اللي قاعده اسويه صح ولا غلط !! (محتاجه مساعدتكم + تشجيعكم )

[اح ـآسيس مبعثره]

السلام عليكم ورحمة الله وبركاته ​

صباحكم // مسأئكم .. ورد ~ ​

مبارك عليكم الشهر ولو انها متأخر .​

بنات بدخل بالموضوع ع طول ومابي ألف وأدور ​

انا عمري 19 .. << ادري توني صغيره خخ
السالفه اني احب واحد و اكلمه بالفون واهوا معاي بالجامعه ..
صارلي تقريبا من كلمته فوق الـ 5 شهور
صج ارتاحله واحب اسولف معاه واهو نفس الشي
بالبدايه كنا حييل مع بعض .. بس الحين لا بحكم ان انشغلنا احنا الاثنين ​

ادري اللي اسويه غلط ..
بس والله بنات والله يشهد علي اني حاسه بالغلط اللي سويته
ادري الحب لا عيب ولا حرام
بس انا اكلمه من ورا اهلي محد يدري وهالشي بروحله مسببلي ازمه .. احس اني خنت ثقة اهلي
مو قد المسؤوليه والثقه اللي عطوني اياها​

يمكن ما اطلع احبه يمكن تعودت عليه ..
تعودت ع احد يسأل عني ويخاف علي
اقعد ع صوته وانام ع صوته ..​

بس بعد ادري انه اهوا نفس الشي تعود علي .. مع ان قالي انه حبني
بس احس انه تعود علي مو حب
جذي فجأه انشغل عني .. وما قام يسأل مثل قبل ..
كنت مقدره هالشي ولازلت اقدر .. بحكم وضعه .​

قبل كنا 24 ساعه مع بعض ..
الحين صارلي فتره تقريبا 4 ايام ما كلمته ولا حتى دزيتله مسج
تخيلوا قبل يسأل لو اغيب جم ساعه .. والحين غبت 4 ايام تقريبا بس مسج واحد من يقعد وما يسأل ليش هالغيبه بس صباح الخير !!​

اللي صار الحين ..~
اني ابي ارد نفس قبل .. مابي اضيع نفسي اكثر من جذي
ادري اللي سويته غلط .. وغلط كبير بعد
بس هذا اللي صار ​

قررت اني ما اكلمه بعد .. وكل شي ينتهي ,, لانه مكانتي عنده صارت واضحه
ولأسباب واايد بعد ..:eh_s(10):
بنات بالغصب ماسكه نفسي اني ما ارد عليه ولا ارد ع مسجاته
واحاول كثر ما اقدر ألهي نفسي عن الفون
مابي اكلمه بعد ..
ابي ارجع نفس قبل ​

بنآآت ~
والله حاسه بالذنب
وحاسه اني خنت ثقة اهلي فيني
وما استاهل هالثقه وهالمسئوليه ​

بس ..~
ابي منكم شي واحد بس ..​

اللي قاعده اسويه صح ولالا ؟!! (( ان انهي كل شي )) :bbbiu:
لان والله كل ما اشوف عيون اهلي احس بالذنب واني خنت ثقتهم فيني :eh_s(16)::eh_s(11):
وابيكم تشجعوني ع هالشي .. وتدعولي بهالشهر اني ارجع نفس قبل .. :eh_s(17):​

بنات تكفوون لا تنسوني من دعائكم .. :yaaaaaarb:
وابي ردكم ع موضوعي .. ​

 

[وطونه]

السلااام عليكم ورحمة الله وبركااته

حبيبتي الله يهديج الى مايحب ويرضى ويثبتج ياارب على اللي نويتي عليه
صدقيني الشبااب يحبون يقضون وقت ويتسلون لا أكثر ولا أقل
وبعدين اسمحيلي اذا فكروا بالزواج مستحيل يتزوجون اللي كانوا يكلمونهم
ردي لربج واستغفري وتوبي واشغلي نفسج بشي ينفعج

وطبعا تلاقينه الحين مشغول مع حب وقصه جديده أهم جذي
فعشاان ماتعطينه مجاال يرجع ويكلمج غيري خطج وسدي هالبااب وارتااحي



تقبلي مرووري 00000وطن النهااار

​

 

[لذة شقاوه]

حبيبتي دام بس تلفووونات انهيها احسن ما تصير طلعات وحلو ان الانسان يعترف بغلطه ويعدله بس الي غلط انه يستمر بالغلط
حبيبتي لا تخسرين ثقت اهلج فيج ترى والله محد يستاهل
وكلهم يلعبووون ياقلبي ومافي احد صاج وماكو شي اسمه حب حتى بين الرفيجات والصداقات
انصحج ابتعدي عنه وهاذي احسن فرصه ما كلمتيه اربع ايام اذا تقدرين غيري خطج وارتاحي ياقلبي
وترى حرااااام الي تسوينه فكري بالي قلته لج
وتقبلي مروري

 

[سنيوريتآ]

الله يهديييج و يثبتتج
اللي سسويتيه عيين آلعقققل و سسلي ووقتج بقرآءة آلقرآآآن
و آكثرري مممن آلدعــآإء و ممرآح آنسسسآج ولآ آنتم يآ بنـآإت آلبنت آعترفت بغلطتههآ لآزم ندعييلههها موو ححلو نظررت آهلج لج لو دروو فحآولي تنهينهآآآ
آلله يثبتج و يريحج آدعي بهالشششهر آلفضضيل
ربي ينوولج آللي ببآلج
آدعيلي ..~​

 

[حلاتي بذوقي]

انتي صح اذا وخرتي عن الغلط وتركتيه
بس انتي غلط اذا استمريتي معاه وكملتي بالغلط
والله يهديج يارب وحاولي بقدر ماتقدرين انج ماتكلمينه لو شنو يصير وابتعدي عنه
ولاتعيدين الغلط حياتي

 

[*الغاليه*]

عمرج ١٩ موصغيره قلبي لاتقولين انا صغيره

ودامج اعترفتي بغلطج هذا بحد ذاته بادرة خير

ولو هالطريق صحيح جان ماخشيتي عن اهلج صح ؟؟؟

نصيحه لوجه الله بعدي عن هالدرب دامج طلعتي من هالموضع بس اتصالات ومسجات

ماتدرين باجر شيصير وربج مطلع وشايف كل تصرفاتج وشايف انج قاعده تخونين ربج قبل الكل

اقطعي علاقتج فيه وقوي علاقتج بربج من صلاه وقرأة قران واذكار

وربي يهديج ويبعد عنج كل شر

​

 

[مسك حياتي]

الله يهديج ان شاء الله لما يحبه و يرضاه من قول و عمل ...

الصح انج تغيرين خطج و تنهين كل شي بينكم و تتوبين لربج و تدعينه سبحانه يقبل توبتج و الله تواب رحيم ...

و اعتبري كل اللي بينكم صفحه قبل لا تطوينها من حياتج شقيتيها و قطيتيها بالزباله انسيها تماما عشان لا تحنين له ...

الله يتمم عليج قرارج بانج تهدينه ...

 

[(كويتيه عسل)]

الله يهديج ويثبتج ياااااااارب ويحميج من الذيابه

 

[غلا الغوالي]

انتي سألتي وجاوبتي بنفسسسك​

علشان تتركين هااللشي ​

اتركي الاغاني والمعاصي ​

لأنك معها ماراح تقدين تتركين​

هااللشي​

وكثري من الصلوات والطاعات​

وقراءة القرآآآن​

وادعي ربك​

انه يكفيك شر الفتن ويرزقك ​

خشيته في الغيب والشهاده​

ويرزقك العفاف​

واقري قصص البنات​

ونهاياتهم مع الشباب​

علشان تخافين ​

وترتدعين​

وتذكري امك وابوك​

واخوانك ​

وثقتهم فيك​

وصددمتهم اذا دروا​

وخلي هاالمقوله عندك دايما​

علشان تتشجعين​

من ترك شيئا لله عوضه الله خيرا منه​

الله يثبت قلبك​

"​

 

[حقوقيه زوغه]

الريال لو يبيج بيطق باب بيتكم ونتي معززه مكرمه أيي اهو واهله وياخذونج جدام ابوج واخوانج واهلج صج شعور حلو بس بهالطريقه غلط غلط ولا تفكرين تكلمينه لا اهو ولا غيره حبيبتي الشباب الحين قاموا يخافون من البنات ومايثقون فيهم فما بالج واحد كلمج انا اقول غيري رقمج لإنج قاعده تضيعين وقتج ع الفاضي سويلج شي مفيد لين ايلج اللي يستاهلج

 

[هنوو العنزي]

ايه والله حبيبتي شوفي

انهي المكالمه وانهي شي بحياتج اسمه حب الحب (( بعد الزواج قلبيي ) وبس واتمنى اني افدتج > ولا مادري شلون يوقولونه لوول افتدج مودري افتدج والله شلون خخخ

الموهيم الله يوفقج يااارب

 

[Omniya]

ماقصرو البنات .. لاتحاجينه تلفون
خليه اذا يبيج يتعنالج ويطق باب بيتكم ..
تخيلي تتعلقين فيه اكثر واكثر واخرتها ماكو نصيب ..
ترا حرام اللي تسوينه اهم شي انج عرفتي غلطتج

 

[ام المصايب]

حبيبتي انتي صح انج غلطتي انج كلمتيه بس انا ما اقولج انهي كلشي اعتقد 5 اشهر عرفتوا بعض لو اهوه صج يبيج قوليله يخطبج من اهلج عشان لا يصير شي من وراهم وبجذي تحلين السالفة

 

[ღ كحلاء العين ღ]

،*

يآ حـيآتيے آنتـيے شـيےء حيييل حلـو …

آترگيـه وآترگــيے هالـدرب وآلله يثبتج ويهـديــج يـآ قلبـيے …

عقبـآآل گل آلبنآت …
​

 

[Tom ♥ Jerry]

.,


و الله ياليت البنات الي يكلمون و عايشين بـ وهم يقرون موضوعج و يسوون مثلج ,،
حبيبتي انا برايي تقولين له آنج تبين تخلينه و تنهين العلاقه
لانه خايفه من ربج و آهلج و مآله دآعي تكلمين شباب من ورا آهلج ,،
فهميه الموضوع و آهوة شاب جآمعي يعني آكيد رآج يقدر ،
و مثل مآ تعودتوو على بعض رآح تتعودون تعيشون حياه بدون بعض ,،

و حطي في بالج محد ياخذ الا نصيبه
يعني لو الله كآتب هالشخص لج سواء كلمتيه و لا مآ كلمتيه رآح تآخذينه
و اذا الله كآتب آنه مو لج ,، لو شنو تسوين مآ رآح تاخذينه .،
فـ لا تغضبين ربج على شي بالنهايه رآح يكون قسمه و نصيب .,،

و شدي حيلج بالدراسه و لاحقه على الحب
الحب الصجي ايي بعد الزوآج

 

[روانتي 12]

وعليككم سلام ورحممة آلله وبرككأته ..

حبيبتي .. لا انتي اول ولا اخر وحده تخطي بهالدنيا .. وياما بنات شكثرهم كلمو شباب ..

و الاعتراف بالغلط شي زين مو شين .. و الغلط مو عيب بالعكس من هالغلطه تتعلمين و تعرفين من صح ومن الغلط

ولا انتي اول ولا اخر وحده تغلطين صح ولا لا ..؟؟ في كثير ناس تغلط و من ضمنهم انا ... انا كثيره غلطاتي بس بالعكس

الحين صرت اعرف من صح من الغلط و قنووعه وايد .. حبيبتي الي سويتيه الحين شي وايد حلوو و بالعكس بتكبرين بعين اهلج

اكثر و اكثر .. بس اول شي تووبي لوجه الله عن الي سويتيه وعسسى ربي يقبل توبتج ..

و اهنيج على الي سويتيه .. و من اليووم ابدي بصفحه يديده حلوووه ..

وعسسى ربي يوفقج دنيا و اخره يثبتج ع طاعته .

 

[Loutes]

اللي تسوينه عين العقل
اتركيه ولو يبيك بيجيك
وادعي ربي يثبتك

وما شاء الله عاقلة انتي

 

[Nanoosa]

الحمد لله على هالقرار اللي اتخذتيه زين سويتي

اي حبيبتي لا تردين عليه لأن اللي كنتي تسوينه الله ما يرضى فيه

((احس اني خنت ثقة اهلي
مو قد المسؤوليه والثقه اللي عطوني اياها))
<< بالضبط هذا اللي بغيت اقولج اياه
فكري بالجملة اللي كتبتيها

اللي سويتيه صح و نص و طيعيني لا تكلمين واحد من ورا اهلج لأنه اصلا ما راح يفكر فيج كزوجة
لي بغى يتزوج يدور العفيفة المنخشة اللي عمرها ما كلمت صبيان بالتلفون ولا اطلعت مع احد

 

[أم توتو]

عسى ربي يثبتج واللي راح تسوينه عين العقل وادعي ان ربي يتوب عليج ويتقبل التوبه ربي يوقفج ان شاء الله

 

[آتعــبني غـلآآك]

زين انج عرفتي غلطج قبل لايصير شئ بينكم
الله يهديج وتتركينه