والظهر
شفتي الالام الدوره ضاعفيها اكثر من مره. يكون الطلق

لاتحاتين لان انتي الحين لازم تراجعين اسبوعيا
او تراحعين كل اسبوعين
والدكتوره بتتابعج اول باول

 

[elpinkya]

الطلق الحقيقي يتركز بالظهر و الحوض و البطن

يكون حاد

منتظم بوقت معين يعني كل نص ساعه بعدين كل ربع ساعه و كل عشر دقايق و بعدها كل دقيقه

مميز ما تتحملينه

و ممكن يزل عليج الماي من غير عوار


البجر ممكن تأكل شهرها و ممكن تولد بنفس اليوم و ممكن قبله

و كل حمل يختلف عن الثاني

انا بولدي البجر ماكان فــــــــيني طلق بس الرحم كان مبطل و بنتي طلق يعووور لدرجه أني مو قادره اقعد

اما حملي هذا رحمي مفتوح من اول التاسع و للحين ما ولدت 

الله يسهل عليج و علي و علي كل الحوامل يارب

 

[Karezmatia]

الله يسهل عليج اختي ويهون عليج الطلق ،،،،


مثل ما قالوا الخوات من وحده لي وحده لي وحده يفرق انا يطري علي ان اول حمال يالي بالبدايه الم جنه هوا في اسفل البطن ويتكرر خفييييف اذكر كنت بمركز سلطان وبروحي رايحه وقاعده اكلموبنت خالتي بالفون اقولها احس جذي وجذي جان تقولي ردي البييييييت هاذي التجاديم وهالتجاديم خذت اسبوع معاي ولما حما الطلق جنه عوار وانتي بكرامه الدوره بس بدبلااااااات

كل شي يهون والله لمن تولدين بالسلامه وتشوفين بيبيج يمج لا تحاتين وطمنينا عليج

 

[اجيال]

الله يهون عليج

 

[om MaRyooM]

انا قيصري وماجربته

بس فعلا يقولون من وحدة لوحدة يختلف

ويقولون اذا ياج الطلق لاتخافين رح تعرفين ان فعععلا هذا الطلق مو عوار قشمرة

 

[احترت اسميك]

طيب ‏​‏​آنـََ♥ـاّ في عيادت البراء عند ماجده اليتامى عند دكتوره شرين يقولون شاطره شرين عشان جذيه اخترتها
وان شاء الله اللي بتولدني ماجده اليتامى
​بِــ̯͡سّ>:/ انا عندي مشكله عندي إفرازات ويقولون ان الأفرازات تعجل في الولاده صج
انا بدئ العوار كل يوم يجيني ​بِــ̯͡سّ>:/ مره الله يستر

 

[آلبرنسيسه]

الله يستر عليج ويهون عليج ويرزقج منااااج
ويرزقني وكل من تبحث عن الذريه بالذ ريه الصالحه عاجل غير اجل

 

[زين ودلال]

حبيبتي لا ياج الطلق راح تعرفينه لاتخافيييييييين

الله يهون عليج ان شاء الله

 

[احترت اسميك]

يأربي وربي خايفه

ذاك اليوم جتني الااااام وطولت ثم راحت وبعد نص ساعه جتني بعد وقويه
قلت لا هذي الطلق ع قولتهم
وبعد فتره اختفى ولا جاني

​بِــ̯͡سّ>:/ الغريب الآلااااام ماتجي إلا في إليل

يأرب تسهل علي

 

[احترت اسميك]

يسلمو ع الإفاده