اللي عندها عيال ومرتبة تنقذني

[noorae]

السلام عليكم ورحمة الله وبركاته

مساء الأنوار .. :eh_s(7): .. طبعا للي عندها عيال واللي ماعندها ..

أنقذوني ..
عايشة في حوسه عجيبة .. تعبت من الترتيب كل يوم مرتين وثلاث ..
مليت ..
وصلت فيني اني ايلس اصيييييييييييح ..

عندها بنت عمرها سنتين باسم الله عليها .. الله يحفظها .. حركية وفيها شوية شغب ..
ماخلت لي شي في السدات ..

ماشاء الله عليها ..
وتعرفون الطفل في هالسن يحب يستكشف اللي حوله .. ويجرب ..

كبتاتي وسداتي كلها بدون مفاتيح .. لأنه اثاثي من هوم سنتر .. وتعرفون هوم سنتر كله بدون قفول ..

كريماتي تطلعها من السدات وتفتحها وتعصر .. نظاراتنا .. العطور اللي انكسر واللي تلعب به ..
المكياج .. الملابس ..
متعلمة تركب على حافة الأثاث عشان تطول اللي فوق الكومدينة ..

دنيتي اعتفست ..

كل شي شالتنه عنها وحاطتنه في المنز لأنها ماترقد فيها ..
وكل شي حاطتنه فوق ..
والسدات خالية :bbbiu::bbbiu::bbbiu: ..

ماعرف شو اسوي ..

اشتريت قفول الـ safety من محلات الاطفال ..
الكبتات الكبيرة سلمت .. ماتقدر تفتحها ..
لكن السدات والكومدينة مافي فايدة ..

عندي 7 سدات فاضية ماقدر احط فيها شي لأنها تفتحهم وتطلع اللي فيهم ..

شو اسوي !!:eh_s(1):

 

[ورود كويتيه]

السلام عليكم ...... :eh_s(17):
الله يعينج حبيبتي ~ٍ~ْ~
عندي وعندج خييييييييييييييييييير :eh_s(10):
انتي بنوته وحده وتبكين ~~~أنا شقووووول :eh_s(11): عندي بنتين وولد الله يهديهم ويصلحهم~~~
شاقين القاع وطالعين :eh_s(2):

تعبوني حييل وشقتي قالبينها فووووق تحت.. حركتهم واجد ولازم ينكسر شي بالبيت والا مايرتاحون :gathering:
آآآآه ياربي بس شنسوي هدايا عطيناهم مانفع ...طق وتطفخ طقينا مانفع ..
اللهم لا اعتراض بشق اهدومي منهم ....
اللي عندها حل تنقذنا جزاها الله خير

 

[مقمش لولو]

الله يخلى لكم عيالكم

عندنا وعندكم خير شوفى حبيبتى انا طريقتى كالتالى اول شي كل الابواب مقفله وكل الليتات مسكره مافى الا الصاله

وفيها التلفزيون يشتغلطبعا كل الاكسسوارات والمفارش مرفوعه علشان مايكسرون

اذا ملو قمت وبطلت لهم غرفة الالعاب يلعبون فيها على راحتهم جذي تقدرين تصكين عليها ماتقدر تحوس وايد

والله يحفظها من الشر عموما رفعى كل شي خطر الاوتى- الادوات الصغيره علشان ماتبلعهم- باب المطبخ مقفول دايما

لما يكبرون شوي يعرفون حق روحهم

 

[قفشـه]

عندنا وعندج خير

انا ولدي اسمالله عليه

نفس حركات بنتج بالضبط

يطلع بالكريمات ويعصر

يبطل البودرات وينثرهم

العطورات الغاليه يحذفهم بالارض لين تنكسر

الماي يكته عالارض

امم شنو بعد

كل انواع التخريب الممكنه

حدي معاه اطقه حيل على ايده ينفع مرات ومرات لا

ولا لاتشوفينه لما اغفل عن لابتوبي فجأه يتعبث فيييييه يطفرني

بس شسوي التربيه جهاد واحنا نجاهد الله يعينا بس!

 

[هديل 77]

الله يعينج ياقلبي



>>>>>>

 

[ريماا]

لله يعييييييييينج الحمدلله عيالي ماشالله علي شطاانتهم ماعمرهم حاسوولي غرفتى يمكن ليش انى اعصب حييل لى مسكوو شى
اشتريلج بوكسات او الصناديق للي فيها قفل وحطى مكياجج فيها والكريماات حطيهم بمكاان ماتوصلة والجرارات للي تحت استغليهم باغرااض ماتقدر تحوسهم او اغراض ماتتكسر ولاتدمر مثلا ملافعج احزمة اهم شي الاغراض القابلة للكسر او سوائل كريمات وغيرها تنحط اما بصناديق الميك اب للي بالقفل او فووق بعيد عنها وغيرى مكاان التسريحة عشان ماتركب ع السرير وتصعد لهم
ودايمااااااااا خلي غرفتج مسكررررة علي طوووووووووووووول انا لى الحين عيالي كبار واصرخ اذا ادخلو داري
لله يحفظهاا لج

 

[(رنين)]

سبحان الله نفس بنتي
أصلا مخليه الدرج الاخير نفس الدرج لها تركب عليه
تخيلي شاريه أبجورهتجنن بنفس اليوم انكسرت حدي احتريت
بس ما أقول إلا الله يعين
أهم شي قفلي غرفتج
و الله يخليها لج
بايات

 

[احلا رفقه]

الله يعينكم السنين تمر بسرعه ما تشوفونهم الا وهم كبرووو
وترتاحون من شيطنتهم
ربي يخليهم لكم ان شاءالله​

 

[@ام يوسف@]

عندي وعندج خير نفس معاناتي انتي اذا عندج بنت وحده انا عندي الله يحفظهم 3 كبار وواحد صغير

 

[^DanaH^]

آآآآآآآآآآآآآه لاتفتحين هالموضوع ........ أنا يأست خلاص الزل والقنفات ملون من كل لون ومن كثر الغسيل الألوان راحت ... الطوف عليها رسمات شي نقدر نوخره وشي خلاااص مايروح .... ميكياجي معصرررر والحمر متكسرين ... حاولت بكل شي طق تكفخ تهديد توزيع هدايا ماااكوووو... وتقفل نقفل بس هم في وقت بتبطلين او تنسين !!! ....


امي حبيبتي قالت لي الحــــــــــل



ماكوووو غيـــــــــــره










انطريهم لين يكبرون ههههههههههه


تخيلوا مابي أجدد الأثاث اخاف احتر خلونا بحوستنا لين يكبرون ههههههه



....

 

[مس عسولة]

حبيبتي كوني كمعلمة روضه ان شاءالله افيدج
اولا الله يحفظها اعرفيً بتكبر وتهدا ان شاءالله يعني مرحله موقته
لاتعطينها برتقال وطماط وكاكاو لان يزيدالحركة
مكياجج وكريماتج حطية بالصندوق المكياج الي يتسكر من المباركية او اي محل مكياج من الهنود
سكري الغرف الي ما تتكررين لها
حطي علاق المفتاح لكل غرفة الي تطلعين منها سكري بالمفتاح ورفعي
الحمام حطي ستاند مرتفع للشامبوات وغيرة
وعند سنتر بوينت حمايه للباب الكبت حطي لكل الكبتات الي عندج
ماتقدر تبطله انا حاطتة حلو
اتمني اني فدتج ودعوه ان الله يتمم شفائي ويحفظني

 

[دشداشه ورديه]

هاليهال ما يفيد معاهم تمشع ولا ضرب

علقي كل شي لا تخلين شي تحت

باب غرفتج سكريييييييييييييه طول اليوم وعوديها انه هالشي ممنوع ...اوووول ما تبطلين عيونج من النوم رتبي الغرفه وطلعي منها خلاص لين ترجعين تنامين

المطبخ قفليه بعد ما تخلصين منه انشالله لو ماخذه منه ماي داخله قفليه طالعه قفليه ..واذا كان مفتوح ما فيه باب حطي شبك موجود في ايكيا على ما اعتقد

عوديها تقعد في مكان واحد خلها اتعفس فيه ..حرام بعد اهيا ياهل فيه طاقه لازم ايطلعها ..وبعد انتاي فيج طاقه لا تسوين شي فوق طاقتج

مايقوم الا حظ الخايبه على قول امي ههههههه

 

[عيالي ذيابه]

واااي لاتشكين لي وأبكي لش
مااتوقع نفس عيالي عبالي
مسوية عصابه علي
والله مااقدر اقعد عدل الا اذا نامو

 

[وحدة كويتية]

الله يعينكم انشاءالله ويعيني انا بعد انا عندي خمسه عيال ومجننيني الله يصلحهم ويخليهم لي والادراج اللي تحت وتقدر توصل لهم حطي فيهم شغلات ثقيله ما تقدر تطلعهم انا حاطه فيهم كتب وملفات معبيتهم عدل ومسكره الدروج والمكياج والكريمات كلهم شيليهم وسكري عليهم لا تخلين شي برا لانه راح يروح فيها والشغلات اللي بسرعه تنكسر هم بعد ارفعيهم
تخيلي انا عيالي يصعدون فوق الشوفونيره عشان يوصلون للبنكه والثريا

 

[زوجي توأم روحي]

السلام عليكم ...... :eh_s(17):
الله يعينج حبيبتي ~ٍ~ْ~
عندي وعندج خييييييييييييييييييير :eh_s(10):
انتي بنوته وحده وتبكين ~~~أنا شقووووول :eh_s(11): عندي بنتين وولد الله يهديهم ويصلحهم~~~
شاقين القاع وطالعين :eh_s(2):

تعبوني حييل وشقتي قالبينها فووووق تحت.. حركتهم واجد ولازم ينكسر شي بالبيت والا مايرتاحون :gathering:
آآآآه ياربي بس شنسوي هدايا عطيناهم مانفع ...طق وتطفخ طقينا مانفع ..
اللهم لا اعتراض بشق اهدومي منهم ....
اللي عندها حل تنقذنا جزاها الله خير

جنج تتكلمين عنى انا بعد عندى بنتين وولد لاعبين بحسبتى لعب:eh_s(2):

 

[*lavandula*]

للادراج والكبتات عندش هذي تحصلينها بايكيا ومذركير وسنتربوينت

الحاجز مال الدرج قبل ماعندي خذامه فمااستغني عنه موبس للدرج استخدمه للمرات والغرف وباب الحوش بريييييحش

بعدين انا غرفت نومي مايدخلوونها كلش الا ماندر انا عيالي حرررررررفه عندي بنت موبنيه شرييجه تناشبني بكل شي فمااحبها تحوس باغراضي
غرفه النوم نقوم من النوم اتنظف وابخرها ونسكر الباب وخلاااص
حوستنا وقعدتنا ومعاركنا وهواشنا بغرفة المعيشه او غرفتهم واذا الجو حلو قعدت انا وياهم بالحوش حاطتلي طاوله وكراسي واحط لابتوبي واقهوتي وهم يحوسون عندي
صدقيني المساله مسالة نظااام وترتيب بعدين لاتلومين عيالنا والله يكسرون الخاطر اذبحتهم الحكرررره والبيوت والشقق الضيقه
فيهم طاقه وين يطلعونها احنا قبل احوشا وصالات والفريج اهم وييين ياحسره
لما توفريلهم مساحه للعب ومكان مريح صدقيني ماراح اعفسونلش شي
بعدين انت هذي اول طفل نصيييييحه عوديها على نظااامش اللي ترتاحين عليه لانه اخوانها بعدين اتاثرون فيها