اللي عندها سؤال عن البلاك بيري .. ان شاالله تلقى الجواب

[Dreamy G!rl]

رد: رد : رد: رد : رد: رد : اللي عندها سؤال عن البلاك بيري .. ان شاالله تلقى الجواب

انزيين شلوون ادزه من الاب ليه البي بي ؟

و ممكن بعد سؤاال شلوون احط حق كل شخص رنه وصووره

جواب سؤالج الثاني

طريقة الصورة سهلة حيل و النغمة بعد

1- اذا كنتي مسيفه الرقم و الاسم دشي على contacts ( الاتصالات )
اختاري الاسم او الرقم اللي مسيفته و ضغطي على علامة البلاك بيري من الكيبورد
اللي محددة عليها بالصورة

2- اختاري من القائمة edit ( تعديل )

3- تحت كلمة picture صورة ضغطي عليها و اختاري add picture ( اضافة صورة )

4- و بس اختاري الصورة .. رح يطلع لج مربع على الصورة حددي الجزء اللي تبين تاخذينه من الصورة و بعدين
ضغطي عليها و اختاري من القائمة crop and save

5- و بس و انتي ترجعين رح يطلع لج اختيارات ضغطي على save و بجذي تكونين سيفتي الصورة مع الرقم


او طريقه اسهل :

1- روحي contacts ( الاتصالات )
2- اختاري الرقم و ضغطي علامة البلاك بيري بالكيبورد
3- اختاري من القائمة add picture

بالنسبة لاضافة النغمة نفس الطريقة اللي فوق

1- cotacts
2- add custom ring tone ( إضافة نغمة رنين مخصصة )
3- اختاري ملف الصوت اللي تبينه و سوي سيف

و مبروكين :icon30:

 

[رومــآ]

رد: رد : رد: اللي عندها سؤال عن البلاك بيري .. ان شاالله تلقى الجواب

مرحبا

بنات الحين اقدر اشبك من البي بي بدون الخدمة

يعني انا مابي مسنجر بلك بيري بس ابي مسنجر ويندز لايف

يعني اقدر لو خذيت الخط الي بالايقوا وحطيته دااخله اشبك وادخل على المنتديات وافتح مسن ويندز لايف

 

[10000]

رد: رد : رد: اللي عندها سؤال عن البلاك بيري .. ان شاالله تلقى الجواب

ممكن سوال حبيبتي

ابي رسايل الايميل شلون اخليها توصل لجهازي انا جهازي 9700


وشكرا

 

[Dreamy G!rl]

رد: رد : رد: رد : رد: رد : اللي عندها سؤال عن البلاك بيري .. ان شاالله تلقى الجواب

هااااااااااااااااااااااي اشلووووووووووونكم بنااااااااااات بشنوتنصحوني في البلاك بيري وله الايفون لاني ماني عرفه شنواشتري

حبوبه ع الشي اللي يريحج
انا ما استعملت الايفون ماقدر افيدج
بس اللي اعرفه ان الايفون يحتاج اب ديت شهريا تقريبا
و مشاكله اكثر من مشاكل البلاك بيري
و سعره اغلى من البلاك بيري
بس من ناحية الشكل الايفون وايد شكله احلى و افخم من البلاك بيري و الحين الهبه الاكثر ع الايفون

 

[Dreamy G!rl]

رد: رد : رد: اللي عندها سؤال عن البلاك بيري .. ان شاالله تلقى الجواب

حبووبه ادري اسئلتيي وايد بس لاني توني ماخذه يديد

حبووبه اذا ابي اعرف جم عدد الاسمااء الي عندي شلوون ؟

و اذا ابي اعرف الاسمااء الي بخطي مو بالتلفوون شلون ؟ عشان بنقل جم رقم

و هل في خياار اني اذا سيفت رقم يتسيف عالخط و التلفوون نفس سوني اريكسوون و نوكيا و هالسواالف

لا حبيبتي اخذي راحتج
انا حاطه الموضوع حق الاسئله

و اسئلتج هذي تنفع غيرج يعني لا تشيلين هم .. حاضرين اافا عليج :icon30:

(1)
>> حبووبه اذا ابي اعرف جم عدد الاسمااء الي عندي شلوون ؟

ج :

1- قائمة ال contacts ( الاتصالات )
2- ضغطي علامة البلاك بيري بالكيبورد
3- تطلع لج قائمة اختاري منها options ( خيارات )
4- ضغطي على Default ( الافتراضي )
5- يم كلمة number of entries ( عدد الإدخالات ) مكتوب عدد الارقام اللي عندج

(2)
>> و هل في خياار اني اذا سيفت رقم يتسيف عالخط و التلفوون نفس سوني اريكسوون و نوكيا و هالسواالف

ج :

شوفي اذا انتي مسجله رقم عندج و شلتي الخط تبين تحطينه بفون ثاني رح اتلاقين الرقم موجود ع الخط اوتوماتيك
و اذا شفتي البلاك بيري و انتي شايله منه الخط رح اتلاقين الارقام امسيفه ع الجهاز

 

[Dreamy G!rl]

حياتي مشكووره و اخذي راحتج ناطرتج ;*

العفو و لو غلاتي :eh_s(7):

مشكورهـ ع الطرح بس بليز ساعديني


انا مايوصلني برودكاست ككلش مادري ليش مع ان طالع عندي 3g

للعلم اني مشتركه بالخدمه ولما اروح manage connection

الاقي كلهم عليهم صح وكابتل لتر بعد انا جهازي بولد ​

الخدمة عندج مو مفعله
اتصلي على مسؤول الخدمة بشركة الخط اللي مشتركة في

لازم يطلع لج EDGE << كابيتل

 

[Dreamy G!rl]

رد: رد : رد: اللي عندها سؤال عن البلاك بيري .. ان شاالله تلقى الجواب

مرحبا

بنات الحين اقدر اشبك من البي بي بدون الخدمة

يعني انا مابي مسنجر بلك بيري بس ابي مسنجر ويندز لايف

يعني اقدر لو خذيت الخط الي بالايقوا وحطيته دااخله اشبك وادخل على المنتديات وافتح مسن ويندز لايف

حبوبه جاوبت ع السؤال في الصفحة الثانية
ما تقدرين تفتحين المسنجرين الا بتفعيل الخدمة فقط لاااااا غير
جربي و التجربه خير برهان

 

[Dreamy G!rl]

رد: رد : رد: اللي عندها سؤال عن البلاك بيري .. ان شاالله تلقى الجواب

ممكن سوال حبيبتي

ابي رسايل الايميل شلون اخليها توصل لجهازي انا جهازي 9700


وشكرا

سهله الطريقه حبيبتي

1- ضغطي على setup ( إعداد )
2- اختاري email settings ( اعدادات البريد الالكتروني ) اللي على شكل ظرف
3- ضغطي على اول جملة Add email account my existing ( إضافة حساب البريد الالكتروني الخاص بي الموجود )
4- دخلي الايميل و الباسوورد
5- بعدين next ( التالي )
و رح يقولج نطري بعد 20 دقيقه و توصلج الرسايل اوتوماتيك
:eh_s(6):

 

[ChocoLaTe Pie]

رد: رد : رد: اللي عندها سؤال عن البلاك بيري .. ان شاالله تلقى الجواب

مشكوووره وايد بس مشاءالله علييج نفسج حلوه تساعدين الواحد ان يسئل

حبووبه اذا سويت ان الايميلات توصلني شلون اقدر اكنسلها اذا لوويه ؟ وانا ليلحين ما شغلت الخدمه بس دشيت على ال setup وما لقيت صوره الظرف بس لقيت setup wizard ,setup wifi,setup bluetooth, watanya

و شغلت الديلفري ربوورت مثل ما قلتي و يطلعلي يم المسجاات علامه صح و ساعات فووقها حرف ال D صغير يعني جذي تأكيد ان وصل صح ؟

و مراات حق نفس تلشخص يووصل و يطلع الحرف بعدين ما يطلع بس يطلع صح بدون الحرف شمعناته ؟

يعني انا الحين جهازي 9700 اذا بغيره وانا مسيفه كذا رقم حق نفس الشخص بس لما اروح sim phone bookl يطلعلي حق كل شخص بس رقم واحد يعني اذا دخلت الخط بفون ثاني راح يطلعون الارقام الثانيه و الاسامي اليديد الي ماكانت موجوده بالخط ؟

و حبووبه انا نزلت فيس بوك و توتر بس ما شغلت الخدمه و ما يدشوون عندي معني قاعده اشبك من واير لس عادي ؟

و نزلت الdesktop manger و وصلت البيبي بس توهقت طلعلي اشيااء غير الصور الي انتي حاطتهاا قدرت بس انزل برناامج قوقل الي بالصووت بس من البلاك بيري مو من الاب الاثنين الباجي ماقدرت انزلهم و في برنامج عشان اعدل الصور الي اصورها بالفون يعني اغير اللون و هالسوالف ؟

و حبووبه اذا ابي لما اتكلم و وصلني مسج يووصلني تنبييه حطييته notify me during call جذي صح ؟ لان توصلني مسجات وانا مادري

و لماا اكتب المسجات بالعربي حق حرف ال س و ش ماكو طريقه او دقمه ارعصها عشان احدد ابي ال س ولا ال ش لان كل مره اتخربط و بدلياات و يطلعلي مثل بوكس صغير في كذا كلمه اقدر اشيلهم ؟ لان ينرفززل و لما اكتب بالانقلش كلمه min تطلع minute شقدر اسوي عشان ماتطلع ؟ و رنه المسج ذبحتني اسوييها و تطلعليي ساعات و مرات تطلع بس دقه عاديه مالت البيبي مو الي انا حاطتها و مرات بس يشب احمر و لما ادش اجيك اسم الدقه موجود و كل شي و مرات تطلع مرات لا !! ايييييييست من هالسالفه !

و حبووبه شالفرق بين فايل sms&mms و messages يعني المسجات الي توصلني نفسها نفسها مني و مني بس بعرف اذا في فرق

اي و الميمووري جم ؟ و اقدر اشتري ميموري اكبر عدل ؟ و شلوون اعرف انا وين مسيفه الصور و الاغاني اذا على الميموري ولا الفوون شلوون ؟ ووين الميموري اي صووب بالجهاز ؟

و سوووووووووورييييييييييييييييييييييييييييييييييييي و والله يوووفقج دنياا و اخرررره قولي امييييين و كل الي فباالج يصييير و ترتااحين مثل ما قعد تريحيينا الحين لوووووول يعني برقع اسئلتي بالدعوووه :$

 

[عربجيه]

العفو و لو غلاتي :eh_s(7):



الخدمة عندج مو مفعله
اتصلي على مسؤول الخدمة بشركة الخط اللي مشتركة في

لازم يطلع لج edge << كابيتل

مشكوره حبيبتي ماتقصرين

الله ينولج اللي في بالج ​

 

[10000]

رد: رد : رد: اللي عندها سؤال عن البلاك بيري .. ان شاالله تلقى الجواب

سهله الطريقه حبيبتي

1- ضغطي على setup ( إعداد )
2- اختاري email settings ( اعدادات البريد الالكتروني ) اللي على شكل ظرف
3- ضغطي على اول جملة Add email account my existing ( إضافة حساب البريد الالكتروني الخاص بي الموجود )
4- دخلي الايميل و الباسوورد
5- بعدين next ( التالي )
و رح يقولج نطري بعد 20 دقيقه و توصلج الرسايل اوتوماتيك
:eh_s(6):

حبيبتي سويتها مايصير

تطلعلي رساله كــالاتي :eh_s(14):

صادفت جهازك مشكله اثناء الاتصال بخادم هذا التطبيق . يرجى تحديد موافق ومعاوده الاجراء للمحاوله من جديد

 

[-aToNa-]

رد: رد : رد: اللي عندها سؤال عن البلاك بيري .. ان شاالله تلقى الجواب

بناات البطاريه عندي بسرعه تخلص قبل ما كانت جذي بس الحين مادري شفيها مع اني موقفه الخدمه ومو قاعده استخدم الجهاز وايد
بس اشححن ويشتغل ساعتين ويخلص
قالولي اخفف الاضائه مالت الشاشه وخليتها 10 بس هم ليلحين تخلص بسرعه
بلييز عطوين حل باجر مسافر وباخذ الجهاز معاي مابي ينطفي علي هناك

 

[Kawaii GiяL]

رد: رد : رد: اللي عندها سؤال عن البلاك بيري .. ان شاالله تلقى الجواب

مشكوووره وايد بس مشاءالله علييج نفسج حلوه تساعدين الواحد ان يسئل

حبووبه اذا سويت ان الايميلات توصلني شلون اقدر اكنسلها اذا لوويه ؟ وانا ليلحين ما شغلت الخدمه بس دشيت على ال setup وما لقيت صوره الظرف بس لقيت setup wizard ,setup wifi,setup bluetooth, watanya

مسح الايميل .. تروحين قائمة .. Setup .. بعدين email setting يطلع ايميلج تحته delete
لمن تشغلين الخدمه يتبطل سيت اب الايميل

و شغلت الديلفري ربوورت مثل ما قلتي و يطلعلي يم المسجاات علامه صح و ساعات فووقها حرف ال d صغير يعني جذي تأكيد ان وصل

و مراات حق نفس تلشخص يووصل و يطلع الحرف بعدين ما يطلع بس يطلع صح بدون الحرف شمعناته ؟


اذا صح بس .. ما وصل .. او الجهاز اللي مطرشتله المسج مغلق لمن يبطل يطلع حرف دي.. او عنده مكالمة
حرف ال d يعني delivered ..

يعني انا الحين جهازي 9700 اذا بغيره وانا مسيفه كذا رقم حق نفس الشخص بس لما اروح sim phone bookl يطلعلي حق كل شخص بس رقم واحد يعني اذا دخلت الخط بفون ثاني راح يطلعون الارقام الثانيه و الاسامي اليديد الي ماكانت موجوده بالخط ؟

يطلع فلان 1 رقمة الاول و فلان 1 رقمة الثاني .. الرقمين ما ينحفظون مع ان الرقمين بمكان واحد لنفس الشخص هذا عيب البيبي لازم تحفظين رقم رقم .. اي راح يطلعون لو حفظتيها

و حبووبه انا نزلت فيس بوك و توتر بس ما شغلت الخدمه و ما يدشوون عندي معني قاعده اشبك من واير لس عادي ؟
ر

و نزلت الdesktop manger و وصلت البيبي بس توهقت طلعلي اشيااء غير الصور الي انتي حاطتهاا قدرت بس انزل برناامج قوقل الي بالصووت بس من البلاك بيري مو من الاب الاثنين الباجي ماقدرت انزلهم و في برنامج عشان اعدل الصور الي اصورها بالفون يعني اغير اللون و هالسوالف ؟

]اذا صيغة البرامج jad لازم برنامج ota downloader و تطرشينه عن طريق البلوتوث للجهاز و لا اذا عندج الرابط تنزلينه مباشرة من البلاكبيري بالبراوسر جنج داشة موقع عادي
[/

اهو اكيد في برامج بس انا ما ااهتم لهم شغلي عالفوتوشوب باللاب .. بس في تاثيرات بسيطة و انتي تصورين روحي اوبشن و لعبي بالوايت بالانس و بالكولور افيكت

و حبووبه اذا ابي لما اتكلم و وصلني مسج يووصلني تنبييه حطييته notify me during call جذي صح ؟ لان توصلني مسجات وانا مادري

يس

و لماا اكتب المسجات بالعربي حق حرف ال س و ش ماكو طريقه او دقمه ارعصها عشان احدد ابي ال س ولا ال ش لان كل مره اتخربط و بدلياات و يطلعلي مثل بوكس صغير في كذا كلمه اقدر اشيلهم ؟ لان ينرفززل و لما اكتب بالانقلش كلمه min تطلع minute شقدر اسوي عشان ماتطلع ؟

لمن تكتبين مسج .. قائمة .. Enable multitap و ماراح يطلع القاموس
و ال س ضغطة وحده
ش ضغطتين .. راح تتعودين بعدين
و بالنسبة لل min
قائمة اوبشن .. Auto **** مسحيهم العربي و الانجليزي لان صج يأذي

و قائمة اوبشن لانغويج ..
Input language العربي ( maltitap


و رنه المسج ذبحتني اسوييها و تطلعليي ساعات و مرات تطلع بس دقه عاديه مالت البيبي مو الي انا حاطتها و مرات بس يشب احمر و لما ادش اجيك اسم الدقه موجود و كل شي و مرات تطلع مرات لا !! ايييييييست من هالسالفه !

البيبي رنة المسج و الاتصال و البيبي مسنجر و حتن وندور لايف و كل ايميل له رنه
انتي دشي بروفايل اختاري بروفايل وادفاسند حطي قائمة edit
و حددي كلشي و رنته


و حبووبه شالفرق بين فايل sms&mms و messages يعني المسجات الي توصلني نفسها نفسها مني و مني بس بعرف اذا في فرق

مسجس تلقين كلشي المسجات و مسجات المسنجر و الايميلات و لوووية واايد افضل اس ام اس اند ام ام اس .. لان بس مسجات و ام ام اس

اي و الميمووري جم ؟ و اقدر اشتري ميموري اكبر عدل ؟ و شلوون اعرف انا وين مسيفه الصور و الاغاني اذا على الميموري ولا الفوون شلوون ؟ ووين الميموري اي صووب بالجهاز ؟

مكتوب على المموري 2 غيغا .. و تقدرين تضيفين لي 16 غيغا .. اهو البيبي جنه علطول على المموري وصلي الجهاز باليو اس بي ليل الكمبيوتر و دشي على المموري و شوفي الصور .. اذا لقيتي صور او نغمات بره ملف المموري قصيه و حطيه داخل

و سوووووووووورييييييييييييييييييييييييييييييييييييي و والله يوووفقج دنياا و اخرررره قولي امييييين و كل الي فباالج يصييير و ترتااحين مثل ما قعد تريحيينا الحين لوووووول يعني برقع اسئلتي بالدعوووه :$

اجمعين

 

[Kawaii GiяL]

رد: رد : رد: اللي عندها سؤال عن البلاك بيري .. ان شاالله تلقى الجواب

حبيبتي سويتها مايصير

تطلعلي رساله كــالاتي :eh_s(14):

صادفت جهازك مشكله اثناء الاتصال بخادم هذا التطبيق . يرجى تحديد موافق ومعاوده الاجراء للمحاوله من جديد

حبيبتي طبقي المكتوب .. حاولي مرة ثانيه في وقت ثاني .. كل مرة يطلعلج جذي ؟؟

بناات البطاريه عندي بسرعه تخلص قبل ما كانت جذي بس الحين مادري شفيها مع اني موقفه الخدمه ومو قاعده استخدم الجهاز وايد
بس اشححن ويشتغل ساعتين ويخلص
قالولي اخفف الاضائه مالت الشاشه وخليتها 10 بس هم ليلحين تخلص بسرعه
بلييز عطوين حل باجر مسافر وباخذ الجهاز معاي مابي ينطفي علي هناك

يمكن انتهى عمر البطارية لسوء الاستخدام او لطول مدة الاستخدام .. اشتري بطاريه ثانيه احتياط
و طريقة الشحن المثالية انج ما تشحنينه لو نقص .. تشحنينه لييييييين يخلص خلاص بيطفي و الافضل ان يطفي تشحنينه
مو كل ما نقصت البطاريه شوي شحنتيه ينقص من عمر البطاريه​

 

[-aToNa-]

رد: رد : رد: اللي عندها سؤال عن البلاك بيري .. ان شاالله تلقى الجواب

Kawaii GiяL
مشكورره
توا جهازي صارت فيه مشكله كبيره
بروحا انطفا ولما اشغله يطول عشان يشتغل بعدين تطلع صفحه بيضه كاتبين qpp error 200
وما اقدر اسوي شي بس حاطين تحت كلمه reset
وبروحا يسوي رسارت بس ما يشغل كذا مره حاولت ماكو فايده
مادري شسوي

 

[-aToNa-]

رد: رد : رد: اللي عندها سؤال عن البلاك بيري .. ان شاالله تلقى الجواب

سوري مو qpp
يطلع app error 200

 

[Kawaii GiяL]

رد: رد : رد: اللي عندها سؤال عن البلاك بيري .. ان شاالله تلقى الجواب

وي حبيبتي عيل المشكله مو بالبطارية مشكلتج بالسوفتويير
لازم تسوين باك اب للجهاز و تنزلين السوفتوير اليديد

 

[Dreamy G!rl]

يعطيج العافيه Kawaii GiяL ع المشاركات الطيبه
بالتوفيق لج يارب

 

[-aToNa-]

رد: رد : رد: اللي عندها سؤال عن البلاك بيري .. ان شاالله تلقى الجواب

شنو اهوا الباك اب ؟

 

[Dreamy G!rl]

رد: رد : رد: اللي عندها سؤال عن البلاك بيري .. ان شاالله تلقى الجواب

حبيبتي سويتها مايصير

تطلعلي رساله كــالاتي :eh_s(14):

صادفت جهازك مشكله اثناء الاتصال بخادم هذا التطبيق . يرجى تحديد موافق ومعاوده الاجراء للمحاوله من جديد

المشكلة من الاتصال عندج بالنت