اللي عندها خدم رياييل ادش(سايق+طباخ+صبي)

[بدابد]

السلام عليكم
اتمنى انكم اتساعدوني؟
بنات انا توه واصني سائق + طباخ واول مره يكون عندي سائق وطباخ يعني ما عندي خلفيه
السؤال اهو
نشتريله اغراض النظافه اللي اهي صابون+كريم+فازلين+ديودرنت+افلوس عشان يحلق شعره يعني هسوالف؟
انا شريتله ملابس + موبايل ويدق علي رنه ما ابي اعطيه كرت
بس ادوات النظافه اعطيه او لا؟ >>>> ما عندي فكره
ناطرتكم

 

[جكورة]

والله ماعندي خلفيه عن الموضوع بس لو كنت مكانج أعطيه مبلغ بسيط شهريا هو يشتري أدوات النظافه لنفسه أحســـن

 

[نور النت]

نعطيه أول ما يوصل بس لان ماعنده فلوس يشتري ، بس عقب ما يستلم معاشه نعطيه بس الملابس والاكل واذا صدف وشريت للخدم صابون وشامبو اعطيه بس مو دايما .. وطبعا بعضهم ريحته تجبرج تشترين له ديودرانت غصب .. وبعضهم العكس يبي انواع معينه واهو يشتريها لنفسه .. يعني يعتمد على الخادم نفسه

انتي عطيه اول ما يوصل هذا اهم شي وعقب عطيه بين فتره وفتره​

 

[بدابد]

مشكورين

 

[supermarket]

احنا طباخنا يطلع مع السواق يشري له اللي يبيه او يروح الفرع او الجمعية مشي او بقاري


وهو اصلا يطلع يوم اليمعة اجازة فيشتريله اغراض

 

[ام الدلال]

اول مايوصل اعطيه كل شي ملابس صابون شامبو بس بعد مايستلم معاشه اشتريله الصابون والشامبو والديودرنت والذي منه علي فترات متباعده بس علشان ما يعتمدعلي وبالنسه للملابس بصراحه علي دخلة الصيف والشتا والعيد اذا كان مسلم اشتريله يعني قمصين وبنطلونين وتكرمين نعال في الصيف وجوتي في الشتا مع بالطو للبرد تري حرام والله كله ما يكلف 10 دانانير كل موسم احسبيها دفعة بلا

 

[خبيرة اعشاب]

عندنا حارس و صبي جاخور و رجال يخدم بالديوانيه و صراحه اول ما جو عطيته ملابس كنت مجمعتهم من اخواني ... بس مو انا الي عطيته زوجي طبعا لاني انا مالي علاقة فيهم و لا يدشون البيت اصلا ...

بالنسبه للصابون و الشامبو و الله مرات يعني مو دايما انجيب له الشامبو ابو لتر هذا و علبه صابون قطع الي فيها 6 ...و هو يدبر نفسه ..يعني الخدامه ماشاء الله ما اتخليه ...و الله حتى طبخ عندي الهنديه قبل تطبخ له طبخ خصوصي هههههه
بس نصيحه لا تهتمين فيه خلي زوجج هو الي يتعامل وياه لانج لا عطيتيه وجه يفسرها تفسير ثاني ....الله لا يبلانا

 

[بدابد]

مشكورين

 

[طماشه]

احنا طباخنا اول مايا شرينا له أغراض النظافه وبعد ما أستلم معاشه اهو يشتري شغله بروحه يروح الفرع وياخذ الي يبيه

 

[بدابد]

مشكورين