اللي عندها طفل مواليد 15-3 او عندها معلومة أكيدة بليز تفيدني

[الدر المكنـــون]

السلام عليكم و رحمة الله و بركاته

بنات ماعندي غيركم اقدر اسئلة بليز جاوبوني


بعرف اللي يولد بتاريخ 15-3 يدخل المدرسة قاصر او زايد عن عمره !!!

اللي قبل 15 -3 يدخل قاصر أكيد
و الي بعد 15 - 3 يدخل زايد عن عمره أكيد


بس اللي محيرني وودي اعرفة مولود يوم 15-3 وين تصنيفة بالظبط لان وحدة اعرفها مقررتلها الدكتورة عملية قيصرية بهالتاريخ و اهيا اتحب يوم الاثنين للولادة اصلا تتفائل فيه بس تبي تتأكد عشان ما يكون سبب بتأخير ولدها سنه دراسية كاملة و اهيا بإيدها تقدم يوم لانها قيصري اصلا


بليز فيدوني و وين بالضبط تعرف هالاشياء الرسمية باي مكان تسأل

 

[manarah]

تدق على اي مدرسه وتسألهم ... بس انا اقولج مولود 15/3 يدخل المدرسه صغير يعني ما تضيع عليه السنه ... اذا تقدر تقدم الموعد وما يضرها تقدمه ليش لأ والله يسهل عليها

 

[نور الدنييا]

اذا انولد 15/3 ماتطوفه سنه يدخل صغير
اما اذا انولد 16 يتاخر

 

[مبايلي كويتي]

عادي يدخل المدرسة
اللي بعد 16-3 يدخلون متأخر

 

[غير كل الناس]

يدخل صغير

 

[الدر المكنـــون]

مشكورييييييييييييييييييييين بنات وايد على الرد
بس ودي اتأكد من هالمعلومة رسمي من اي جهه او ام عندها مولود بهالتاريخ ترد علي بالخبر الاكيد بليز

 

[القرآن ربيع قلبي]

البنات ماقصروا
الله يسهل عليها الولاده
خل تدعي الله يرزقها طفل صحيح سليم معافى لا تفكر بهالامور كل شي بوقته حلو
لا تحاتي وتقلق
سبحان الله العلم عند الله لا تفكر بالمستقبل
الله يسهل عليها ويرزقها بالطفل الصالح