اللي عيالها بروضات جنوب السره تدخل بليز

[أم حمودي**MALL**]

حبايبي ابي اعرف اذا وحده فيكم عيالها بالروضه بمنطقة جنوب السره وبالتحديد روضة الشفق اللي بالسلام

ودي ادخل ولدي فيها بس متردده

ياريت الي عيالها هناك تفيدني عن مستواهم واستفادتهم بلييييييييييييييييييييييز

 

[أم حمودي**MALL**]

وينكم بنات@@

 

[لوكريسيا]

ولدي روضته بالسلام بس مو الشفق .. روضته النسمة اللي بقطعة 2 .. ممتازة و ناظرتهم تهبل

 

[أم حمودي]

أنا بنتي في روضة الوسم بالزهراء وبصراحة روعة الناظرة تهبل

 

[أم حمودي**MALL**]

حبايبي انا موقصدي عالناظره اذا تهبل ولا لأ
انا قصدي يعلمون الياهل ولا بس رقص وغناوي
يعني الابلات زينين هذا المهم
ابي كل شي بالتفصيل بليز
اختكم محتاره

 

[لوكريسيا]

أكيد يعلمون الياهل جم مرة أحضر اجتماع اولياء الامور بالدرس النموذجي بالصف .. و ما شاء الله لما المدرسة تكلمهم و تسألهم عن اشياء كانت معطتها اليهال .ز اقول بيني و بين نفسي ان المنهج دسم و ما راح يتعلمون بس ما شاء الله تلقين اليهال يجاوبون عدل

و انتي مو مجبورة تخلين ولدج يدش نشاط الموسيقى او اي نشاط انتي ما تبينه .. بالنسبة لي دخلت ولدي البجر و هذا الثاني ما شاء الله نفس الروضة و عمري ما شفت عليهم شي .. بالعكس وااايد مرتاحة و الله يتمم

 

[أم حمودي]

بالنسبة لروضة الوسم بالزهراء كانوا يعطون بنتي سي دي على كل خبرة وفيه شرح كامل مع أوراق عمل تحلهم بنتي
وتحفيظ القرآن

 

[bambena]

يعطونهم انجيزي ؟؟

 

[أم حمودي**MALL**]

بالنسبة لروضة الوسم بالزهراء كانوا يعطون بنتي سي دي على كل خبرة وفيه شرح كامل مع أوراق عمل تحلهم بنتي
وتحفيظ القرآن

ماشلله حلو

مافي احد بالشفق بنات؟؟

 

[أم حمودي**MALL**]

بنات بليز
اي احد بالشفق؟!

 

[Baby^Bop]

للرفع

 

[rawona]

حبوبه باعطيج نصيحه من قلب

انا بنتي بروضة الوداد بحطين نصيحه اخت اذا ظروفج تسمح دخلي ولدج مدرسه خاصه لو بس تأسيسنه واولى ابتدائي حوليه ..

انا هذي كانت فكرتي بس ريلي قالي نأسس البنت بالابتدائي والنتيجه؟؟؟



بنتي صارلها سنتين برياض الاطفال للاسف مستواهم حده فاشل !!

ماامدح في بنتي بس اهي شطوره وماشالله عليها تلقط بسرعه وتحفظ بسرعه بس للاسف مافي ابلاااااااااااااات يقدرون ووايد يدقرون ناس وناس وبنتي شوي خجوله يبيلها بس احد يشجعها بالبدايه وتصير فلته تالي بس للاسف مايعطونها ويهه والابلات مالهم خلق همهم الاكبر الناظره والوكيله والمظاهر والحفلات اللي مالها داعي وهالسبب خلاني ادخل بنتي مخيم ربيعي بعطله الربيع والمدرسين ملوتها اجانب بصراحه رفعوا روحي المعنويه وايد وايد مستانسين على بنتي ويشجعونها ويكلمونها واهي وايد حبتهم لدرجة اني الحين مفكره احولها مدرسه خاصه والسبب مافي اهتمام ولا منهج بالحكومه خساره على الفلوس اللي يقطونها لو يسكرون رياض الاطفال ويعطون الاهالي فلوس يدخلون عيالهم مدارس اجنبيه وايد ابرك!!

​

 

[أم حمودي**MALL**]

مشكووره عالنصيحه حبيبتي
خلاص قررت ادخله مدرسه خاصه
بس خايفه عليه من الباص

 

[rawona]

مشكووره عالنصيحه حبيبتي
خلاص قررت ادخله مدرسه خاصه
بس خايفه عليه من الباص

الله يحفظه ويخليه لج انشالله ​

 

[أم حمودي**MALL**]

مشكوره يا قلبي ويخليلج عيالج

 

[Q8stylle]

موفقه يالغاليه

 

[الصابرة المحتسبة]

رفع

 

[أم حمودي**MALL**]

بنات اللي حابين يعرفون
انا دخلت ولدي روضة الانجلش بلاي قروب بسلوى
صراحه احس ان ولدي مستفيد خاصه انه توه صار له اسبوعين من داوم
ماشلله يمسك لقلم بروحه ويمشي عالنقط ويلون مع انه ماكام يعرف شي كللللللش

 

[الصابرة المحتسبة]

رد : اللي عيالها بروضات جنوب السره تدخل بليز

رفع

 

[aquamarine]

السلام بنات انا كنت ابله بروضت الشفق بس طلعت والله المدرسه زينه ومافيها شي .