اللي عندها طفل بطيئ نعلم او تأخر الدراسي..

[shjoon]

السلام عليكم ورحمة الله وبركاته

خواتي العزيزات.....

حبيت افتح هالموضوع علشان اللي مرت بالحالة

وقالوا لها ولدج عنده عجز تعلم ..

شنو سوت وين راحت علمونه من تجاربكم....

عسى ان يكون تجاربكم فيها ما يساعد اسر تعاني من هالمشكلة ...

انتظر تفاعلكم...

تحياتي...​

 

[داون سندروم]

هلا ومرحبا فيك عزيزتي
انشاء الله تلقين كل ما تحتاجين الأجابه عليه
وانا بحاول انزل لك كل مايخص بطيء التعلم بص نصيحه مني ترا يبون مجابل عشان يتحسنون
والله يوفقج وهلا مرحبا فيك معنا مرة ثانيه

 

[shjoon]

الله يعطيج العافية اخت داون

ونحن بانتظار الاخوات اللي مروا بالتجربة.....

 

[داون سندروم]

أخت أشجان
كل حاله تختلف عن أخري مثلا أحنا مو عارفين
اي معلومه عن ولدج لذالك يجب ان تذكري لنا كل مايخصه
وذالك لأفادتك بكل ما تحتاجينه
وأحنا أهنيه لخدمة أم ذوي الأحتياجات الخاصة بكل ما يخصهم
تحياتي لك

 

[رمانه كويتيه]

انا اعرف وحده ولدها عمره 14 سنه بطيىء التعلم طبعا يدرس بمدارس خاصه بس على حساب الحكومه ويساعدونهم بالدراسه ياخذ نفس الشهاده بس التدريس عندهم مو مكثف

 

[داون سندروم]

هلا فيج عزيزيتي
طبعا كل حاله لها قدرات تختلف عن اي حاله ثانيه
وكل طفل تنعمل له خطة فرديه مناسبه تمشي المدرسه عليهابعد دراستة حالته
تحياتي لك

 

[shjoon]

اخت خوخة سألي صديقتج عن اسم المدرسة ,,,,وهل صار في تطور وتحسنت حالته,,,,شنو كانت حالته بالضبط

وشكرة لج المشاركة

 

[ناني سيكرتس]

انا ولدي من هالفئه, توني مدخلته المدرسه النموذجيه الي بشرق, عمره 6 سنين يعني باولى ابتدائي, لمدرسه مجابلينه مجابل ولله الحمد, انا شايفه وايد تطورات عليه ..

 

[داون سندروم]

فعلا مدرسة ممتازة

 

[مرمر]

انا ولدي من هالفئه, توني مدخلته المدرسه النموذجيه الي بشرق, عمره 6 سنين يعني باولى ابتدائي, لمدرسه مجابلينه مجابل ولله الحمد, انا شايفه وايد تطورات عليه ..

يعطونه واجبات بالبيت ولا يعتمدون علي المدرسة
اول مدرسة ولا جربتي مدرسة وغيرتي

معلش وايد اساله بس للافادة اللي دخلوا عيالهم مدارس وما كانت زينه ياريت يكتبون او مدارس وكانت ممتازة والاستفادة قوية يكتبون
الله يبلغج فيه وتفرحين بتخرجة من الجامعة

 

[الجآدل الغشمرية]

شلون عمره 6 سنوات ويتصنف بطيء تعلم؟
اللي أعرفه إن مراحل بطء التعلم تبدأ من الصف الثالث إبتدائي
يعني بعد سنتين للطفل بالإبتدائي إذا بين إن عنده تأخر دراسي
وبعد إختبارات ذكاء وتقويم الطفل يتحول للفصول الخاصة لبطييء التعلم
وبالمدارس الحكومية يدرس بطيء التعلم من الصف الثالث حتى التاسع فقط
يعني ما يأخذ شهادة الثانوية والمناهج جدا مخففة عشان تتناسب مع قدرتهم الاستيعابية و
ذاكرتهم.. آسفة للإطالة

 

[داون سندروم]

الجادل يشرفنا ان تكون عضوة وعايه مثلك
تتكلم عن حقايق واقعية
أحيك

 

[الجآدل الغشمرية]

الجادل يشرفنا ان تكون عضوة وعايه مثلك
تتكلم عن حقايق واقعية
أحيك

تسلمين حبيبتي.. وبهالموضوع إن شاءالله اقدر أفيد وأستفيد.. حاضرين للطيبين:eh_s(17):

 

[داون سندروم]

شاركي معانا الجادل يهمني الي مثلج
يكون يتكلم بحقائق واقعية
ضروري تشاركينا عزيزتي

 

[جورىة2]

انا ولدى فية اعاقة خفيفة ووديتة مدارس المعاقين خاف ما يبى يروح وانا ولدى عمرة 8سنين لانهم حاطين كل الحالات مع بعض اخر شى استغريت على مدرسة الكويت العالمية الانجليزية الى بحولى على حساب الحكومة وووووووووايد مرتبة يدرسونة بذمة وبعض المرات اذا ما فهم يعطونة تقوية بروحة

 

[shjoon]

مشكورين خواتي على المشاركة,,,,

الجادل ,,,معنى كلامج انه حده ياخذ المتوسطة

الجوري,,,ولدج صغير ليش ما نطرتي يمكن ضعف بس اللي عنده والا انتي شفتي فية شي خلاكي تتأكدي انه بطي الفهم

خواتي ,,,احيانا الاخصائيين يستعجلون ممكن فيه تاخر دراسي ويصنف عجز تعلم وبطي فهم ويحول للمدارس الخاصة ..ويصير حده متوسطه

 

[الجآدل الغشمرية]

مشكورين خواتي على المشاركة,,,,

الجادل ,,,معنى كلامج انه حده ياخذ المتوسطة

الجوري,,,ولدج صغير ليش ما نطرتي يمكن ضعف بس اللي عنده والا انتي شفتي فية شي خلاكي تتأكدي انه بطي الفهم

خواتي ,,,احيانا الاخصائيين يستعجلون ممكن فيه تاخر دراسي ويصنف عجز تعلم وبطي فهم ويحول للمدارس الخاصة ..ويصير حده متوسطه

إي نعم إختيshjoon بالمدارس البحكومية الفصول الخاصة ببطيئ التعلم تنتهي مراحلها بنهاية المرحلة المتوسطة
بعدها ممكن الطالب أو الطالبة ياخذون دورات وممكن يتوظفون عليها.. وما تتصورين فرحتهم بتخرجهم من الصف التاسع، لأن يكون عندهم إحساس إن خلاص ((لا مزيد من المعلومات)) والحمدالله يكونون مقتنعين جدا بوضعهم، بس المحزن في الموضوع هو استعجال بعض أولياء الأمور بطلب تحويل أبناءهم للفصول الخاصة ببطء التعلم وللأسف الهدف يكون بس إنهم بيرتاحون من تدريس ولدهم أو بنتهم المتعثر في مادة من المواد، لأن المناهج في هالفصول تكون بسيطة ومعتمدة اعتماد شبه كلي على المعلمات،يقررون إن خلاص ماااااااااا يستوعب ولازم أحوله، بس ما فكروا بإنهم بيقتلون طموح بنتهم أو ولدهم باستكمال الدراسة بالجامعة أو الكليات ما بعد المرحلة الثانوية ،،آسفه للإطالة والله يكتب الخير للجميع...:eh_s(7):

 

[الصابرة المحتسبة]

رفع

 

[الصابرة المحتسبة]

رفع

 

[أخصائية تخاطب]

مشكورة عالموضوع