اللي عندها طفل منغولي .. أو عندها خبرة بهالسوالف تساعدني وتساعد هالياهل المسكين.. :'(

[Anastasia]

السلام عليكم ..

بنات اخوي فيه نسبة خفيفة من متلازمة الداون اللي اهيا الطفل المنغولي ..
.
الحمدلله مو كامل .. يعني خلايا فيها وخلايا لأ فهمتوني ..
.
وفيه فتحات بالقلب .. وصمام مادري شفيه .. سويناله عملية .. وفيه غدة درقية... بس عطيناه برقدوش جاي اعشاب .. الحمدلله تحسن واايد ..
.
وعلى فكرة اهوا انولد قبل شهره ..بالثامن .. يعني خديج ..
.
اسم الله عليه بيكمل سنة آخر هالشهر .. بس ..
.
لليلحينه رخو ..جنج شايله جيس ماي.. راسه يطيح ورا .. وايدينه ما يحركهم عدل ولا ريوله ..
.
وما يقعد ولايحبي ولا يمشي ولا يتكلم الا (ابه اممه .. ) يعني جذي فهمتوني ؟
.
رحنا حق الدكتور محمد سعيد .. عطانا كالسيوم وادوية قالنا وكلوه عدس وفول وكذا شغلة ناسيتها ..
.
والحمدلــــــــــلـــــــــــــه .. يعني واااااااااااااااايد تحسن عن أول وااايد .. يعني اشوه قام يشد .. وقام يقلب وينام على بطنه.. بس ليلحينه رخو .. يعني لو تشوفونه ما تعطونه سنة أقل .. يعني ستأشهر وتحت ..:0bee2e8d89:
.
شنسوي ..طبيعي انه ليلحينه ما يحبي؟ولا يمشي ؟ وشنو تنصحوني اعطيه بعد؟شنو ممكن اسويله من خبرتكم ؟تنصحوني بدكتور؟وهل له علاقة بكونه منغولي انه مايمشي ولا يحبي؟
ويزاكم الله خير ..
.​

 

[احلى خجل]

الله يعافيه ان شاء الله

 

[Bella^^swan]

هلا يا قلبي ..

شوفي .. انا اخوي منغولي وعمره 12 سنه مع ان لو تشوفينه تعطينه 5 او 6 سنين .. مرينا معاه بنفس حالكم ..
كان جسمه رخو ونطقه حيل حيل ضعيف .. وكنا فاقدين الامل انه يتكلم او عالاقل نفهم شيقول ..
لكن الحمدلله صبرنا ومع الوقت تحسن حاله .. صج خذا وقت طويل على ما يمشي .. بس الحمدلله اهم شي ان بالاخير قدر يمشي ..

سمعي مني ... احنا وايد تعبنا مع اخوي .. يعني والله ان للحين ما يدخل تكرمين الحمام بروحه .. لازم احد
معاه .. وما نفهم كل كلامه .. وهم يلقى صعوبه اذا يه يلبس هدومه والاغلب احنا نساعده .. فلا تحاتين ..
ترى الأمور كلها طبيعيه .. واهم شي الصبر .. وانتو بعد شجعوه ان يتحرك .. مثلا حطو شي يحبه بعيد عنه
علشان يحاول ياخذه ومن
هالامور .. وان شا الله ما فيه الا كل خير .. واي استفسار ثاني انا بالخدمه

 

[ملكة أسرتي]

الله يشفية أن شاء الله وتشوفونه بأحسن حال

 

[مطيرية قمر]

هذا سايت طبيب دوت كوم

http://www.6abib.com/a-953.htm

فيه شرح مبسط
ومنتدى يشارك فيه نخبة من الأطباء
تقدرين تاخذين منهم
المعلومة الطبية السليمه
بس سجلي بالمنتدى
والله يواجر أمج ويقويها

 

[Anastasia]

يزاكم الله خير على هالدعوات الحلوة ..
claira..
عساج عالقوة ماقصرتي طمنتيني الله يرزقج باللي تتمنينه ..
.
مطيرية قمر ..
.
يزاج الله خير عالسايت.. صج مفيد ..بميزان اعمالج ان شا الله ..
.

 

[Bella^^swan]

افا عليج يا عمري انا حاضره بأي وقت .. ومشكووووره عالدعوه الحلوه

 

[كويتيه لذيذه]

ااااااااااااااااالله يشافيه ياربى واطمنكم علييييييييه يااااااااااارب

 

[بوفيه مناسبتي]

حبيبتي جوجو أولا الحمدلله على كل حال 000
وثاني شئ ليتج تقولين حق أمج إن هالطفل هو مفتاح الجنة بإذن الله 0
الاطفال من هالفئة متلازمة داون ،، وحالاتهم تختلف من ناحية الذكاء ومن ناحية البنية الجسمية وشهية الأكل 0
ولله الحمد إنه ياكل 000 بنت صديقتي عمرها خمس سنوات ماتاكل الا مطحون وعن طريق الحقن بفتحة بالبلعوم0000
هالطفل مايبي منكم الا الصبر 000وممكن تنفعه المقويات والتدريبات كالعلاج الطبيعي 00 والله يعينكم 000والحمدلله على كل حال 0