اللي عندهم خبره (انتقل انا وزوجي نسكن ابروحنا )

[اغفرلي يارب]

السلام عليكم والرحمه بنات لما الوحده تطلع ابتسكن ابروحها مع اعيالها وزوجها شتسوي ؟شنو تشتري؟ شنو اتحط؟شنو اهم شغلات ؟اللي عندها فكره او مرت ابتجربه خل اتقول لنا واتشور علينا .احس ابرعب واحس ابضيقة صدر موعارفه شسوي

 

[UM^LEEN]

مافهمنا شنو قصدج ؟؟

قصدج اثاث ؟؟ ولا شنو ؟؟

 

[البسمه العذبه]

اول شيء شوفي شنو عندج من الاثاث وحطي ببالج ناس راح تستقبلينهم ببيتج وجهزي العده اثاث مواعين شغل المره الحلو لمسات الانثي بالديكور وكل شيء

 

[Om-Nasser]

والله الحال من بعضه وتوني حاطه نفس موضوعك بس بقرقه اكثر

 

[اغفرلي يارب]

مافهمنا شنو قصدج ؟؟

قصدج اثاث ؟؟ ولا شنو ؟؟

كل شي كل شي اثاث بس اهم شي المطبخ موعارفه وللعلم انا موشاطره بهالسولف وماعندي خبره مشكوره ام لين

 

[mayo0ona]

المطبخ طبعا الكترونيات واجهزة كهربائية على حسب انتي وحاجتج
الغاز
المواعين(طقم كامل صحون( سلطات-كريم كراميل -عيوش-دقوس-صلصات-صحون للفرن بايؤكس وللكيك قوالب وهالشغلات حسب انتي وحاجتج) قفاش سجاجين قاعدة لتقطيع الخضار وقاعدة لللحوم-حمالة مواعين-حمالة كلينكس-ادوات التنظيف للمطبخ من اسفنج وسيم وصحن للصابون-رولات النايلون للأرفف-ولاعة -طقم للجاي والقهوة واحد يكون كشخة لاستقبال الناس وواحد عملي لج لكل يوم واستكاين وفناجين وسكرية وقفاش حوس وشكر كشخة )
هذا اللي اتذكره حاليا للمطبخ
اما للبيت عموما ادوات التنظيف من فوط وخرج ومماسح وملابس المطبخ ومخمات للسيراميك ومخمة ام شعر لفرك الحمام وطشوت
وديتول اكيد سائل وكلينكس
ووووو شنو بعد
معطرات جو وفحم ومباخر
ليتات يديدة واضاءات يديدة للبيت
دواسات
وبس هذا اللي اتذكره اتمنى اني اكون فدتج
دعواتج حبيبتي

 

[Om-s3od-2009]

حبيبتي لا تشترين كل شي دفعه وحده اشتري علي احتياجج يعني اول شي اخذي جدر للعيش وجدر للمرق وجدرين صغار للدقوس واحتمال تسويين حمسه للغدا
وقلاصات وطقم شاي وقهوه
اخذي طقم الصيني يفيدج انا خذيت من رد تاغ علي 5 دينار بس حلو
وبيني وبينج السوق مو طاير واذا احتجتي شي روحي اشتري

 

[ام نوونه]

الحال من بعضه انا كنت قاعده عند اهل ريلي والحين طلعت بشقه
صارلي اسبوع بس والله امي اهيا اللي جهزت معاي
لان ماكان عندي اغراض مطبخ والاثاث غيرته
يبيلج ميزانيه محترمه