اللي عندها غساله ملابس اوتماتيك تدش وتفيدني

[ام سالم وايه]

السلام عليكم
اشلونكم حبايبي ان شاء الله بخير
حبايبي انا شريت غساله اوتماتيك ماركة دايو
بس لمن احط الغسيل يقعد 3 ساعات فيها مؤقت انه بيقعد ثلاث ساعات اللي عندها خبره بالموضوع
تخبرني هل اقدر اضبطها على وقت محدد لانها بصراحه تتاخر وايد:krkrkr: وشغله ثانيه
لمن يجي وقت الدوران تدور بسرعه وتهتز هل عادي؟
بليز الحين الغسيل فيها له ساعتين وماخلص بليييييييز ساعدوني الله يحرم ايدينكم من النار ويوفقكم دنيا وآخره:yaaaaaarb:

 

[نسمة بحر]

كل غساله لها برنامج اقري الكتيب اللي معاها
اي تفتر بسرعه وتهتز عادي
غسالتي كانت 3ساعات لقيت اقل برنامج ساعة غسيل وساعه نشافه

 

[ام سالم وايه]

تسلمين ياغاليه على الرد بس احطهم ببرنامج غسيل القطن
بليز فيدوني

 

[ام سالم وايه]

بنات ردو بليز لاتطنشوني فديتكم

 

[يفداك قلبى]

انتى مختارة برنامج غلط
وفوق هذا تصرف كهربا وماى ع الفاضى
نصيحة اقرى عدل الكتيب على حسب نوع الملابس وجم تصرف وقت وماى فى جدول مكتوب يفهمج الطريقة عدل
وعن الاهتزاز عادى بس لو فكرتى بعدين تبدلينها لا تشترين الا ال جى

 

[حلاتي بندرة وجودي]

هلا حبيبتي انا غسالتي كانت تهتز حيييل لدرج شوي وتتكسر جاان ادق عالصياانه قالي الي مركبها لج قصده الادوات الصحيه مفروض شايل اربع براااغي كبار منها وحمدلله ماقمت اسمع منها اي صوووت ماشالله وغسالتي ماركة اكسترا حلوووة ومدت غسيلها نص سااعه عالعموووووم دقي على صيااانتها وكلمووهم يجووووون

 

[ريم خانم]

احلى شي lg حتى سريعه وتنظف حتى الملابس البيضا

 

[ام سالم وايه]

فديتكم على الردود خلاص انا اخليهم على برنامج الغسيل السريع ربع ساعه وتخلص مشكورررررررررين

 

[ارنب كول]

الاهتزاز عادي انا غسالتي كدا
وبالنسبه لمده الغسيل يجي اعلى المفاتيح برنامج
تحددي مده الغسيل ومده الشطف خليها 1عشان المويه
بس غسالتك تنشف ولا بس غسيل

 

[امواج الكويت]

حبيبتي انا غسالتي ماركه ثانيه بس نفس غسالتج مدتها ٣ ساعات بس من ضمن هالثلاث ساعات تنشيف ترى مو بس غسيل وبالصج هي اقل من ٣ ساعات

 

[!! دلوعته !!]

والله مادري كل غساله لها برنامج انا ال جي