اللي عندها طفل اختنق بالولادة تدخل جزاكمـ اللهـ خير

[بعيوني الهلاكـ]

السلامـ عليكمـ أمهات


مثل ما شفتوا بالعنوان أنا ولدي حاشهـ اختناق ولادي درجة ثانية إلى ثالثة والحين عمرهـ شهرين


لما كمل الشهر الطبيب قالي انهـ عندهـ تيبس بسيط بالعضلات ومحتاج علاج طبيعي


خذيتهـ على أخصائي علاج طبيعي بالبحرين لني ولدت هناكـ قالي انهـ حالتهـ بسيطة جداً وبيحتاج من ست إلى سنة بالكثير


أبي أعرف منو أفضل الأخصائيين بالكويت بالحكومة والخاص


وشنو تنصحوني حكومة ولا خاص


واللي عندها حالة نفس ولدي ياريت تكتب لي عن اللي صاير وياها وشنو سوت لهـ وعند أي أخصائي تعالجهـ لني صج صج تايهة ومابي أأخرهـ أكثر عن العلاج أخاف تزيد حالتهـ وتصعب


ساعدوني اللهـ يجزاكمـ الجنة

 

[al6aylaaa]

اااب
الله يششفيه

 

[Vous jamais]

الله يشافيه ويعافيه ..

 

[بعيوني الهلاكـ]

تسلمون عالدعوات بنات


معقولة مافي ولا وحدة عندها نفس حالتي تقدر تساعدني..؟

 

[رنيم الروح]

حبيبتي ان شاءالله ماعليه الا العافيه وانا دكتوره بس حبيت اقولك اهم شي الحين الدكتور الصح والعلاج الطبيعي المستمر لا تتاخرين لانه بتزيد حالته ومراح تتحسن راح تشتد العضلات عنده وفيك تتعلمين من الدكتور كيف اتسوين له المساج وطبقينها بالبيت اله
بالنسبه حق الاخصائي يفيدونك البنات لانه انا ماني عايشه بالكويت

 

[أم عبدالرحمن 1]

في دكتور ممتاز في مركز الفهد ( مستشفي الطب الطبيعي ) اسمه د. ابراهيم امين اسالي عنه وان شاء الله يفيدك

 

[بعيوني الهلاكـ]

رنيمـ مشكورة ياقلبي وأنا قاعدة أحاول أسويلهـ تمارين اللي علموني اياها بالبحرين


أمـ عبد الرحمن مركز الفهد حكومة ولا خاص..؟


ووين مكانهـ..؟

 

[أم عبدالرحمن 1]

مركز الفهد حكومي تابع لمستشفي الطب الطبيعي اللي عند دوار الامم المتحدة ( دوار العظام) في الشويخ. دا رقم د. ابراهيم . هوا يقولك علي التفاصيل 99919036.

 

[dubai girl]

الله يشفيه

 

[امونة 2000]

الله يشفيه ويعافيه

 

[fun]

الله يشفيه و يعافيه

 

[الصابرة المحتسبة]

رفع

 

[الصابرة المحتسبة]

اللي ولدها فيه نقص اكسجين واثر عليه بليييييز تدخل

 

[اوووفه]

ام عبدالرحمن انا لاحظت ان بكذا موضوع تكتبين عن دكتور ابراهيم وانتةتقولين انج ما شفتي شغله وتمدحينه حيل وتحطين رقمه اهو يصيرلج وتسوينله دعايه لاني لاحظت اللهجه مالتج مصريه
تري موضوعنا بالذات مايتحمل دعايات لان هذول اطفال معاقين مايتحملون التجارب ممكن الطفل تصيرله مضاعفات من التمرين الخطيء والدكتور الي ماعنده خبره وانت مو منتبهه لهشيء تري انت قاعد تاخذين اثم فينا لانج تخلينا نتعلق بامل ونخسر فلوس ونتعب الطفل علي الفاضي

اتمني انج تحكمبن ضميرج وانا ماكتبت هالكلام الا بعد ما تأكدت وشفت كل المواضيع الي يطلبون فيها دكتور طبيعي تدخلين وتمدحين شغله وتحطين رقمه ولما سالتج انت مجربته قلتيلي انج ماعندج اعاقه وماجربتيه

 

[ikilled barbie]

الله يشفيه و يعافيه

 

[بعيوني الهلاكـ]

بنات حالياً أنا أعالج ولدي بمركز الفهد عند دكتورة عزة والحمدللهـ مرتاحة منها وانشاللهـ خير


بس عندي سؤال ثاني


أبي دكتور عيون للأطفال زين أبي أسوي حق ولدي فحص قاع العين


ياريت تساعدوني اللهـ يخليكمـ

 

[الصابرة المحتسبة]

الله يتمم عليكم

ودكتور للعيون عندج مستشفى دار الشفا هناك دكاترة زينين

واذا تبين حكومي مستشفى البحر عند د-عبدالمطلب بهبهاني