بقولج عن نفسي
انا اقعدها الساعه 7 الصبح طبعا ما تطبخ ولا تسوي ولا شي كل شي انا اسويه
ازهب ريوقي انا وعيالي وابو عيالي
تشرف اهي وكل شي زاهب
اقعد عيالي واعسلهم او هي تغسلهم بالحمام
ونتريق وابدلهم واروح ابدل انا يطلع ابو عيالي مبجر مرات
عقب ما اخلص اقفل داري واخذ عيالي اقطهم على الروضه بطريجي واروح انا دوامي
ارجع قبلهم
تكون خدامتي مغسله الملابس ومسنعه دار عيالي والحمام وانتي بكرامه مغسلته
بس اجي اشب البخور وارش الخلطات
ازهب قهوتي وانطر ابو العيال <<<عجوز الشارع انا غرامي القهوه
يجون عيالي وابوهم
نتقعوى طبعا الغدا تحت في بيت حمولتي انا مع خالتي اتغدا وزوجي مع خوانه
بس ياذن العصر نصعد كلنا
اهني اخذ عيالي واشغل لهم سبيستون او يلعبون في البليستشن واهي طبعا هالوقت يكون للاوتي
وانا احط لي فراش بغرفة عيالي ويكونون تحت نضري
بعد المغرب يبدولن لبسهم ويلبسون بدل وينزلون تحت يلعبون بالحوش
طبعا اهي معاهم
الساعه 6ونص
يصعدون ازهب عشاهم واعشيهم واسبحهم طبعا اهني تبدي الحوسه سبوح وعشى
واحهم بسرايرهم عاد يكونون حيل دايخيين
وبجذيه تكون الساعه 8 او 7 ونص
ينامون بسم الله عليهم
اقوم البس وانزل تحت واخذ ولدي الصغرون معاي واخليها فوق عندهم
تقوم اهي تنظف وتغسل المواعين وترتب البيت وتغسل الحمام وتكمل الوتي اذا عندها
بعدها اصعد انا على ال 11
اغس ملابسي بسرعه وزهب عشا لزوجي
اسنع داري وانظفها
اشب بخوري واهي تروح تتعشى وتنام على طوووووول
بس طبعا غسيل الملابس اهد حيلها فيه
يعني الصبح اذا رحت الدوام اطلع كل اللابس البيضا بروح واخذ الملونه احطهم بداري علشانها تبط جبدي وتخلط الملابس
وبعد ما ارجع تكون خلصت من اللبس الابيض كله
اطلع لها الملون وتغسله
لانها تعل قلبي وتخلط وما نفع معاها غير هالطريقه
والاتوتي الله يعينها لبسنا وايد وكله اوتي صج مالومها في الوتي يهد الحيل وياخذ نص الوقت
بس هذا كل اللي عندي
كتبت يومياتي لووووووووول
